ವಿಯೆನ್ನಾ: ಪ್ರೇಯಸಿಗೆ ಪ್ರೀತಿಯನ್ನು ವಿಭಿನ್ನವಾಗಿ ವ್ಯಕ್ತಪಡಿಸಬೇಕೆಂದು ಆಸೆ ಪಡುವುದು ತಪ್ಪಲ್ಲ. ಆದರೆ, ಪ್ರೇಮ ನಿವೇದನೆ ಮಾಡುವಾಗ ನಾವು ಆಯ್ದುಕೊಳ್ಳುವ ದಾರಿಯ ಮೇಲೆ ಸ್ವಲ್ಪ ಎಚ್ಚರ ವಹಿಸುವುದು ಸೂಕ್ತ. ಇಲ್ಲವಾದಲ್ಲಿ ಏನು ನಡೆಯಬಹುದು ಎಂಬುದಕ್ಕೆ ಈ ಒಂದು ಘಟನೆ ಸಾಕ್ಷಿಯಾಗಿದೆ.
ಹೌದು, ರೊಮ್ಯಾಂಟಿಕ್ ಪ್ರೇಮ ನಿವೇದನೆಯೊಂದು ದುರಂತದಲ್ಲಿ ಅಂತ್ಯವಾಗಿದೆ. ಹಾಗಂದ ಮಾತ್ರಕ್ಕೆ ಇಲ್ಲಿ ಯಾರು ಸಾವಿಗೀಡಾಗಿಲ್ಲ. ಪ್ರಿಯಕರ ಪ್ರೀತಿಗೆ ಯೆಸ್ ಎಂದು ಹಸಿರು ನಿಶಾನೆ ತೋರಿದ ಬೆನ್ನಲ್ಲೇ ಮಹಿಳೆಯೊಬ್ಬಳು ಸುಮಾರು 650 ಅಡಿ ಆಳದ ಪ್ರಪಾತಕ್ಕೆ ಬಿದ್ದ ಘಟನೆ ಆಸ್ಟ್ರೀಯಾದ ಕರಿಂಥಿಯಾ ನಗರದಲ್ಲಿ ನಡೆದಿರುವುದಾಗಿ ಬೈಲ್ಡ್ (Bild) ನ್ಯೂಸ್ ವೆಬ್ಸೈಟ್ ವರದಿ ಮಾಡಿದೆ.
ಇದನ್ನೂ ಓದಿ: ಫ್ರೆಂಡ್ಶಿಪ್ ನಿರಾಕರಿಸಿದ ಮಹಿಳೆಗೆ ಕೆಟ್ಟ ಹೆಸರು ತರಲು ಖತರ್ನಾಕ್ ಐಡಿಯಾ ಮಾಡಿದ ಕಿರಾತಕ!
ವಿಭಿನ್ನವಾಗಿ ಪ್ರೇಮ ನಿವೇದನೆ ಮಾಡಬೇಕೆಂದುಕೊಂಡ 27 ವರ್ಷದ ವ್ಯಕ್ತಿ 32 ವರ್ಷದ ಪ್ರೇಯಸಿಯನ್ನು ಡಿ. 27ರಂದು ಆಸ್ಟ್ರೀಯಾದ ಫಲ್ಕರ್ಟ್ ಬೆಟ್ಟದ ತುದಿಗೆ ಕರೆದೊಯ್ದಿದ್ದ. ಒಂದು ದಿನ ಮುಂಚಿತವಾಗಿಯೇ ಬೆಟ್ಟದ ಮೇಲೆ ಪ್ರೇಮಿಗಳು ಟ್ರೆಕ್ಕಿಂಗ್ ಮಾಡಿದ್ದರು. ಬಳಿಕ ಬೆಟ್ಟದ ತುದಿಯಲ್ಲಿ ಮಂಡಿಯೂರಿ ಪ್ರೇಯಸಿಗೆ ತನ್ನ ಹೃದಯದ ಮಾತು ಹೇಳಿದ್ದಾನೆ. ಖುಷಿಯಿಂದಲೇ ಒಪ್ಪಿಕೊಂಡ ಯುವತಿ ತಕ್ಷಣವೇ ಆಯತಪ್ಪಿ 650 ಅಡಿ ಆಳದ ಪ್ರಪಾತಕ್ಕೆ ಬಿದ್ದಿದ್ದಾಳೆ. ಅದೃಷ್ಟವಶಾತ್ ಹಿಮದ ಮೇಲೆ ಬಿದ್ದಿದ್ದರಿಂದ ಮಹಿಳೆ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ.
