ಲಂಡನ್: ಸ್ವಿಮ್ಮಿಂಗ್ ಪೂಲ್, ಕೆರೆ, ಹೊಳೆ, ಬೀಚ್ ಯಾವುದರಲ್ಲಾದರೂ ಎಷ್ಟು ಹೊತ್ತು ನೀರಿನೊಳಗಿರಬಹದು? ಒಂದೆರೆಡು ತಾಸಷ್ಟೇ. ಆದರೆ ಇಲ್ಲೊಬ್ಬಳು ಮಹಿಳೆ ಬರೋಬ್ಬರಿ 16 ತಾಸುಗಳ ಕಾಲ ನೀರೊಳಗೇ ಕಳೆದಿದ್ದಾಳೆ. ನೀರಿನಿಂದ ಹೊರಬಂದ ಮೇಲೆ ಆಕೆ ಸಂಕಷ್ಟಕ್ಕೆ ಸಿಲುಕಿದ್ದು, ನನಗೆ ಸಹಾಯ ಮಾಡಿ ಎಂದು ಸಾಮಾಜಿಕವಾಗಿ ಕೇಳಿಕೊಂಡಿದ್ದಾಳೆ.
ಬ್ರಿಟನ್ನ ಡೇನಾ ಹೆಸರಿನ ಮಹಿಳೆ ಇಂತದ್ದೊಂದು ಸಾಹಸ ಮಾಡಿದ್ದಾಳೆ. ಟಿಕ್ಟಾಕ್ನಲ್ಲಿ ಸಕತ್ ಆ್ಯಕ್ಟಿವ್ ಇರುವ ಆಕೆ ತನ್ನ ಕಾಲುಗಳ ವಿಡಿಯೋ ಮಾಡಿ ಹಾಕಿದ್ದಾಳೆ. ನಾನು 16 ತಾಸುಗಳ ಕಾಲ ನೀರೊಳಗಿದ್ದೆ. ಅದಾದ ನಂತರ ನನ್ನ ಕಾಲು ಈ ರೀತಿ ಪೂರ್ತಿಯಾಗಿ ಸುಕ್ಕು ಹಿಡಿದುಬಿಟ್ಟಿದೆ. ಕಾಲಿನ ಬಣ್ಣವೂ ಬದಲಾಗಿಬಿಟ್ಟಿದೆ. ಈಗ ಇದನ್ನು ಹೇಗೆ ಸರಿಪಡಿಸಬೇಕು ಎನ್ನುವುದು ತಿಳಿಯುತ್ತಿಲ್ಲ. ನಿಮಗೇನಾದರೂ ಗೊತ್ತಿದ್ದರೆ ದಯವಿಟ್ಟು ಚಿಕಿತ್ಸೆ ಏನೆಂದು ತಿಳಿಸಿ ಎಂದು ಕೋರಿಕೊಂಡಿದ್ದಾಳೆ.
ಡೇನಾಳ ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ. 16 ತಾಸುಗಳ ಕಾಲ ನೀರಿನಲ್ಲಿ ಇದ್ದಿದ್ದಾದರೂ ಏತಕ್ಕೆ ಎಂದು ಜನರು ಪ್ರಶ್ನೆ ಕೇಳಲಾರಂಭಿಸಿದ್ದಾರೆ. ನೀರಿನಲ್ಲಿ ಒಂದೆರೆಡು ತಾಸಿದ್ದರೇ ಚಳಿ ಶುರುವಾಗಿಬಿಡುತ್ತದೆ, ಹಾಗಿರುವಾಗ ನೀವು ಅಷ್ಟೊಂದು ಹೊತ್ತು ಹೇಗಿದ್ದಿರಿ ಎಂದೂ ಜನರು ಪ್ರಶ್ನಿಸಲಾರಂಭಿಸಿದ್ದಾರೆ. ಆದರೆ ಈ ಯಾವುದೇ ಪ್ರಶ್ನೆಗಳಿಗೆ ಆಕೆ ಉತ್ತರ ನೀಡಿಲ್ಲ. (ಏಜೆನ್ಸೀಸ್)
ಹಣ್ಣು ಬೇಕಾ ಮಾವಿನಹಣ್ಣು…. ರೀಲ್‌ ಅಲ್ಲ ಇದು ರಿಯಲ್‌: ತೋಟದಲ್ಲಿ ಫುಲ್‌ ಬಿಜಿ ಈ ತುಮಕೂರು ಬೆಡಗಿ
ಪುಲ್ವಾಮಾ ಹುತಾತ್ಮ ಪತಿಯ ಶವದ ಎದುರೇ ಪಣತೊಟ್ಟಿದ್ದ ನವವಿವಾಹಿತೆ: ಇಂದು ಸೇನೆಯ ಲೆಫ್ಟಿನೆಂಟ್‌