ಮುಂಬೈ: ವಿಶ್ವದ ಫಂಡ್ ಮ್ಯಾನೇಜರ್ ಕಂಪನಿಯಲ್ಲಿ ವ್ಯಾನ್ಗಾರ್ಡ್ ಗ್ರೂಪ್ ಒಂದಾಗಿದೆ. ಆದರೆ, ಈ ಕಂಪನಿಯು ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ತೊಡಗಿಸಿದ ಬಂಡವಾಳವು ಪ್ರಸಕ್ತ ಕ್ಯಾಲೆಂಡರ್ ವರ್ಷದಲ್ಲಿ ಕಳಪೆ ಪ್ರದರ್ಶನ ನೀಡುತ್ತಿದೆ. 26 ಷೇರುಗಳಲ್ಲಿ ಅಂದಾಜು 60% ನಷ್ಟು ದೊಡ್ಡ ನಷ್ಟವನ್ನು ಈ ಕಂಪನಿ ಅನುಭವಿಸಿದೆ.
ವ್ಯಾನ್ಗಾರ್ಡ್ ತನ್ನ ವಿವಿಧ ನಿಧಿಗಳ ಮೂಲಕ ಅಂದಾಜು 36,000 ಕೋಟಿ ರೂಪಾಯಿ ಮೌಲ್ಯದ ಭಾರತೀಯ ಷೇರುಗಳನ್ನು ಹೊಂದಿದೆ. 2024ರ ಆರಂಭದಿಂದ ಇದುವರೆಗೆ ಈ ಕಂಪನಿಗಳ ಷೇರು ಪೋರ್ಟ್ಫೋಲಿಯೋ ಮೌಲ್ಯವು ರೂ 664 ಕೋಟಿಗಳಷ್ಟು ಕುಸಿದಿದೆ ಎಂದು ಎಸಿಇ ಇಕ್ವಿಟಿ ಡೇಟಾ ತೋರಿಸುತ್ತದೆ.
ವ್ಯಾನ್ಗಾರ್ಡ್ನ ಭಾರತೀಯ ಹೋಲ್ಡಿಂಗ್ಸ್ ಕಂಪನಿಗೆ ಸೇರಿದ 26 ಷೇರುಗಳ ಪೈಕಿ 15 ನಷ್ಟ ಅನುಭವಿಸಿವೆ. ಈ ಷೇರುಗಳಲ್ಲಿನ ನಷ್ಟವು ಈ ವರ್ಷದ ಆರಂಭದಿಂದ ಇದುವರೆಗಿನ ಅವಧಿಯಲ್ಲಿ 149%ರಷ್ಟು ಆಗಿದೆ.
ಅಮೆರಿಕ ನೋಂದಾಯಿತ ಜಾಗತಿಕ ಹೂಡಿಕೆ ಸಲಹೆಗಾರ ಸಂಸ್ಥೆ ಬ್ಲ್ಯಾಕ್ರಾಕ್ ನಂತರದಲ್ಲಿ 8.7 ಲಕ್ಷ ಕೋಟಿ ಡಾಲರ್ಗೂ ಅಧಿಕ ಆಸ್ತಿಯನ್ನು ಹೊಂದಿರುವ ವಿಶ್ವದ ಎರಡನೇ ಅತಿದೊಡ್ಡ ಫಂಡ್ ಮ್ಯಾನೇಜಿಂಗ್ ಕಂಪನಿಯಾಗಿದೆ ವ್ಯಾನ್ಗಾರ್ಡ್
ವ್ಯಾನ್ಗಾರ್ಡ್ ಕಂಪನಿಯು ಹೂಡಿಕೆ ಮಾಡಿದ ಝೀ ಎಂಟರ್ಟೈನ್ಮೆಂಟ್ ಎಂಟರ್ಪ್ರೈಸಸ್ ಸ್ಟಾಕ್ 2024 ರಲ್ಲಿ 148.5% ಕುಸಿಯುವುದರೊಂದಿಗೆ ಅತಿಹೆಚ್ಚು ನಷ್ಟಕ್ಕೀಡಾದ ಹೂಡಿಕೆಯಾಗಿದೆ. ಸೋನಿ ಜೊತೆಗಿನ ವಿಲೀನ ವಿಫಲವಾದ ಸುದ್ದಿಯ ನಂತರ ಈ ಕಂಪನಿಯ ಷೇರುಗಳ ಬೆಲೆ ಕುಸಿತ ಕಂಡಿದೆ. ಕಳೆದ ವಾರ, ಕಂಪನಿಯು ರಚಿಸಿದ ಪರಿಶೀಲನಾ ಸಮಿತಿಯು ತನ್ನ ವ್ಯವಹಾರದಲ್ಲಿನ ನಷ್ಟವನ್ನು ಗಮನಾರ್ಹವಾಗಿ ಕಡಿಮೆ ಮಾಡಲು ಸೂಚಿಸಿದ ನಂತರ ZEE ತನ್ನ 50% ಟೆಕ್ನಾಲಜಿ ಮತ್ತು ಇನ್ನೋವೇಶನ್ ಸೆಂಟರ್ (TIC) ಉದ್ಯೋಗಿಗಳನ್ನು ಬೆಂಗಳೂರಿನಲ್ಲಿ ವಜಾಗೊಳಿಸಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ ವ್ಯಾನ್ಗಾರ್ಡ್ ಮಾಧ್ಯಮ ಸ್ಟಾಕ್ನಲ್ಲಿ 1.53% ಪಾಲನ್ನು ಹೊಂದಿತ್ತು.