ಪ್ರೇಯಸಿ ಬೀಳುವುದನ್ನು ತಡೆಯಲು ಹಿಡಿದುಕೊಳ್ಳಲು ಯತ್ನಿಸಿದ ಪ್ರಿಯಕರನೂ ಸಹ ಕಾಲುಜಾರಿ ಗಾಳಿಯಲ್ಲಿ ಸುಮಾರು 50 ಅಡಿ ಆಳದಲ್ಲಿ ಬೀಳುವಾಗ ಬಂಡೆಯ ಅಂಚನ್ನು ಹಿಡಿದುಕೊಂಡು ಬಚಾವ್ ಆಗಿದ್ದಾನೆ. ಮಹಿಳೆ ತುಂಬಾ ಆಳಕ್ಕೆ ಬಿದ್ದಿದ್ದರಿಂದ ಆಕೆ ಪ್ರಜ್ಞೆ ತಪ್ಪಿದ್ದಳು. ದಾರಿಹೋಕರು ನೋಡಿ ತುರ್ತುಸೇವೆಗೆ ಕರೆ ಮಾಡಿ ರಕ್ಷಿಸಿದರೆ, ಆಕೆಯ ಪ್ರಿಯಕರನನ್ನು ಹೆಲಕಾಪ್ಟರ್ ಮೂಲಕ ರಕ್ಷಿಸಲಾಯಿತು. ಇಬ್ಬರ ಅದೃಷ್ಟ ಚೆನ್ನಾಗಿತ್ತೆಂದು ಕಾಣಿಸುತ್ತದೆ. ಭಾರೀ ದುರಂತದಿಂದಲೇ ಬಚಾವ್ ಆಗಿದ್ದಾರೆ.
ಇದನ್ನೂ ಓದಿ: ಪ್ರಧಾನಿಗೆ ಪತ್ರ ಬರೆದು ಆತ್ಮಹತ್ಯೆಗೆ ಶರಣಾದ ರೈತ: ಡೆತ್ನೋಟ್ನಲ್ಲಿದೆ ನೋವಿನ ಮಾತು!
ಒಂದು ವೇಳೆ ಪ್ರಪಾತದ ಅಡಿಯಲ್ಲಿ ಹಿಮವಿರದಿದ್ದರೆ ಅಲ್ಲಿನ ಪರಿಸ್ಥಿತಿಯೇ ಬೇರೆ ಇರುತ್ತಿತ್ತು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಸದ್ಯ ಇಬ್ಬರಿಗೂ ಚಿಕಿತ್ಸೆ ನೀಡಲಾಗಿದೆ. ಇನ್ನು ಇಂತಹ ಪ್ರಕರಣಗಳು ಇದೇ ಮೊದಲೇನಲ್ಲ. ಇದಕ್ಕೂ ಮುನ್ನ ಕೆಲವರು ಬಿದ್ದು ಸಾವಿಗೀಡಾದ ಉದಾಹರಣೆಗಳು ಇವೆ. ಹೀಗಾಗಿ ಏನೇ ಮಾಡುವ ಮುನ್ನ ಎಚ್ಚರಿಕೆ ವಹಿಸುವುದು ಸೂಕ್ತ ಎನ್ನುವುದು ಎಲ್ಲರ ಅಭಿಪ್ರಾಯ. (ಏಜೆನ್ಸೀಸ್)
ವೆಡ್ಡಿಂಗ್ ಫೋಟೋಶೂಟ್ ವೇಳೆ ವರನ ಕೈಯಿಂದ ಜಾರಿದ ವಧು: ಇಲ್ಲಿದೆ ನೀವ್ಯಾರು ಊಹಿಸದ ರೋಚಕ ಟ್ವಿಸ್ಟ್!
ಕ್ಯಾಲಿಫೋರ್ನಿಯಾದಲ್ಲಿ 800 ಅಡಿ ಪ್ರಪಾತಕ್ಕೆ ಬಿದ್ದು ದುರಂತ ಅಂತ್ಯ ಕಂಡ ಭಾರತೀಯ ಮೂಲದ ದಂಪತಿ
800 ಅಡಿ ಪ್ರಪಾತಕ್ಕೆ ಬಿದ್ದು ದುರಂತ ಅಂತ್ಯ ಕಂಡ ದಂಪತಿ ಸಾವಿನ ರಹಸ್ಯ ರಿವೀಲ್!