ನವದೆಹಲಿ: ಕಿಲ್ಲರ್ ಕರೊನಾ ಸೋಂಕು ಹರಡುವುದನ್ನು ತಡೆಗಟ್ಟಲು ಪ್ರಧಾನಿ ನರೇಂದ್ರ ಮೋದಿ ಘೋಷಿಸಿದ ಮಹತ್ವದ ಲಾಕ್ಡೌನ್ ನಿರ್ಧಾರದ ಭಾಷಣವೂ ಟಿವಿ ಲೋಕದಲ್ಲಿ ಹೊಸ ಇತಿಹಾಸ ಬರೆದಿದೆ.
ಭಾರತೀಯ ಬ್ರಾಡ್ಕಾಸ್ಟ್ ಆಡಿಯನ್ಸ್ ರೀಸರ್ಚ್ ಕೌನ್ಸಿಲ್(ಬಿಎಆರ್ಸಿ) ಮತ್ತು ನೈಲ್ಸೆನ್ ಸಂಸ್ಥೆ ಶುಕ್ರವಾರ ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ ಬರೋಬ್ಬರಿ 197 ಮಿಲಿಯನ್(19.7 ಕೋಟಿ) ಮಂದಿ ಮೋದಿ ಭಾಷಣವನ್ನು ದೇಶಾದ್ಯಂತ ವೀಕ್ಷಣೆ ಮಾಡಿದ್ದಾರೆ.
ಅಂದಹಾಗೆ ಪ್ರಧಾನಿ ಮೋದಿ ಅವರು ಮಾರ್ಚ್ 24ರ ರಾತ್ರಿ 8 ಗಂಟೆಗೆ ರಾಷ್ಟ್ರವ್ಯಾಪಿ ಸಂಪೂರ್ಣ ಲಾಕ್ಡೌನ್ಗೆ ಕರೆಕೊಟ್ಟರು. ವಿಡಿಯೋ ಕಾನ್ಫರೆನ್ಸ್ ಮೂಲಕ ದೇಶದ ಜನತೆಯನ್ನು ಉದ್ದೇಶಿಸಿ ಮಾತನಾಡಿದರು. ಇದು ಈವರೆಗಿನ ಅತ್ಯಂತ ದೊಡ್ಡ ನ್ಯೂಸ್ ಈವೆಂಟ್ ಎನಿಸಿಕೊಂಡಿದೆ. ಈ ಮೂಲಕ ಐಪಿಎಲ್ ಟೂರ್ನಿಯ 133 ಮಿಲಿಯನ್ ವೀಕ್ಷಣೆಯ ದಾಖಲೆಯನ್ನು ಹಿಂದಿಕ್ಕಿದೆ.
ಲಾಕ್ಡೌನ್ ಘೋಷಣೆ ವೀಕ್ಷಿಸಿದ ಸಮಯಗಳ ಸಂಖ್ಯೆಯೂ 3,891 ಮಿಲಿಯನ್ ನಿಮಿಷಗಳಾಗಿವೆ. ಹಾಗೇ ದೇಶಾದ್ಯಂತ 201 ಚಾನೆಲ್ಗಳು ಮೋದಿ ಭಾಷಣವನ್ನು ವರದಿ ಮಾಡಿವೆ. ಒಟ್ಟಾರೆ ಪ್ರಧಾನಿ ಮೋದಿ ಅವರ ಈ ಹಿಂದಿನ ಭಾಷಣಗಳ ದಾಖಲೆಯನ್ನೇ ಲಾಕ್ಡೌನ್ ಘೋಷಣೆ ಮುರಿದಿದೆ.
ಜಮ್ಮು ಮತ್ತು ಕಾಶ್ಮೀರಕ್ಕೇ ನೀಡಲಾಗಿದ್ದ ವಿಶೇಷ ಸ್ಥಾನಮಾನವನ್ನು ರದ್ದು ಮಾಡಿರುವುದಾಗಿ 2019, ಆಗಸ್ಟ್ 8ರಂದು ಪ್ರಧಾನಿ ಮೋದಿ ಮಾಡಿದ್ದ ಘೋಷಣೆಯನ್ನು 65 ಮಿಲಿಯನ್(6.5 ಕೋಟಿ) ಮಂದಿ ವೀಕ್ಷಿಸಿದ್ದರು. ವೀಕ್ಷಣೆಯ ಸಮಯ 934 ಮಿಲಿಯನ್ ನಿಮಿಷಗಳಾಗಿತ್ತು.
ಇನ್ನೂ 2020, ಮಾರ್ಚ್ 19ರಂದು ಪ್ರಧಾನಿ ಕರೆ ನೀಡಿದ್ದ ಜನತಾ ಕರ್ಫ್ಯೂ ಅನ್ನು 83 ಮಿಲಿಯನ್ (8.3 ಕೋಟಿ) ಮಂದಿ ನೋಡಿದ್ದರು. ವೀಕ್ಷಣೆಯ ಸಮಯ 1275 ನಿಮಿಷಗಳಾಗಿತ್ತು. 2016, ನವೆಂಬರ್ 8ರ ನೋಟ್ ಬ್ಯಾನ್ ಆದೇಶವನ್ನು 57 ಮಿಲಿಯನ್ (5.7 ಕೋಟಿ) ಮಂದಿ ವೀಕ್ಷಣೆ ಮಾಡಿದ್ದರು. ವೀಕ್ಷಣೆಯ ಸಮಯ 842 ಮಿಲಿಯನ್ ನಿಮಿಷಗಳಾಗಿತ್ತು. (ಏಜೆನ್ಸೀಸ್)
ಭಾರತದ ಜಿಡಿಪಿ ಬೆಳವಣಿಗೆ ಮುನ್ನೋಟ ಶೇಕಡ 2.5ಕ್ಕೆ ಇಳಿಕೆ: ಡೇಟಾ ಪರಿಷ್ಕರಿಸಿದ ಮೂಡಿ’ಸ್
ಚೀನಾದಲ್ಲಿ ಕರೊನಾ ಸೋಂಕು ಹರಡುವುದನ್ನು ತಡೆಗಟ್ಟಿದ ಮಹತ್ವದ ನಿರ್ಧಾರವೇ ನಮ್ಮನ್ನೂ ಕಾಪಾಡಲಿದೆ