ಅಹಮದಾಬಾದ್: ಇನ್ಸ್ಟಾಗ್ರಾಂನಲ್ಲಿ ಬೆಳೆದ ಸ್ನೇಹವು ಅಪರಾಧಿಕ ತಿರುವು ಪಡೆದುಕೊಂಡಿರುವ ಪ್ರಸಂಗವೊಂದು ಗುಜರಾತಿನಿಂದ ವರದಿಯಾಗಿದೆ. ಏರ್ ಹೋಸ್ಟೆಸ್ ತರಬೇತಿ ಪಡೆಯುತ್ತಿರುವ ಯುವತಿಯೊಬ್ಬಳನ್ನು ಅಹಮದಾಬಾದಿನ ವೇಜಲ್ಪುರದ ಇಂಜಿನಿಯರಿಂಗ್ ವಿದ್ಯಾರ್ಥಿ ರೇಪ್ ಮಾಡಿ, ಆ ವಿಡಿಯೋ ಕ್ಲಿಪ್ಪನ್ನು ಇಟ್ಟುಕೊಂಡು ಬ್ಲ್ಯಾಕ್ಮೇಲ್ ಮಾಡುತ್ತಾ ಮತ್ತೆ ಮತ್ತೆ ಶೋಷಿಸಿರುವ ಆರೋಪ ಕೇಳಿಬಂದಿದೆ.
22 ವರ್ಷದ ಸಂತ್ರಸ್ತೆಯು 7 ತಿಂಗಳ ಹಿಂದೆ ಇನ್ಸ್ಟಾಗ್ರಾಂನಲ್ಲಿ ಅಜಿತ್ ತ್ರಿವೇದಿ ಎಂಬ ಇಂಜಿನಿಯರಿಂಗ್ ವಿದ್ಯಾರ್ಥಿಯನ್ನು ಭೇಟಿ ಮಾಡಿದಳು. ಚ್ಯಾಟ್ ಮಾಡುತ್ತಾ ಸ್ನೇಹ ಬೆಳೆಸಿಕೊಂಡ ಮೇಲೆ ಇಬ್ಬರೂ ಫೋನ್ ನಂಬರ್ ಬದಲಾಯಿಸಿಕೊಂಡು ಮುಖತಃ ಭೇಟಿಯಾಗುವ ಯೋಜನೆ ಮಾಡಿದರು. ಕಳೆದ ಏಪ್ರಿಲ್ನಲ್ಲಿ ಆಕೆಯನ್ನು ತನ್ನ ಮನೆಗೆ ಆಹ್ವಾನಿಸಿದ ಅಜಿತ್, ಕೋಲ್ಡ್ ಡ್ರಿಂಕ್ನಲ್ಲಿ ಮತ್ತು ತರಿಸುವ ಔಷಧಿ ಸೇರಿಸಿದ. ಅದನ್ನು ಕುಡಿದು ಆಕೆ ಪ್ರಜ್ಞೆ ತಪ್ಪಿದಾಗ, ಲೈಂಗಿಕ ಅತ್ಯಾಚಾರ ನಡೆಸಿದ ಎನ್ನಲಾಗಿದೆ.
ಇದನ್ನೂ ಓದಿ: ಡ್ರಾಪ್ ಕೊಡ್ತೇನೆ ಅಂತ ಹೇಳಿ ಕರ್ಕೊಂಡು ಹೋಗಿ ರೇಪ್ ಮಾಡ್ದ; ಎರಡು ತಿಂಗಳ ಬಳಿಕ ದೂರು ಕೊಟ್ಟ ಮಹಿಳೆ
ತನ್ನ ಹೇಯಕೃತ್ಯವನ್ನು ಫೋನಿನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದ ಯುವಕ, ಬ್ಲ್ಯಾಕ್ಮೇಲ್ ಮಾಡುತ್ತಾ ಮತ್ತೆ ಮತ್ತೆ ಆಕೆಯನ್ನು ಲೈಂಗಿಕವಾಗಿ ಶೋಷಿಸುತ್ತಿದ್ದ. ಅವಳು ನಿರಾಕರಿಸಿದರೆ ಚೆನ್ನಾಗಿ ಥಳಿಸುತ್ತಿದ್ದ ಎಂದೂ ಸಹ ಯುವತಿ ದೂರಿನಲ್ಲಿ ಆರೋಪಿಸಿದ್ದಾಳೆ. ಪೊಲೀಸರು ಆರೋಪಿ ಅಜಿತ್ ತ್ರಿವೇದಿಯನ್ನು ಆತನ ವೇಜಲ್ಪುರದ ಮನೆಯಿಂದ ಬಂಧಿಸಿದ್ದಾರೆ. (ಏಜೆನ್ಸೀಸ್)
‘ಈಸ್ಟ್ ಇಂಡಿಯಾ ಕಂಪೆನಿ ಪ್ರವೃತ್ತಿ ಬಿಡಿ’: ಇನ್ಸ್ಟಾಗ್ರಾಂ ಮೇಲೆ ಕಂಗನಾ ಗರಂ!
ಅಂಡರ್ವೇರ್ನಲ್ಲಿ ಓಡಾಡಿದ್ದ MLA: ‘ಹೆಂಡ ಕುಡಿದಿದ್ರು, ನನ್ನ ಒಡವೆ ಕಿತ್ಕೊಂಡ್ರು’ ಅಂತ ಸಹಪ್ರಯಾಣಿಕನ ದೂರು!
ಕೆಎಸ್ಆರ್ಟಿಸಿಗೆ 60 ವರ್ಷ ಪೂರೈಸಿದ ಸಂಭ್ರಮ: ರಾಜಧಾನಿಯಲ್ಲಿ ಅದ್ಧೂರಿ ಆಚರಣೆ