ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಎನ್ಸಿಬಿ ಡ್ರಗ್ ಪೆಡ್ಲರ್ ಜೈದ್ ವಿಲಾತ್ರನನ್ನು ಎನ್ಸಿಬಿ ಮಂಗಳವಾರ ಬಂಧಿಸಿದೆ.
ರಿಯಾ ಚಕ್ರವರ್ತಿ ಸಹೋದರ ಶೋವಿಕ್ನೊಂದಿಗೆ ಸಂಪರ್ಕದಲ್ಲಿದ್ದ ಮಾದಕ ವಸ್ತುಗಳ ಮಾರಾಟಗಾರರಾದ ಬಸಿತ್ ಪರಿಹಾರ್ ಮತ್ತು ಸೂರ್ಯದೀಪ್ ಮಲಹೋತ್ರಾ ಜತೆ ಜೈದ್ ವಿಲಾತ್ರ್ ಸಂಪರ್ಕದಲ್ಲಿದ್ದ ಎಂಬ ಮಾಹಿತಿ ಸಿಕ್ಕ ಹಿನ್ನೆಲೆಯಲ್ಲಿ ಈತನನ್ನೂ ಬಂಧಿಸಲಾಗಿದೆ.
ಡ್ರಗ್ ಜಾಲದಲ್ಲಿ ಜೈದ್ ಕೈವಾಡವಿದೆ ಎಂಬುದು ಎಲ್ಲೆಡೆ ಸುದ್ದಿಯಾಗುತ್ತಿದ್ದಂತೆ ಹಿಂದಿ ನ್ಯೂಸ್ ಚಾನಲ್ವೊಂದರ ರಿಪೋರ್ಟರ್ ಜೈದ್ ಮನೆಗೆ ಹೋಗಿದ್ದಾನೆ. ಆತನ ಬಂಧನದ ಬಗ್ಗೆ ತಂದೆಯ ಅಭಿಪ್ರಾಯ ಕೇಳುವುದಕ್ಕೋಸ್ಕರ ಬಾಗಿಲು ಬಡಿದು, ಕ್ಯಾಮರಾ ಎದುರು ಬಂದು ಮಾತನಾಡುವಂತೆ ಮನವಿ ಮಾಡಿದ್ದಾನೆ. ಇದನ್ನೂ ಓದಿ: ದೇಶದಲ್ಲಿ ಒಂದೇ ದಿನದಲ್ಲಿ 83,883 ಹೊಸ ಕರೊನಾ ಪ್ರಕರಣ; ಚೇತರಿಕೆ ಪ್ರಮಾಣದಲ್ಲೂ ಏರಿಕೆ
ಆದರೆ ಜೈದ್ ತಂದೆ ಆ ಪತ್ರಕರ್ತನನ್ನು ಕೆಟ್ಟದಾಗಿ ನಿಂದಿಸಿದ್ದಾನೆ. ಕ್ಯಾಮರಾ ಎದುರಿಗೇ ಆತನಿಗೆ ಬೆದರಿಕೆಯನ್ನೂ ಹಾಕಿದ್ದು ಲೈವ್ ಪ್ರಸಾರವಾಗಿದೆ. ಅಂಗಿಯನ್ನೂ ಹಾಕಿಕೊಳ್ಳದೆ ಹೊರಬಂದ ಜೈದ್ ತಂದೆ ಮೊದಲು ರಿಪೋರ್ಟರ್ಗೆ ಅಶ್ಲೀಲ ಶಬ್ದಗಳಿಂದ ಬೈದಿದ್ದಾನೆ. ಗೆಟ್ ಔಟ್ ಎಂದು ತಳ್ಳಿದ್ದಾನೆ. ಆತನ ಬಳಿಯಿದ್ದ ಲೋಗೋ ಕಿತ್ತುಕೊಂಡಿದ್ದಲ್ಲದೆ, ಹಲ್ಲೆಯನ್ನೂ ಮಾಡಿದ್ದಾನೆ. ಇದೆಲ್ಲವನ್ನೂ ಆ ಹಿಂದಿ ನ್ಯೂಸ್ ಚಾನಲ್ ಲೈವ್ ಪ್ರಸಾರ ಮಾಡಿದೆ. (ಏಜೆನ್ಸೀಸ್)