ನವದೆಹಲಿ: ಯಾರ್ಯಾರೋ ಯಾವ್ಯಾವುದೋ ತಪ್ಪಿಗೆ ದಂಡ ತೆರಬೇಕಾಗುತ್ತದೆ. ಆದರೆ ಇಲ್ಲೊಬ್ಬ ಮಾಡಿದ ತಪ್ಪಿಗೆ ಬರೋಬ್ಬರಿ 90 ಲಕ್ಷ ರೂ. ಕಳೆದುಕೊಳ್ಳುವಂತಾಗಿದೆ. ಅಷ್ಟಕ್ಕೂ ಆತ ಮಾಡಿದ್ದೇನೆಂದರೆ ಯುವತಿಯೊಬ್ಬಳ ನಿತಂಬದ ಮೇಲೆ ಸ್ಕೇಲ್ನಿಂದ ಹೊಡೆದಿದ್ದು.
ಐರ್ಲೆಂಡ್ನ ಕಂಪನಿಯೊಂದರಲ್ಲಿ ಈ ಘಟನೆ ನಡೆದಿದ್ದು, ಅಲ್ಲಿನ ಮಹಿಳಾ ಉದ್ಯೋಗಿಯೊಬ್ಬಳು ತನ್ನ ಬಾಸ್ ವಿರುದ್ಧವೇ ಆರೋಪ ಹೊರಿಸಿ, ದಂಡ ತೆರುವಂತೆ ಮಾಡಿದ್ದಾಳೆ. ಕಚೇರಿಯಲ್ಲಿ ಬಾಸ್ ನನ್ನ ನಿತಂಬದ ಮೇಲೆ ಸ್ಕೇಲ್ನಿಂದ ಹೊಡೆದಿದ್ದು, ಅದರಿಂದ ನನಗೆ ತೀವ್ರ ಮುಜುಗರವಾಗಿದೆ. ಮಾತ್ರವಲ್ಲ, ಲೈಂಗಿಕವಾಗಿ ಕಿರುಕುಳಕ್ಕೆ ಒಳಗಾದಂತಾಗಿದೆ ಎಂದು ಆಕೆ ಆರೋಪಿಸಿದ್ದಳು.
ಈ ಬಗ್ಗೆ ಮೇಲಿನವರಿಗೆ ತಿಳಿಸಿದರೆ, ತನ್ನ ಉಡುಗೆ-ವರ್ತನೆಯೇ ಪ್ರಚೋದಕ ಎಂಬ ಆರೋಪ ಹೊರಿಸಲಾಗಿದೆ ಎಂದು ಆಕೆ ಹೇಳಿಕೊಂಡಿದ್ದಾಳೆ. ನಂತರ ಈಕೆ ಈ ವಿಷಯವನ್ನು ನಾರ್ಥರ್ನ್ ಐರ್ಲೆಂಡ್ ಇಕ್ವ್ಯಾಲಿಟಿ ಕಮಿಷನ್ ಮುಂದೆ ಕೊಂಡೊಯ್ದಿದ್ದು, ಅಲ್ಲಿ ಆಕೆಗೆ ಪರಿಹಾರವಾಗಿ 90 ಲಕ್ಷ ರೂ. ನೀಡುವಂತೆ ಬಾಸ್ಗೆ ಕಮಿಷನ್ ಸೂಚಿಸಿದ್ದನ್ನು ಅಲ್ಲಿನ ಮಾಧ್ಯಮ ವರದಿ ಮಾಡಿದೆ. –ಏಜೆನ್ಸೀಸ್
ಸಂಬಂಧಿಯನ್ನೇ ಸುತ್ತಿಗೆಯಿಂದ ಹೊಡೆದು ಕೊಂದು ಪೀಸ್ಪೀಸ್ ಮಾಡಿದ; ಒಂದೊಂದು ತುಂಡನ್ನು ಒಂದೊಂದು ಕಡೆ ಎಸೆದ!
ಗಡಿ’ಬಿಡಿ’ಯಲ್ಲಿ ಕಾವೇರಲಿದೆ ಚಳಿಗಾಲದ ಅಧಿವೇಶನ; ನಡೆಯಲಿದ್ಯಾ ಮಹಾಮೇಳದ ‘ಧೈರ್ಯ’ ಪ್ರದರ್ಶನ?