ನಿಮಗೇನಾದರೂ ಬಹುಕಾಲದಿಂದ ಹಲ್ಲುನೋವು ಕಾಡುತ್ತಿದ್ದು, ನೀವದನ್ನು ನಿರ್ಲಕ್ಷಿಸುತ್ತಲೇ ಬಂದಿದ್ದರೆ ಈ ಸುದ್ದಿ ಓದಿದ ಬಳಿಕವಾದರೂ ತಡ ಮಾಡದೆ ವೈದ್ಯರ ಬಳಿ ಹೋಗಿ.
ರೆಬೆಕ್ಕಾ ಡಾಲ್ಟನ್ ಎಂಬ ಬ್ರಿಟಿಷ್ ಮಹಿಳೆಯ ದುರಂತದ ಕತೆಯಿದು. ಅಯ್ಯೋ ಹಲ್ಲು ನೋವು ತಾನೆ..ಬರತ್ತೆ ಹೋಗತ್ತೆ ಅದೇನು ಮಹಾ ಎಂದು ನಿರ್ಲಕ್ಷ್ಯ ಮಾಡುತ್ತಲೇ ಬಂದಿದ್ ಈ ನಾಲ್ಕು ಮಕ್ಕಳ ತಾಯಿ, ಅದೇ ನೋವಿನಿಂದ ಸಾವಿನ ದವಡೆಗೂ ಹೋಗಿಬಂದಿದ್ದಾರೆ. ಇದನ್ನೂ ಓದಿ: ಬೆಣ್ಣೆ ಕದಿಯೋದೇ ಇವ್ರ ಕೆಲ್ಸ- ಕಾರಣ ಕೇಳದ್ರೆ ಅಚ್ಚರಿ ಪಡ್ತೀರಾ
ಹಲ್ಲು ನೋವು ತೀವ್ರತೆಗೆ ಹೋಗಿ, ಅದೇ ಬ್ಯಾಕ್ಟೀರಿಯಾಗಳು ಮಹಿಳೆಯ ಮಿದುಳು, ಹೃದಯ, ಲಿವರ್ವರೆಗೂ ಹೋಗಿ ಅವಾಂತರ ಸೃಷ್ಟಿಸಿವೆ. ಇದರಿಂದಾಗಿ ಮಹಿಳೆ ಬರೋಬ್ಬರಿ 5 ತಿಂಗಳು ಆಸ್ಪತ್ರೆಯಲ್ಲೇ ಕಳೆಯುವಂತಾಯಿತು ಎಂದು ವೈದ್ಯರು ತಿಳಿಸಿದ್ದಾರೆ.
2019ರ ಡಿಸೆಂಬರ್ನಲ್ಲಿ ರೆಬೆಕ್ಕಾ ಅವರಿಗೆ ಮೊದಲ ಬಾರಿಗೆ ಹಲ್ಲುನೋವು ಕಾಣಿಸಿಕೊಂಡು, ದಂತದ ಬಳಿ ಬಾವು ಉಂಟಾಗಿತ್ತು. ಎರಡು ತಿಂಗಳು ನಿರ್ಲಕ್ಷಿಸಿದ ಅವರು ಮಾರ್ಚ್ನಲ್ಲಿ ಡೆಂಟಿಸ್ಟ್ ಬಳಿ ಹೋದರು. ವೈದ್ಯರೂ ಚಿಕಿತ್ಸೆ ನೀಡಿದ್ದರು. ಇನ್ನೇನು ಹಲ್ಲು ನೋವು ಕಡಿಮೆಯಾಗುತ್ತದೆ ಎಂದು ಕೊಂಡಿದ್ದ ರೆಬೆಕ್ಕಾಗೆ ದೊಡ್ಡ ಶಾಕ್ ಕಾದಿತ್ತು. ಸ್ವಲ್ಪ ದಿನಗಳ ನಂತರ ಎದ್ದು ನಡೆಯಲೂ ಸಾಧ್ಯವಾಗದೆ ಹೋಯಿತು. ನೆನಪುಗಳೂ ಮಾಸುತ್ತ ಬಂದವು.
