ಲಂಡನ್: ಎರಡು ವಿಶ್ವಯುದ್ಧ ಮತ್ತು 1918ರ ಡೆಡ್ಲಿ ಸಾಂಕ್ರಮಿಕ ಸ್ಪ್ಯಾನಿಷ್ ಫ್ಲೂನಿಂದ ಬಚಾವ್ ಆಗಿದ್ದ 108 ವರ್ಷದ ಹಿರಿಯ ಮಹಿಳೆಯೊಬ್ಬರು ಕಿಲ್ಲರ್ ಕರೊನಾ ವೈರಸ್ಗೆ ಬಲಿಯಾಗಿದ್ದಾರೆ. ಕರೊನಾ ಪಾಸಿಟಿವ್ ಫಲಿತಾಂಶ ಪತ್ತೆಯಾದ ಒಂದು ದಿನದೊಳಗೆ ಶತಾಯುಷಿ ಕೊನೆಯುಸಿರೆಳೆದಿದ್ದಾರೆ. ಕೋವಿಡ್ 19ಗೆ ಬಲಿಯಾದ ಯುನೈಟೆಡ್ ಕಿಂಗ್ಡಮ್ನ ಅತ್ಯಂತ ಹಿರಿಯ ಮಹಿಳೆಯಾಗಿದ್ದಾರೆ.
ಹಿಲ್ಡ ಚರ್ಚಿಲ್ ಏಪ್ರಿಲ್ 5ರಂದು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಬೇಕಿತ್ತು. ಆದರೆ, ಕಳೆದ ಮಂಗಳವಾರದಿಂದ ಕರೊನಾ ರೋಗ ಲಕ್ಷಣಗಳು ಆರಂಭವಾಗಿತ್ತು. ದುರಾದೃಷ್ಟವಶಾತ್ ಪಾಸಿಟಿವ್ ದೃಢವಾದ ಒಂದು ದಿನದೊಳಗೆ ಮೃತರಾಗಿದ್ದಾರೆ.
ಸಾಲ್ಫೋರ್ಡ್ ನಗರದ ತಮ್ಮ ನಿವಾಸದಲ್ಲಿ ಹಿಲ್ಡ ಚರ್ಚಿಲ್ ಶನಿವಾರ ಮೃತಪಟ್ಟಿದ್ದಾರೆ. ಬ್ರಿಟನ್ನ ಅತ್ಯಂತ ಹಿರಿಯ ಕರೊನಾ ಸಂತ್ರಸ್ತೆ ಎಂದು ನಂಬಲಾಗಿದೆ. ಈವರೆಗೂ ಯುಕೆಯಲ್ಲಿ 1000ಕ್ಕೂ ಅಧಿಕ ಮಂದಿ ಸಾವಿಗೀಡಾಗಿದ್ದು, 17 ಸಾವಿರಕ್ಕೂ ಹೆಚ್ಚು ಸೋಂಕಿತರಿದ್ದಾರೆ.
1918ರಲ್ಲಿ ಹರಡಿದ್ದ ಸ್ಪ್ಯಾನಿಷ್ ಫ್ಲೂ ವಿಶ್ವಾದ್ಯಂತ 50 ಮಿಲಿಯನ್ ಜನರನ್ನು ಬಲಿಪಡೆದುಕೊಂಡಿತ್ತು. ಈ ವೇಳೆ ಮಗುವಾಗಿದ್ದ ಹಿಲ್ಡ ಸ್ಪ್ಯಾನಿಷ್ ಫ್ಲೂನಿಂದ ಬದುಕುಳಿದಿದ್ದರು. ಆದರೆ, ಅವರ ಒಂದು ವರ್ಷದ ಸಹೋದರಿಯನ್ನು ಫ್ಲೂ ಬಲಿಪಡೆದುಕೊಂಡಿತ್ತು. (ಏಜೆನ್ಸೀಸ್)
ಕೋವಿಡ್ 19 ವಿರುದ್ಧ ಹೋರಾಟಕ್ಕೆ ಸ್ಫೂರ್ತಿ ಒದಗಿಸಿದ ಜೋಗಿಂದರ್ ಶರ್ಮ, ಐಸಿಸಿ ಮೆಚ್ಚುಗೆ
ಮುಂಬೈನಲ್ಲಿ ಕರೊನಾ ಸೋಂಕಿಗೆ 40 ವರ್ಷದ ಮಹಿಳೆ ಬಲಿ: ಅಪಾಯಕಾರಿ ವಲಯದಲ್ಲಿ ಕರ್ನಾಟಕ