ಪೊಂಪೈ: ಬರೋಬ್ಬರಿ 2 ಸಾವಿರ ವರ್ಷಗಳ ಹಿಂದೆ ಜ್ವಾಲಾಮುಖಿಯಿಂದಾಗಿ ಸಾವನ್ನಪ್ಪಿದ್ದ ಇಬ್ಬರು ವ್ಯಕ್ತಿಗಳ ಮೃತದೇಹವನ್ನು ಇಟಲಿಯ ಪುರಾತತ್ವ ತಜ್ಞರು ಪತ್ತೆಹಚ್ಚಿದ್ದಾರೆ. ಅಸ್ಥಿಪಂಜರದ ರೂಪದಲ್ಲಿರುವ ಎರಡು ದೇಹವನ್ನು ಪರಿಶೀಲಿಸಿರುವ ತಜ್ಞರು ಅದು ಶ್ರೀಮಂತ ಮತ್ತು ಆತನ ಕೆಲಸಗಾರನ ಜೋಡಿಯಾಗಿದ್ದಿರಬಹುದು ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಪಾಕ್, ಬಾಂಗ್ಲಾ ಮತ್ತು ಭಾರತವನ್ನು ಸೇರಿಸಿ ಒಂದೇ ರಾಷ್ಟ್ರ ಮಾಡಬೇಕಂತೆ ಈ ಅಲ್ಪಸಂಖ್ಯಾತ ಸಚಿವರಿಗೆ
ಇಟಲಿಯ ಪೊಂಪೈನಿಂದ ಸುಮಾರು 23 ಕಿ.ಮೀ ದೂರದಲ್ಲಿ ರೋಮನ್ ನಗರವೊಂದಿತ್ತು. ಆ ನಗರದಲ್ಲಿ ಸುಮಾರು 13 ಸಾವಿರ ಜನರು ವಾಸಿಸುತ್ತಿದ್ದರು. 2 ಸಾವಿರ ವರ್ಷಗಳ ಹಿಂದೆ ಅಲ್ಲಿ ಜ್ವಾಲಾಮುಖಿ ಸ್ಫೋಟವಾಗಿದೆ. ಪೂರ್ತಿ ನಗರವೇ ಬೂದಿಯಲ್ಲಿ ಮುಚ್ಚಿಹೋಗಿದೆ. ಈ ಸ್ಥಳ ಇದೀಗ ಪುರತಾತ್ವ ತಜ್ಞರ ಪಾಲಿಗೆ ಅತ್ಯಂತ ಶ್ರೀಮಂತ ಸ್ಥಳ. 1750ರಿಂದಲೂ ಇಲ್ಲಿ ಉತ್ಖನನ ಕೆಲಸಗಳು ನಡೆಯುತ್ತಲೇ ಇವೆ. ಇತ್ತೀಚೆಗೆ ನಡೆದ ಉತ್ಖನನದಲ್ಲಿ ಈ ಎರಡು ದೇಹಗಳು ಪತ್ತೆಯಾಗಿವೆ.
ಇದನ್ನೂ ಓದಿ: ಕಾಂಗ್ರೆಸ್ಗೆ ಬಂತು ಸಂಕಷ್ಟ; 25 ಸಾವಿರ ಕೋಟಿ ರೂ. ಭೂ ಹಗರಣ ಪ್ರಕರಣದಲ್ಲಿ ಕೈ ನಾಯಕರ ಹೆಸರು
ಈ ಎರಡು ದೇಹಗಳ ಪೈಕಿ ಒಂದು ದೇಹವು ಉಣ್ಣೆಯ ಬಟ್ಟೆ ತೊಟ್ಟಿದ್ದ ಕುರುಹಿದೆ. 30-40 ವಯಸ್ಸಿನವನಾಗಿದ್ದ ಆತ ಶ್ರೀಮಂತ ವರ್ಗಕ್ಕೆ ಸೇರಿದವನಿರಬಹುದು ಎಂದು ಊಹಿಸಲಾಗಿದೆ. ಇನ್ನೊಂದು ದೇಹದಲ್ಲಿ ಮಾಮೂಲಿ ಬಟ್ಟೆ ತೊಟ್ಟಿದ್ದ ಕುರುಹಿದೆ. ಇದು ಸಾಮಾನ್ಯ ವರ್ಗಕ್ಕೆ ಸೇರಿದವನಿದ್ದಿರಬಹುದು. ಆತನ ದೇಹದ ಮೂಳೆಗಳು ಹೆಚ್ಚು ದುಡಿದಿರುವ ಕುರುಹು ನೀಡುತ್ತಿವೆ. ಹಾಗಾಗಿ ಆ ಶ್ರೀಮಂತನ ಕೆಲಸಗಾರ ಅವನಾಗಿದ್ದಿರಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. (ಏಜೆನ್ಸೀಸ್)
ಬಾಲಕಿ ಮೇಲೆ ರೇಪ್ ಸಾಧ್ಯವಾಗಲಿಲ್ಲವೆಂದು ಕೊಲೆ ಮಾಡಿಬಿಟ್ಟ; ನಡೆದಿದ್ದೇನೆಂದು ಕೇಳಿದರೆ ಶಾಕ್ ಆಗ್ತೀರ