ಕೂಡಲೇ ಅವರನ್ನು ಸ್ಕಂಟ್ ಹಾರ್ಪ್ನ ಆಸ್ಪತ್ರೆಗೆ ದಾಖಲಿಸಿ ಸ್ಕ್ಯಾನ್ ಮಾಡಲಾಯಿತು. ಆಗ ಹಲ್ಲಿನ ನೋವಿಗೆ ಕಾರಣವಾದ ಬ್ಯಾಕ್ಟೀರಿಯಾಗಳು ಮಿದಳು ಪ್ರವೇಶಿಸಿದ್ದು ಬೆಳಕಿಗೆ ಬಂತು. ಅಷ್ಟೇ ಅಲ್ಲ, ಹೃದಯ, ಲಿವರ್ಗಳಿಗೂ ಅಟ್ಯಾಕ್ ಮಾಡಿದ್ದವು. ರೆಬೆಕ್ಕಾ ಪೂರ್ತಿಯಾಗಿ ನಡೆಯುವ ಸಾಮರ್ಥ್ಯವನ್ನೇ ಕಳೆದುಕೊಂಡಾಗ ಹಲ್ ರಾಯಲ್ ಆಸ್ಪತ್ರೆಯ ನರರೋಗ ಚಿಕಿತ್ಸಾ ವಿಭಾಗಕ್ಕೆ ಆಕೆಯನ್ನು ವರ್ಗಾಯಿಸಿ, ಚಿಕಿತ್ಸೆ ಪ್ರಾರಂಭ ಮಾಡಲಾಯಿತು. ಇದನ್ನೂ ಓದಿ: ರಾಮಮಂದಿರ ಭೂಮಿ ಪೂಜೆಯಲ್ಲಿ ಪಾಲ್ಗೊಳ್ಳಲಿರುವ ಪ್ರಧಾನಿ ಮೋದಿಗೆ ಓವೈಸಿ ನೀಡಿದ್ದಾರೊಂದು ಎಚ್ಚರಿಕೆ…!
ಆದರೆ ಅಲ್ಲಿ ಮತ್ತೊಂದು ಸಮಸ್ಯೆ ಎದುರಾಯಿತು. ಸ್ಕಂಟ್ಹಾರ್ಪ್ ಆಸ್ಪತ್ರೆಯಲ್ಲಿ ಅದಾಗಲೇ ಕೊವಿಡ್-19 ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದುದರಿಂದ ರೆಬೆಕ್ಕಾಗೆ ಕೊವಿಡ್-19 ಟೆಸ್ಟ್ ಮಾಡಿಸುವುದು ಅನಿವಾರ್ಯವಾಗಿತ್ತು. ಒಂದೊಮ್ಮೆ ಕರೊನಾ ಕೂಡ ತಗುಲಿದರೆ ಆಕೆಯನ್ನು ಬದುಕಿಸಲು ಸಾಧ್ಯವೇ ಇಲ್ಲ ಎಂದು ವೈದ್ಯರು ರೆಬೆಕ್ಕಾ ಅವರ ತಾಯಿಗೆ ಹೇಳಿದ್ದರು. ಅದೃಷ್ಟವಶಾತ್ ಕರೊನಾ ಟೆಸ್ಟ್ ವರದಿ ನೆಗೆಟಿವ್ ಎಂದು ಬಂತು.
ಅಂತೂ ಐದು ತಿಂಗಳ ಚಿಕಿತ್ಸೆ ಬಳಿಕ ಈಗ ಸ್ವಲ್ಪ ಮಟ್ಟಿಗೆ ಆರೋಗ್ಯದಲ್ಲಿ ಚೇತರಿಕೆ ಕಾಣುತ್ತಿದ್ದಾರೆ. ಸುಮಾರು 30 ಕೆಜಿ ತೂಕ ಕಳೆದುಕೊಂಡಿದ್ದಾರೆ. ಕಳೆದ ವಾರ ಡಿಸ್ಚಾರ್ಜ್ ಆಗಿ ಮನೆಗೆ ಬಂದಿದ್ದಾರೆ. ನಂತರ ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿರುವ ರೆಬೆಕ್ಕಾ, ಇದೊಂದು ಬದುಕನ್ನೇ ಬದಲಿಸಿದ ಅನುಭವ. ನಿಜಕ್ಕೂ ತುಂಬ ಕಷ್ಟಪಟ್ಟೆ. ನನಗೆ ಬದುಕಿನೆಡೆಗೆ ಇದ್ದ ದೃಷ್ಟಿಕೋನವೇ ಬದಲಾಗಿ ಹೋಯಿತು ಎಂದು ಹೇಳಿದ್ದಾರೆ. (ಏಜೆನ್ಸೀಸ್)
ನಾನು ಡ್ರಾಮಾ ಮಾಡ್ತಿಲ್ಲ ಎಂದು ಆಸ್ಪತ್ರೆಯಿಂದಲೇ ವಿಡಿಯೋ ಪೋಸ್ಟ್ ಮಾಡಿದ ನಟಿ ವಿಜಯಲಕ್ಷ್ಮೀ