ಚಿಕ್ಕಮಗಳೂರು: ಟೋಕನ್ನನ್ನು ಜೆರಾಕ್ಸ್ ಮಾಡಿಸಿ ಲಸಿಕೆ ಪಡೆಯಲು ಮುಂದಾದವರಿಗೆ ಶಾಕ್ ನೀಡಿದ ಆರೋಗ್ಯ ಸಿಬ್ಬಂದಿ ನಕಲಿ ಟೋಕನ್ ತಂದವರಿಗೆ ಲಸಿಕೆ ನೀಡದೆ ವಾಪಸ್ ಕಳಿಸಿದ್ದಾರೆ.
ವಾರಾಂತ್ಯದ ದಿನಗಳಲ್ಲಿ ಲಸಿಕೆ ಪಡೆಯಲು ಜನ ಪರದಾಡುತ್ತಿರುವ ಮಾಹಿತಿ ಅರಿತ ಕೆಲವರು ಟೋಕನ್ಗಳನ್ನು ಜೆರಾಕ್ಸ್ ಮಾಡಿಸಿ ಲಸಿಕೆ ಮುಂದಾದರು. ಬೆಳಗ್ಗಿನಿಂದ ನಾಲ್ಕಾರು ಗಂಟೆ ಬಿಸಿಲಿನಲ್ಲಿ ನಿಂತು ಅವರ ಸರತಿ ಬರುತ್ತಿದ್ದಂತೆ ಕೆಲವರು ನಕಲಿ ಟೋಕನ್ ನೀಡಿ ಲಸಿಕೆ ಹಾಕಿಸಿಕೊಂಡಿದ್ದಾರೆ. ಮೂರ್ನಾಲ್ಕು ಟೋಕನ್ಗಳ ನಂತರ ಅನುಮಾನಗೊಂಡ ನರ್ಸ್ಗಳು ಅದನ್ನು ಪರಿಶಿಲಿಸಿದಾಗ ನಕಲಿ ಟೋಕನ್ಗಳನ್ನು ಸೃಷ್ಟಿಸಿರುವುದು ಬೆಳಕಿಗೆ ಬಂದಿದೆ. ಹೀಗೆ ನಕಲಿ ಟೋಕನ್ ಪಡೆದುಕೊಂಡ ಬಂದ 25ಕ್ಕೂ ಹೆಚ್ಚು ಜನರನ್ನು ವಾಪಸ್ಸು ಕಳುಹಿಸಿ ನಾಳೆ ಅಧಿಕೃತ ಟೋಕನ್ ಪಡೆದು ಲಸಿಕೆ ಪಡೆಯವಂತೆ ತಿಳಿಹೇಳಿ ಕಳುಹಿಸಿದ್ದಾರೆ.ಟೋಕನ್ನನ್ನು ಜೆರಾಕ್ಸ್ ಮಾಡಿಸಿ ಲಸಿಕೆ ಪಡೆಯುತ್ತಿರುವುದು ತಿಳಿದ ಕೂಡಲೇ ಆರೋಗ್ಯ ಇಲಾಖೆ ಸಿಬ್ಬಂದಿ ಬಿಳಿ ಬಣ್ಣದ ಟೋಕನ್ ಬದಲಾಗಿ ನಿತ್ಯ ಟೋಕನ್ಗಳ ಬಣ್ಣ ಬದಲಿಸಲು ಮುಂದಾಗಿದ್ದಾರೆ. ಪ್ರತಿ ದಿನ ಬೇರೆ ಬೇರೆ ಬಣ್ಣದ ಟೋಕನ್ಗಳನ್ನು ನೀಡಿ ಅ ದಿನದಂದು ವಿತರಿಸಿದ ಬಣ್ಣದ ಟೋಕನ್ಗಳನ್ನು ತಂದರೆ ಮಾತ್ರ ಲಸಿಕೆ ಹಾಕಲು ನಿರ್ಧರಿಸಿದ್ದಾರೆ.