ನ್ಯೂಜೆರ್ಸಿ: ಅಲ್ಲಿ ಇದ್ದುದು ನಾಲ್ಕೇ ನಾಲ್ಕು ಡೆಡ್ಬಾಡಿ ಇರಿಸುವಷ್ಟು ಜಾಗ ಮಾತ್ರ. ಆದರೆ ಅಲ್ಲಿ ಪತ್ತೆಯಾದುದು ಬರೋಬ್ಬರಿ 17 ಡೆಡ್ಬಾಡಿಗಳು!
ಹೌದು.. ಇದು ನ್ಯೂಜೆರ್ಸಿ ಟೌನ್ನ ಸಣ್ಣ ಪಟ್ಟಣ ಆಂಡೋವರ್ನ ನರ್ಸಿಂಗ್ ಹೋಮ್ ಒಂದರ ಕಥೆ ಮತ್ತು ವ್ಯಥೆ. ರಾಜ್ಯದ ಅತಿದೊಡ್ಡ ನರ್ಸಿಂಗ್ ಹೋಮ್ನಲ್ಲಿ ಶವಗಳನ್ನು ಈ ರೀತಿ ಇರಿಸಿರುವ ಬಗ್ಗೆ ಆಂಡೋವರ್ನ ಪೊಲೀಸರಿಗೆ ಸೋಮವಾರ ಅನಾಮಧೇಯ ಕರೆಯೊಂದು ಬರುತ್ತದೆ. ಆ ಮಾಹಿತಿ ಆಧರಿಸಿ ಸ್ಥಳಕ್ಕೆ ತೆರಳಿದ ಪೊಲೀಸರು ಅಕ್ಷರಶಃ ಬೆಚ್ಚಿಬಿದ್ದಿದ್ದರು. ನರ್ಸಿಂಗ್ ಹೋಮ್ನ ಶೆಡ್ ಒಂದರಲ್ಲಿ ನಾಲ್ಕೇ ನಾಲ್ಕು ಶವ ಇರಿಸುವಷ್ಟು ಜಾಗ ಇತ್ತಷ್ಟೆ. ಅಲ್ಲಿ ಬರೋಬ್ಬರಿ 17 ಶವಗಳಿದ್ದವು!!!
ಈ ಬಗ್ಗೆ ಆಂಡೋವರ್ನ ಪೊಲೀಸ್ ಮುಖ್ಯಸ್ಥ ಎರಿಕ್ ಸಿ ಡೇನಿಯಲ್ಸನ್ ಪ್ರತಿಕ್ರಿಯಿಸಿದ್ದು, ಅಲ್ಲಿ ಸಾಮರ್ಥ್ಯಕ್ಕಿಂತ ಹೆಚ್ಚು ಜನರಿದ್ದಾರೆ. ಅವರಿಗೆ ಚಿಕಿತ್ಸೆ ಕಷ್ಟ ಸಾಧ್ಯ. ದೀರ್ಘಾವಧಿಯ ಕೇರ್ ಫೆಸಿಲಿಟಿಗೆ ಸಂಬಂಧಿಸಿದ 68 ಸಾವುಗಳ ಪೈಕಿ ಈ ಹದಿನೇಳು ಕೂಡ ಸೇರಿಕೊಂಡಿವೆ. ಅಷ್ಟೇ ಅಲ್ಲ, ಆಂಡೋವರ್ ಸಬಾಕ್ಯೂಟ್ ಆ್ಯಂಡ್ ರಿಹ್ಯಾಬಿಲಿಟೇಷನ್ ಸೆಂಟರ್ 1 ಮತ್ತು 2ರಲ್ಲಿನ ಇಬ್ಬರು ದಾದಿಯರೂ ಇದ್ದಾರೆ. 68 ಸಾವಿನ ಪ್ರಕರಣಗಳಲ್ಲಿ 26 ಜನರಿಗೆ ಕರೊನಾ ಪಾಸಿಟಿವ್ ಖಚಿತವಾಗಿತ್ತು. ಇನ್ನು ಉಳಿದವರ ಸಾವಿಗೆ ಕಾರಣವನ್ನು ಇನ್ನೂ ಪತ್ತೆ ಹಚ್ಚಲಾಗಿಲ್ಲ.
