ಮುಂಬೈ: ದೇಶದಲ್ಲಿ ಕರೊನಾ ವೈರಸ್ ಸೋಂಕಿತರ ಸಂಖ್ಯೆ 2, 36, 657ಕ್ಕೆ ಏರಿದ್ದು, ವೈರಸ್ ಅತ್ಯಂತ ಹೆಚ್ಚು ಬಾಧಿಸಿದ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತ ಆರನೇ ಸ್ಥಾನಕ್ಕೆ ಏರಿದೆ.
ದೇಶದಲ್ಲಿ ಸುಮಾರು 1,14,072 ಮಂದಿ ಕೊವಿಡ್-19ರಿಂದ ಗುಣಮುಖರಾಗಿದ್ದಾರೆ. 6,642 ಜನರು ಪ್ರಾಣವನ್ನು ಕಳೆದುಕೊಂಡಿದ್ದಾರೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.
ನಮ್ಮ ದೇಶದಲ್ಲಿ ಅತಿ ಹೆಚ್ಚು ಸೋಂಕಿತರು ಇರುವುದು ಮಹಾರಾಷ್ಟ್ರದಲ್ಲಿ. ಈಗಾಗಲೇ ಆ ರಾಜ್ಯ 80,000ದ ಗಡಿದಾಟಿದ್ದು ಒಂದು ಹೊಸ ದಾಖಲೆಯ ದಾರಿಯಲ್ಲಿ ಸಾಗುತ್ತಿದೆ. ಇನ್ನೇನು ಒಂದೆರಡು ದಿನಗಳಲ್ಲಿ ಚೀನಾವನ್ನು ಹಿಂದಿಕ್ಕಲಿದೆ. ಇದನ್ನೂ ಓದಿ: ಮಂಗಳೂರಿನಲ್ಲಿ ಉದ್ಯಮಿಯ ಬರ್ಬರ ಹತ್ಯೆ; ಜನರೆದುರೇ ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಂದ ದುಷ್ಕರ್ಮಿಗಳು
ಚೀನಾದಲ್ಲಿ ಕೊವಿಡ್-19 ಸೋಂಕಿತರ ಸಂಖ್ಯೆ 84, 000. ಮಹಾರಾಷ್ಟ್ರ ಈಗಾಗಲೇ 80,000ಕ್ಕೆ ತಲುಪಿದೆ. ಅಲ್ಲಿ ದಿನದಿನವೂ ವೈರಸ್ ಪ್ರಸರಣ ಪ್ರಮಾಣ ತುಂಬ ಹೆಚ್ಚುತ್ತಿದೆ. ಹೀಗಾದರೆ ಇನ್ನು ಒಂದೆರಡು ದಿನಗಳಲ್ಲಿ ವೈರಸ್ ಹುಟ್ಟಿದ ದೇಶದಲ್ಲಿನ ಸೋಂಕಿತರ ಸಂಖ್ಯೆಯನ್ನು ನಮ್ಮ ರಾಷ್ಟ್ರದ ಒಂದು ರಾಜ್ಯ ಹಿಂದಿಕ್ಕಿದಂತೆ ಆಗುತ್ತದೆ. ಈ ಮೂಲಕ ಮಹಾರಾಷ್ಟ್ರ ಒಂದು ದಾಖಲೆ ಬರೆದಂತೆ ಆಗುತ್ತದೆ.
ಮಹಾರಾಷ್ಟ್ರ ಹೊರತುಪಡಿಸಿದರೆ ತಮಿಳುನಾಡು, ಗುಜರಾತ್ ಮತ್ತು ದೆಹಲಿ ರಾಜ್ಯಗಳು ಕರೊನಾದಿಂದ ಅತಿಯಾಗಿ ಬಾಧಿತಗೊಂಡಿವೆ.
ಶನಿವಾರದವರೆಗೆ ಮಹಾರಾಷ್ಟ್ರದಲ್ಲಿ ಕೊವಿಡ್-19 ಸೋಂಕಿತರ ಸಂಖ್ಯೆ 80,229 ದಾಖಲಾಗಿದೆ. 2,849 ಮಂದಿ ಅಲ್ಲಿ ಮೃತಪಟ್ಟಿದ್ದಾರೆ. 35, 156 ಜನರು ಗುಣಮುಖರಾಗಿದ್ದಾರೆ.
ತಮಿಳುನಾಡಿನಲ್ಲಿ 28, 694 ಮಂದಿ ಸೋಂಕಿತರು ಇದ್ದು, 232 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. 15, 762 ಮಂದಿ ಚೇತರಿಸಿಕೊಂಡಿದ್ದಾರೆ. ಇದನ್ನೂ ಓದಿ: ಆನೆ ತಿಂದಿದ್ದು ಪೈನಾಪಲ್ನಲ್ಲಿ ತುಂಬಿದ್ದ ಸ್ಪೋಟಕವಲ್ಲ: ಓರ್ವ ಆರೋಪಿಯ ಬಂಧನ ಬಳಿಕ ಪ್ರಕರಣಕ್ಕೆ ತಿರುವು!
ಹಲಿಯಲ್ಲಿ 26, 334 ಸೋಂಕಿತರು ಇದ್ದು, 10,315 ಮಂದಿ ಕೊವಿಡ್ನಿಂದ ಗುಣಮುಖರಾಗಿದ್ದಾರೆ. 708 ಜನರು ಪ್ರಾಣಕಳೆದುಕೊಂಡಿದ್ದಾರೆ. ಹಾಗೇ ಗುಜರಾತ್ನಲ್ಲಿ 19,094ಕ್ಕೆ ಸೋಂಕಿತರ ಸಂಖ್ಯೆ ಏರಿದೆ. 13,003 ಮಂದಿ ಗುಣಮುಖರಾಗಿದ್ದು, 1,190 ಜನರು ಸಾವನ್ನಪ್ಪಿದ್ದಾರೆ. (ಏಜೆನ್ಸೀಸ್)