ನವದೆಹಲಿ: ಜಗತ್ತಿನಾದ್ಯಂತ ಡಿಎಸ್ಎಲ್ಆರ್ ಕ್ಯಾಮೆರಾಗಳ ಬೇಡಿಕೆ ಕುಸಿಯುತ್ತಿದ್ದು, ಇದಕ್ಕೆ ಮುಖ್ಯವಾಗಿ ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ ಸ್ಮಾರ್ಟ್ಫೋನ್ಗಳೇ ಕಾರಣ ಎನ್ನಬಹುದು. ಏಕೆಂದರೆ ಕೆಲವು ದಿನಗಳ ಹಿಂದೆ 108 ಮೆಗಾ ಪಿಕ್ಸಲ್ ಹಾಗೂ 200 ಮೆಗಾ ಪಿಕ್ಸಲ್ ಕ್ಯಾಮೆರಾ ಹೊಂದಿರುವ ಸ್ಮಾರ್ಟ್ಫೋನ್ಗಳು ಬಿಡುಗಡೆಯಾಗಿ ಮಾರುಕಟ್ಟೆಯಲ್ಲಿ ತಮ್ಮದೇ ಹವಾ ಸೃಷ್ಟಿ ಮಾಡಿದ್ದವು.
ಮೊಬೈಲ್ ಮಾರುಕಟ್ಟೆಯಲ್ಲಿ ತನ್ನದೇ ಛಾಪು ಹೊಂದಿರುವ ರಿಯಲ್ ಮಿ ಮೇಲಿಂದ ಮೇಲೆ ಹೊಸ ಪೋನ್ಗಳನ್ನು ಬಿಡುಗಡೆ ಮಾಡುತ್ತಿದೆ. ಮೇ 10ರಂದು ಕಂಪನಿಯು ರಿಯಲ್ ಮಿ-11 ಪ್ರೋ ಸರಣಿಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಈ ಸರಣಿಯು ರಿಯಲ್ ಮಿ 11, ರಿಯಲ್ ಮಿ 11 ಪ್ರೋ ಹಾಗೂ ರಿಯಲ್ ಮಿ 11 ಪ್ರೋ ಪ್ಲಸ್ ಎಂಬ ಸ್ಮಾರ್ಟ್ಫೋನ್ಗಳನ್ನು ಹೊಂದಿದೆ. ಮೊದಲಿಗೆ ಚೀನಾ ಮಾರುಕಟ್ಟೆಗೆ ಕಾಲಿಡಲಿರುವ ಈ ಫೋನ್ಗಳು ನಂತರ ಭಾರತದ ಮಾರುಕಟ್ಟೆಗೆ ಲಗ್ಗೆಯಿಡಲಿವೆ.
ಇದನ್ನೂ ಓದಿ: ಪ್ರಾಣವನ್ನೇ ಕಿತ್ತುಕೊಂಡ ರೀಲ್ಸ್ ಹುಚ್ಚು!
ಈ ಫೋನಿನ ಫೀಚರ್ಸ್ಗಳನ್ನು ನೋಡಿದಾಗ, 6.7 ಇಂಚಿನ ಪುಲ್ ಹೆಚ್ಡಿ ಡಿಎಸ್ ಪ್ಲೇ ಜೊತೆಗೆ AMOLED ಸ್ಕ್ರೀನ್ ಹೊಂದಿದೆ. ದೀರ್ಘ ಸಮಯ ಬಾಳಿಕೆ ಬರುವ 5000 mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರುವುದರ ಜೊತೆಗೆ 67 ವ್ಯಾಟ್ನ ಫಾಸ್ಟ್ ಚಾರ್ಜಿಂಗ್ನ್ನು ಬೆಂಬಲಿಸುತ್ತದೆ ಎನ್ನಲಾಗಿದೆ. ಇನ್ನು, 12GB RAM ಮತ್ತು 256GB ವರೆಗೆ ಸಂಗ್ರಹಣಾ ಸಾಮರ್ಥ್ಯ ಹೊಂದಿರುವ ನಿರೀಕ್ಷೆಯಿದೆ.
Realme 11 ಸರಣಿ ಬರೊಬ್ಬರಿ 200 MP ಕ್ಯಾಮೆರಾವನ್ನು ಹೊಂದಿರುವುದರ ಜೊತೆಗೆ ಸ್ಯಾಮ್ಸಂಗ್ ISOCELL HP3 ಸೆನ್ಸಾರ್ ಅನ್ನು ಒಳಗೊಂಡಿವೆ ಹಾಗೂ 20x ಮೂನ್ ಮೋಡ್ ಜೂಮ್ ಅನ್ನು ಹೊಂದಿರುತ್ತದೆ ಎನ್ನಲಾಗಿದೆ. ಹಿಂಬದಿಯ ಕ್ಯಾಮೆರಾ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ ಬರಲಿದ್ದು, ಸೆಲ್ಪಿ ಪ್ರೀಯರಿಗಾಗಿಗೆ ವಿಶೇಷವಾಗಿ 16MP ಫ್ರಂಟ್ ಕ್ಯಾಮೆರಾವಿದೆ ಎಂದು ಹೇಳಲಾಗುತ್ತಿದೆ. ಈ ಸರಣಿಯ ಪೋನ್ಗಳ ನಿಖರ ಬೆಲೆ ತಿಳಿದು ಬಂದಿಲ್ಲವಾದರೂ, ಇವುಗಳು ಬೆಲೆ ತುಸು ಜಾಸ್ತಿ ಇರಬಹುದೆಂದು ಹೇಳಲಾಗಿದೆ.(ಏಜೆನ್ಸೀಸ್)