ಕಳೆದ ವರ್ಷ ಬಿಡುಡೆಯಾದ ಆಕ್ಷನ್ ಚಿತ್ರದ ನಂತರ ತಮಿಳಿನ ವಿಶಾಲ್ ಅಭಿನಯದ ಯಾವೊಂದು ಚಿತ್ರ ಸಹ ಬಿಡುಗಡೆಯಾಗಿರಲಿಲ್ಲ. ಈಗ ವಿಶಾಲ್ ಸದ್ದಿಲ್ಲದೆ ಚಕ್ರ ಎಂಬ ಚಿತ್ರದಲ್ಲಿ ಆಕ್ಟ್ ಮಾಡಿದ್ದಾರೆ. ಬಹುಶಃ ಲಾಕ್ಡೌನ್ ಇಲ್ಲದಿದ್ದರೆ ಚಿತ್ರ ಇಷ್ಟು ಹೊತ್ತಿಗೆ ಬಿಡುಗಡೆಯಾಗುತಿತ್ತೇನೋ? ಆದರೆ, ಚಿತ್ರಮಂದಿರಗಳ ಪ್ರದರ್ಶನ ರದ್ದಾಗಿರುವುದರಿಂದ, ವಿಶಾಲ್ ತಮ್ಮ ಚಿತ್ರದ ಬಿಡುಗಡೆಯನ್ನು ಪೋಸ್ಟ್ಪೋನ್ ಮಾಡಿದ್ದಾರೆ.
ಇದನ್ನೂ ಓದಿ: ಬೇಕು ಅಂದವರೂ ಅವರೇ … ಬೇಡ ಅಂತಿರುವವರೂ ಅವರೇ!
ಚಕ್ರ ಚಿತ್ರವನ್ನು ತಮಿಳಿನಲ್ಲಿ ಚಿತ್ರಿಸಿರುವ ವಿಶಾಲ್, ಆ ಚಿತ್ರವನ್ನು ಇದೀಗ ತೆಲುಗು, ತಮಿಳು ಮತ್ತು ಮಲಯಾಳಂನಲ್ಲಿ ಬಿಡುಗಡೆ ಮಾಡುವುದಕ್ಕೆ ಯೋಚಿಸುತ್ತಿದ್ದಾರೆ. ಅಷ್ಟೇ ಅಲ್ಲ, ನಾಲ್ಕೂ ಭಾಷೆಗಳ ಟ್ರೇಲರ್ಗಳನ್ನು ಆಯಾ ಭಾಷೆಯ ಚಿತ್ರರಂಗದ ಸ್ಟಾರ್ ನಟರಿಂದ ಬಿಡುಗಡೆ ಮಾಡಿಸುವುದು ಅವರ ಯೋಚನೆ.
ಈ ಚಿತ್ರದ ಟ್ರೇಲರ್ಗಳು ಇದೇ ಶನಿವಾರ (ಜೂನ್ 27)ಕ್ಕೆ ಬಿಡುಗಡೆಯಾಗಲಿದೆ. ಈ ಪೈಕಿ ಕನ್ನಡದ ಟ್ರೇಲರ್ ಬಿಡುಗಡೆ ಮಾಡುತ್ತಿರುವುದು ಯಾರು ಗೊತ್ತಾ? ರಾಕಿಂಗ್ ಸ್ಟಾರ್ ಯಶ್. ಈ ಹಿಂದೆ ಯಶ್ ಅಭಿನಯದ ಕೆಜಿಎಫ್ ಚಿತ್ರದ ತಮಿಳು ಅವತರಣಿಕೆಯನ್ನು ವಿಶಾಲ್, ತಮಿಳುನಾಡಿನಲ್ಲಿ ಬಿಡುಗಡೆ ಮಾಡಿದ್ದರು. ಈಗ ವಿಶಾಲ್ ಚಿತ್ರದ ಟ್ರೇಲರ್ನ್ನು ಯಶ್ ಬಿಡುಗಡೆ ಮಾಡಲಿದ್ದಾರೆ.
ಚಿತ್ರದ ಕನ್ನಡ ಅವತರಣಿಕೆಯ ಟ್ರೇಲರ್ನ್ನು ಯಶ್ ಬಿಡುಗಡೆ ಮಾಡಿದರೆ, ಕಾರ್ತಿ ಮತ್ತು ಆರ್ಯ ಜಂಟಿಯಾಗಿ ತಮಿಳನ ಟ್ರೇಲರ್ ಬಿಡುಗಡೆ ಮಾಡಲಿದ್ದಾರೆ. ಇನ್ನು ಮೋಹನ್ ಲಾಲ್ ಮತ್ತು ರಾಣಾ ದಗ್ಗುಬಾಟಿ ಕ್ರಮವಾಗಿ ಮಲಯಾಳಂ ಮತ್ತು ತೆಲುಗು ಚಿತ್ರಗಳ ಟ್ರೇಲರ್ ಬಿಡುಗಡೆ ಮಾಡಲಿದ್ದಾರೆ.
ಇದನ್ನೂ ಓದಿ: ಮೊಬೈಲ್ನಲ್ಲಿ ಪರಿಚಯವಾದ ವ್ಯಕ್ತಿಯಿಂದ ಸ್ಟಾರ್ ನಟಿಗೆ ದೋಖಾ
ಚಕ್ರ ಚಿತ್ರದಲ್ಲಿ ವಿಶಾಲ್ಗೆ ನಾಯಕಿಯಾಗಿ ಕನ್ನಡತಿ ಶ್ರದ್ಧಾ ಶ್ರೀನಾಥ್ ನಟಿಸಿದ್ದಾರೆ. ಅವರಿಲ್ಲಿ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಜತೆಗೆ ರೆಜಿನಾ ಕಸಾಂದ್ರ, ಸೃಷ್ಟಿ ದಂಗೆ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಎಂ.ಎಸ್. ಆನಂದನ್ ನಿರ್ಮಿಸಿದ್ದು, ವಿಶಾಲ್ ಫಿಲ್ಮ್ ಫ್ಯಾಕ್ಟರಿ ಬ್ಯಾನರ್ನಡಿ ವಿಶಾಲ್ ಈ ಸಿನಿಮಾ ನಿರ್ಮಿಸಿದ್ದಾರೆ.
ಬಿಡುಗಡೆಯಾಯ್ತು 10 ಚಿತ್ರದ ಟೀಸರ್ … ವಿನಯ್ ನೋಡಿ ಕಲೀಬೇಕು ಅಂತಿದ್ದಾರೆ ಜನ