ಲಕ್ಷ್ಮೇಶ್ವರ: ಸುರತ್ಕಲ್ನಿಂದ ಗ್ಯಾಸ್ ಟ್ಯಾಂಕರ್ ಮೂಲಕ ಪಟ್ಟಣಕ್ಕೆ ಆಗಮಿಸಿದ 13 ಕೂಲಿ ಕಾರ್ವಿುಕರನ್ನು ಪತ್ತೆ ಮಾಡಿದ ತಾಲೂಕಾಡಳಿತ ಸೋಮವಾರ ಕ್ವಾರಂಟೈನ್ನಲ್ಲಿರಿಸಿದೆ.
ಲಾಕ್ಡೌನ್ ಹಿನ್ನೆಲೆಯಲ್ಲಿ ತಾಲೂಕಿನ ಬಟ್ಟೂರ ಗ್ರಾಮದ 10 ಕೂಲಿಕಾರ್ವಿುಕರು ಮಂಗಳೂರಿನ ಸುರತ್ಕಲ್ನಲ್ಲಿ ಲಾಕ್ ಆಗಿದ್ದಾರೆ. ಭಾನುವಾರ ಅಲ್ಲಿಂದ ನಡೆದುಕೊಂಡೇ ಬರುತ್ತಿದ್ದ ಸಂದರ್ಭದಲ್ಲಿ ಬಂದ ಗ್ಯಾಸ್ ಟ್ಯಾಂಕರ್ ತಡೆದು ತಮ್ಮ ಕಷ್ಟ ತೋಡಿಕೊಂಡಿದ್ದಾರೆ. ಸಮೀಪದ ಜಾಲವಾಡಗಿ ಗ್ರಾಮದ ಟ್ಯಾಂಕರ್ನ ಚಾಲಕ/ ಕ್ಲೀನರ್ ಮಾನವೀಯತೆಯ ದೃಷ್ಟಿಯಿಂದ ಹೇಗೋ ಮಾಡಿ ಟ್ಯಾಂಕರ್ನಲ್ಲಿ ಕರೆ ತಂದಿದ್ದಾರೆ.
ಸೋಮವಾರ ಬೆಳಗ್ಗೆ ಪಟ್ಟಣದ ಹೊರವಲಯದಲ್ಲಿ ಟ್ಯಾಂಕರ್ನಿಂದ ಇಳಿದವರನ್ನು ಗಮನಿಸಿದ ಮಂಜಲಾಪುರ ಗ್ರಾಮಸ್ಥರು ವಿಷಯವನ್ನು ಪೊಲೀಸರಿಗೆ ತಿಳಿಸಿದ್ದಾರೆ. ಕೂಡಲೆ, ಸ್ಥಳಕ್ಕಾಗಮಿಸಿದ ಪೊಲೀಸರ ತಂಡ ಟ್ಯಾಂಕರ್ನ ಚಾಲಕ/ ಕ್ಲೀನರ್ ಸೇರಿ ಎಲ್ಲರನ್ನೂ ಸರ್ಕಾರಿ ಆಸ್ಪತ್ರೆಗೆ ಕರೆ ತಂದು ಚಿಕಿತ್ಸೆಗೊಳಪಡಿಸಿದ್ದಾರೆ. ನಂತರ ತಹಸೀಲ್ದಾರ್ ಸೂಚನೆ ಮೇರೆಗೆ ಮುರಾರ್ಜಿ ದೇಸಾಯಿ ವಸತಿ ಶಾಲೆಯ ಕ್ವಾರಂಟೈನ್ನಲ್ಲಿರಿಸಲಾಗಿದೆ.
ಈ ಕುರಿತು ತಹಸೀಲ್ದಾರ್ ಭ್ರಮರಾಂಬ ಗುಬ್ಬಿಶೆಟ್ಟಿ ಅವರು ಪ್ರತಿಕ್ರಿಯಿಸಿ, ‘ಸುರತ್ಕಲ್ನಿಂದ ಬಂದ ಮಗು ಸೇರಿ ಬಟ್ಟೂರ ಗ್ರಾಮದ 11 ಜನ ಕೂಲಿಕಾರ್ವಿುಕರು, ಜಾಲವಾಡಗಿಯ ಲಾರಿ ಚಾಲಕ/ ಕ್ಲೀನರ್ ಮತ್ತು ಓರ್ವ ಶಿಶುವಿನಹಾಳದ ವ್ಯಕ್ತಿ ಒಟ್ಟು 13 ಜನರ ಆರೋಗ್ಯ ಪರೀಕ್ಷೆ ನಡೆಸಲಾಗಿದೆ. ಎಲ್ಲರೂ ಆರೋಗ್ಯವಾಗಿದ್ದು, ಕರೊನಾ ಸೋಂಕಿನ ಲಕ್ಷಣಗಳಿಲ್ಲ ಎಂಬುದನ್ನು ವೈದ್ಯರು ದೃಢಪಡಿಸಿದ್ದಾರೆ. ಆದರೂ ಮುನ್ನೆಚ್ಚರಿಕೆ ಕ್ರಮವಾಗಿ ಇಲ್ಲಿನ ಮುರಾರ್ಜಿ ದೇಸಾಯಿ ವಸತಿ ಶಾಲೆಯ ಕ್ವಾರಂಟೈನ್ನಲ್ಲಿರಿಸಿ ಅವರಿಗೆ ಉಟೋಪಚಾರದ ವ್ಯವಸ್ಥೆ ಮಾಡಿ, ತಿಳಿವಳಿಕೆ ನೀಡಲಾಗಿದೆ ಎಂದರು.