ವ್ಯಾನ್ಗಾರ್ಡ್ನ ಪೋರ್ಟ್ಫೋಲಿಯೊದ ಷೇರುಗಳ ಪೈಕಿ ಕುಸಿತದ ಕಂಡಿರುವ ಇತರ ಸ್ಟಾಕ್ಗಳಲ್ಲಿ ಬ್ರೈಟ್ಕಾಮ್ ಗ್ರೂಪ್ 57.5% ರಷ್ಟು ಕಡಿಮೆಯಾಗಿದೆ. ಇದರ ನಂತರ, GHCL ಸಹ 47% ನಷ್ಟು ದೊಡ್ಡ ಕುಸಿತದಲ್ಲಿದೆ.
ಆದ್ಯತೆಯ ಷೇರು ಹಂಚಿಕೆಯಲ್ಲಿನ ಅಕ್ರಮಗಳಿಗಾಗಿ ಬ್ರೈಟ್ಕಾಮ್ ಸ್ಟಾಕ್ ಸೆಬಿಯ ಸ್ಕ್ಯಾನರ್ ಅಡಿಯಲ್ಲಿ ಬಂದ ನಂತರ ಈ ಕಂಪನಿಯ ಷೇರು ಬೆಲೆ ಕುಸಿತವಾಗಿದೆ.
RBL ಬ್ಯಾಂಕ್, ಕ್ರಾಂಪ್ಟನ್ ಗ್ರೀವ್ಸ್, ಸೈಯೆಂಟ್, ಇಂಡಿಯಾಬುಲ್ಸ್ ಹೌಸಿಂಗ್ ಫೈನಾನ್ಸ್, IDFC, Coforge ಮತ್ತು UPL- ಈ ಕಂಪನಿಯ ಷೇರುಗಳು ವ್ಯಾನ್ಗಾರ್ಡ್ನ ಇಂಡಿಯಾ ಪೋರ್ಟ್ಫೋಲಿಯೊದಲ್ಲಿದ್ದು, ಈ ಷೇರುಗಳ ಬೆಲೆಯಲ್ಲಿ ಈ ವರ್ಷದ ಆರಂಭದಿಂದ ಇದುವರೆಗೆ 20% ಕುಸಿತವಾಗಿದೆ.
ಕಳಪೆ ಪ್ರದರ್ಶನ ನೀಡುವ ಬ್ಲೂಚಿಪ್ಗಳಲ್ಲಿ ಈ ವರ್ಷ 9.9% ನಷ್ಟು ಕಳೆದುಕೊಂಡಿರುವ ಆಕ್ಸಿಸ್ ಬ್ಯಾಂಕ್ ಮತ್ತು 5.71% ನಷ್ಟು ಕುಸಿದಿರುವ ಇನ್ಫೋಸಿಸ್ನಲ್ಲಿ ಕೂಡ ವ್ಯಾನ್ಗಾರ್ಡ್ ಹೂಡಿಕೆ ಮಾಡಿದೆ.
ವ್ಯಾನ್ಗಾರ್ಡ್ನ ಪೋರ್ಟ್ಫೋಲಿಯೊದಲ್ಲಿ ಇರುವ ಷೇರುಗಳ ಪೈಕಿ ಹೆಚ್ಚು ಲಾಭ ತಂದುಕೊಟ್ಟಿರುವುದು ಇಂಡಿಯಾಬುಲ್ಸ್ ರಿಯಲ್ ಎಸ್ಟೇಟ್. ರಿಯಲ್ ಎಸ್ಟೇಟ್ ಷೇರುಗಳಲ್ಲಿನ ತೀವ್ರ ಏರಿಕೆಯ ನಂತರ, ಈ ವರ್ಷ ಸ್ಟಾಕ್ 66% ಹೆಚ್ಚಾಗಿದೆ. ಅಲ್ಲದೆ, ಬುಧವಾರದಂದು ತನ್ನ ಹೊಸ 52 ವಾರಗಳ ಗರಿಷ್ಠ ಬೆಲೆ ಮಟ್ಟವನ್ನು ತಲುಪಿದೆ.