ರಾಂಚಿ: ಸದ್ಯ ಕೋವಿಡ್ ಲಾಕ್ಡೌನ್ನಿಂದಾಗಿ ಯಾವುದೇ ಕ್ರಿಕೆಟ್ ಟೂರ್ನಿ, ಸರಣಿ ನಡೆಯುತ್ತಿಲ್ಲ. ಹಾಗಾಗಿ ಸದಾ ಕಾಲಿಗೆ ಚಕ್ರ ಕಟ್ಟಿಕೊಂಡವರಂತೆ ಊರಿಂದೂರಿಗೆ ತೆರಳುತ್ತಿದ್ದ ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಈಗ ಮನೆಯಲ್ಲೇ ಇರಬೇಕಾಗಿದೆ.
ಬಿಡುವಿನ ಸಮಯದಲ್ಲಿ ವಿಡಿಯೋ ಗೇಮ್ಸ್ ಆಡುವುದನ್ನು ರೂಢಿಸಿಕೊಂಡಿರುವ ಅವರು ಸದಾ ಅದರಲ್ಲೇ ಮುಳುಗಿರುತ್ತಾರೆ. ಪಕ್ಕದಲ್ಲಿ ಪತ್ನಿ ಸಾಕ್ಷಿ ಸಿಂಗ್ ಇದ್ದರೂ ಅವರನ್ನು ಮಾತನಾಡಿಸದೆ ಧೋನಿ ತಮ್ಮ ಪಾಡಿಗೆ ತಾವು ವಿಡಿಯೋ ಗೇಮ್ಸ್ ಆಡುವುದರಲ್ಲಿ ಮಗ್ನರಾಗಿರುತ್ತಾರೆ.
ಇದರಿಂದ ಬೇಸರಗೊಂಡ ಸಾಕ್ಷಿ ಸಿಂಗ್, ತಮ್ಮ ಪತಿಯ ಗಮನಸೆಳೆಯಲು ಧೋನಿಯ ಕಾಲಿನ ಹೆಬ್ಬರಳನ್ನು ಬಲವಾಗಿ ಕಚ್ಚಿದರಂತೆ… ಅಲ್ಲ, ಅಲ್ಲ… ಜೋರಾಗಿ ಕಚ್ಚುವಂತೆ ನಟಿಸಿದರಂತೆ. ಆದರೂ ಧೋನಿ ಮಾತ್ರ ವಿಡಿಯೋ ಗೇಮ್ಸ್ ಆಡುವುದನ್ನು ನಿಲ್ಲಿಸಲಿಲ್ಲವಂತೆ.
ಈ ಚಿತ್ರವನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಪ್ರಕಟಿಸಿರುವ ಧೋನಿ, ಗಮನಸೆಳೆಯಲು ಯತ್ನಿಸುವ ಪ್ರೀತಿಯ ಪತ್ನಿ! ವಿಡಿಯೋ ಗೇಮ್ಸ್ V/s ಪತ್ನಿ ಎಂಬ ಅಡಿಬರಹ ನೀಡಿದ್ದಾರೆ. ಇದು ಸಾಕಷ್ಟು ಲೈಕ್ಸ್ ಪಡೆದುಕೊಳ್ಳುತ್ತಿದೆ.