ಈ ನರ್ಸಿಂಗ್ ಹೋಮ್ನ ಎರಡು ಕಟ್ಟಡಗಳಲ್ಲಿ ಬಾಕಿ ಉಳಿದಿರುವ 76 ಜನರಿಗೆ ಕರೊನಾ ಪಾಸಿಟಿವ್ ಖಚಿತವಾಗಿದೆ. ಅಲ್ಲದೆ, ಒಬ್ಬ ಆಡಳಿತಾಧಿಕಾರಿ ಸೇರಿ 41 ಸಿಬ್ಬಂದಿಗೆ ಕೋವಿಡ್ 19 ಸೋಂಕು ತಗುಲಿದೆ ಎಂಬುದು ಬುಧವಾರ ಫೆಡರಲ್ ಅಧಿಕಾರಿ ಪ್ರಕಟಿಸಿದ ಮಾಹಿತಿಯಲ್ಲಿದೆ.
ಆಂಡೋವರ್ ಸಬಾಕ್ಯೂಟ್ ಒಂದೇ ಈ ರೀತಿ ಆಗಿರುವುದಲ್ಲ. ನ್ಯೂಯಾರ್ಕ್ ಪ್ರಾಂತ್ಯದ ಬಹುತೇಕ ನರ್ಸಿಂಘ್ ಹೋಮ್ಗಳಲ್ಲಿ ಕರೊನಾ ಚಿಕಿತ್ಸೆಗೆ ಇರಬೇಕಾದ ಸೌಲಭ್ಯಗಳ ಕೊರತೆ, ಹೆಚ್ಚುತ್ತಿರುವ ಸೋಂಕು ಹರಡುವಿಕೆ, ವೈಯಕ್ತಿಕ ಸುರಕ್ಷತೆ ಕಾಪಾಡಲು ಸೂಕ್ತ ಮುಂಜಾಗ್ರತಾ ಕ್ರಮಗಳ ಕೊರತೆ ಎಲ್ಲವೂ ಕಾಡುತ್ತಿವೆ. ಆಂಡೋವರ್ ಸಬಾಕ್ಯೂಟ್ 700 ಬೆಡ್ಗಳೊಂದಿಗೆ ಆ ಪ್ರಾಂತ್ಯದಲ್ಲಿ ಅತಿದೊಡ್ಡ ನರ್ಸಿಂಗ್ ಹೋಮ್ ಆಗಿ ಆಶಾದಾಯಕವಾಗಿ ಕಾಣಿಸಿಕೊಂಡಿತ್ತು. ಆದರೆ, ದುರದೃಷ್ಟವಶಾತ್ ಸೌಲಭ್ಯಗಳ ಕೊರತೆ ಕಾಡಿದೆ. (ಏಜೆನ್ಸೀಸ್)
ಕರೊನಾದ ನಡುವೆಯೇ ಪಾಕ್ನಿಂದ ರೂಪುಗೊಂಡಿವೆ ಹೊಸ ಉಗ್ರರ ಗುಂಪು!: ಭಾರತೀಯ ಸೇನೆಯ ಮೇಲೆ ದಾಳಿಗೆ ಸಿದ್ಧತೆ
ಮುತ್ತಪ್ಪ ರೈ ಅವರನ್ನು ಎರಡು ತಾಸು ವಿಚಾರಣೆಗೆ ಒಳಪಡಿಸಿದ ಸಿಸಿಬಿ ಪೊಲೀಸರು: ಯಾಕೆ ರೈ ಏನು ಮಾಡಿದ್ರು?