ಲಂಡನ್: ದಾಂಪತ್ಯ ಜೀವನ ಅನೋನ್ಯವಾಗಿರಲು ಸತಿ-ಪತಿ ನಡುವಿನ ಲೈಂಗಿಕ ಕ್ರಿಯೆ ಬಹಳ ಮುಖ್ಯವೆಂಬುದು ಬಹುತೇಕರ ಸಹಮತವಾಗಿದೆ. ಆದರೆ, ಮದುವೆಯಾದಗಿನಿಂದ ಒಮ್ಮೆಯೂ ಲೈಂಗಿಕ ಕ್ರಿಯೆ ನಡೆಸದೇ ನಮ್ಮ ಜೀವನ ಎಂದಿಗಿಂತಲೂ ಬಲಿಷ್ಠವಾಗಿತ್ತು ಎಂದು ಕ್ಯಾನ್ಸರ್ ರೋಗಿಯ ಪತ್ನಿಯೊಬ್ಬರು ಹೇಳಿಕೆ ನೀಡಿ ಜಗತ್ತಿನ ಗಮನಸೆಳೆದಿದ್ದಾರೆ!
ಮಾಂಸ ತಿನ್ನುವ ಬಗ್ಸ್ಗಳಿಂದಾಗಿ ಪತಿಯು ಜನನಾಂಗ ಕಳೆದುಕೊಂಡ ಬಳಿಕ ತಮ್ಮ ನಡುವಿನ ದಾಪಂತ್ಯ ಜೀವನ ಹೇಗಿತ್ತು ಎಂಬುದನ್ನು ಮಹಿಳೆಯೊಬ್ಬರು ಪತ್ರಿಕೆಯೊಂದರಲ್ಲಿ ವಿವರಿಸಿದ್ದಾರೆ.
ಆ್ಯಂಡ್ರಿವ್ ಲೇನ್(65) ಎಂಬುವರು ಇಂಗ್ಲೆಂಡ್ನ ಎಸ್ಸೆಕ್ಸ್ ನಗರದ ನಿವಾಸಿ. ಇವರು ಸಾವು ತರಬಲ್ಲಂತಹ ಮಾರಕ ನೆಕ್ರೊಟಿಸಿಂಗ್ ಫಾಸಿಟೀಸ್(ಮಾಂಸ ತಿನ್ನುವ ರೋಗ) ಎಂಬ ಸೋಂಕಿಗೆ ತುತ್ತಾಗಿ, ನಿರಂತರ ಆಪರೇಷನ್ ಬಳಿಕ ಕೊನೆಗೆ ಅವರ ಜನನಾಂಗವನ್ನು 2013 ಮಾರ್ಚ್ ತಿಂಗಳಲ್ಲಿ ತೆಗೆದು ಹಾಕಲಾಗಿದೆ.
ರೋಗದ ಲಕ್ಷಣ ಕಂಡುಬಂದ ದಿನದಿಂದಲೂ ಲೇನ್ ಸಾಕಷ್ಟು ಬಾರಿ ಆಸ್ಪತ್ರೆಗೆ ಓಡಾಡಿದ್ದಾರೆ. ಇದರ ಹೊರತಾಗಿಯೂ ಲೇನ್ರನ್ನು ಸ್ಯೂ(61) ಮದುವೆಯಾಗುವುದಾಗಿ ಒಪ್ಪಿ, ಲೇನ್ ಆಸ್ಪತ್ರೆಯಿಂದ ಮನೆಗೆ ಮರಳಿದ ಒಂದು ತಿಂಗಳ ನಂತರ ಮದುವೆಯಾಗಿದ್ದಾರೆ. ಲೈಂಗಿಕ ಜೀವನ ಇರಲಿ ಅಥವಾ ಇರದಿರಲಿ ನಮ್ಮ ಸಂಬಂಧ ಮಾತ್ರ ಎಂದಿಗಿಂತಲೂ ಗಟ್ಟಿಯಾಗಿಬೇಕೆಂದು ಪರಸ್ಪರ ಒಪ್ಪಿ ವಿವಾಹವಾಗಿದ್ದಾರೆ.
ಈ ಬಗ್ಗೆ ಟೇಕ್ ಎ ಬ್ರೇಕ್ ಮ್ಯಾಗಜೀನ್ನೊಂದಿಗೆ ಮಾತನಾಡಿರುವ ಸ್ಯೂ, ಆ್ಯಂಡ್ರಿವ್ ಬಹುತೇಕ ತನ್ನ ಜನನಾಂಗವನ್ನು ಕಳೆದುಕೊಂಡು ಮನುಷ್ಯನಗಿಂತ ಕಡೆಯಾಗಿರುವ ಭಾವನೆ ಕಾಡುತ್ತಿರುವುದಾಗಿ ನೊಂದುಕೊಂಡು ನನ್ನ ಬಳಿ ಹೇಳಿದ. ಪ್ರೀತಿಯ ಮದುವೆಯಲ್ಲಿ ಲೈಂಗಿಕ ಜೀವನ ತುಂಬಾ ಮುಖ್ಯವೇನಲ್ಲ ಎಂದು ಹೇಳಿ ಸಾಕಷ್ಟು ಬಾರಿ ಮನಪರಿವರ್ತಿಸಿದ್ದೇನೆ ಎಂದು ಸ್ಯೂ ಹೇಳಿದ್ದಾರೆ. ವಿಶೇಷವೆಂದರೆ ಸ್ಯೂ, ಲೇನ್ರನ್ನು ಎಂದಿಗಿಂತಲೂ ಹೆಚ್ಚು ಇಷ್ಟ ಪಟ್ಟು ಅವರ ಜೀವನಕ್ಕೆ ಬೆಂಗಾವಾಲಾಗಿ ನಿಂತಿದ್ದಾರೆ.
ಮುಂದುವರಿದು ಮಾತನಾಡಿ, 7 ವರ್ಷಗಳ ಹಿಂದಿನ ಕರಾಳ ಘಟನೆಯನ್ನು ಮೆಲುಕು ಹಾಕಿದ ಸ್ಯೂ, ದೇಹದೊಳಗಿನ ಹಾರರ್ ಸಿನಿಮಾ ರೀತಿಯ ಶಬ್ದದ ವಿರುದ್ಧ ಆ್ಯಂಡ್ರಿವ್ ತುಂಬಾ ಹೋರಾಟ ನಡೆಸಿದ. ಬಳಿಕ ನಾವು ವೈದ್ಯರ ಬಳಿ ತೆರಳಿ ಹೊಟ್ಟೆಯ ಭಾಗದಲ್ಲಿ ಹರಡಿರುವ ಸೋಂಕು ತಾಗಿದ ಮಾಂಸವನ್ನು ಕತ್ತರಿಸಲು ಕೇಳಿದೆವು. ಪ್ರಾಸ್ಟೇಟ್ ಕ್ಯಾನ್ಸರ್ಗೆ ತಿರುಗಿದ್ದರಿಂದ ಅದನ್ನು ತೆಗೆಸಲಾಯಿತು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)