ನವದೆಹಲಿ: ಪ್ರತಿದಿನ ಒಂದಲ್ಲಾ ಒಂದು ವಿಷಯಗಳು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿರುತ್ತದೆ. ಅಲ್ಲಿ ಬಳಕೆದಾರರು ಉತ್ಸಾಹಭರಿತವಾಗಿ ಕಾಮೆಂಟ್ ಮಾಡುವುದನ್ನು ಕಾಣಬಹುದು. ಆದರೆ ಮಂಗಳವಾರ ಸಂಜೆಯಿಂದ ಮಾತ್ರ ಸಾಮಾಜಿಕ ಮಾಧ್ಯಮದಲ್ಲಿ ಒಂದೇ ಒಂದು ಸಾಲು ಮಾತ್ರ ಟ್ರೆಂಡಿಂಗ್ನಲ್ಲಿದೆ. ಅದು – ‘What’s wrong with India’.
ಮಂಗಳವಾರ ಸಂಜೆ, ‘What’s wrong with India’ ಅಡಿಯಲ್ಲಿ ಭಾರತದ ವಿರುದ್ಧ ಅಭಿಯಾನವನ್ನು ಪ್ರಾರಂಭಿಸಲಾಯಿತು. ಈ ಅಭಿಯಾನದಲ್ಲಿ ಕೆಲವು ತೆರೆದ ಶೌಚಾಲಯಗಳಂತಹ ಪೋಸ್ಟ್ಗಳನ್ನು ಹಂಚಿಕೊಳ್ಳಲಾಗಿದೆ. ಇದೀಗ ಇದಕ್ಕೆ ಭಾರತೀಯರು ತಕ್ಕ ಉತ್ತರ ನೀಡಿದ್ದು, ಈಗ ವಿದೇಶದಲ್ಲಿ ನಡೆಯುವ ಅಪರಾಧಗಳು ಮತ್ತು ವಿಚಿತ್ರ ಘಟನೆಗಳ ಪೋಸ್ಟ್ಗಳು ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಏಕೆ ವೈರಲ್ ಆಯ್ತು?
ಎಲ್ಲರಿಗೂ ಗೊತ್ತಿರುವಂತೆ 10 ದಿನಗಳ ಹಿಂದೆ ಜಾರ್ಖಂಡ್ನ ದುಮ್ಕಾದಲ್ಲಿ ಸ್ಪ್ಯಾನಿಷ್ ಪ್ರವಾಸಿಯೊಬ್ಬರ ಮೇಲೆ ಸಾಮೂಹಿಕ ಅತ್ಯಾಚಾರವಾಯಿತು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ಹಬ್ಬಿದ್ದು, ಹಲವು ವಿದೇಶಿಗರು ಭಾರತ ಪ್ರವಾಸದ ಅನುಭವ ಹಂಚಿಕೊಂಡಿದ್ದಾರೆ. ಏತನ್ಮಧ್ಯೆ, ಕೆಲವು ಖಾತೆಗಳು ಭಾರತದ ಪ್ರತಿಷ್ಠೆಗೆ ಕಳಂಕ ತರುವ ಕೆಲಸವನ್ನು ಕೈಗೆತ್ತಿಕೊಂಡಿವೆ ಮತ್ತು ದೇಶದಲ್ಲಿ ಇಂತಹ ಘಟನೆಗಳು ದಿನನಿತ್ಯ ನಡೆಯುತ್ತಿವೆ ಎಂದು ಆರೋಪಿಸಿದ್ದಾರೆ. ಈ ಎಲ್ಲಾ ಪೋಸ್ಟ್ಗಳಲ್ಲಿ ‘What’s wrong with India’ ಎಂದು ಬಳಸಲಾಗಿದೆ.
ಒಂದು ವಾರದಲ್ಲಿ ಇಂತಹ ಅನೇಕ ಪೋಸ್ಟ್ಗಳನ್ನು ಹಂಚಿಕೊಳ್ಳಲಾಗಿದೆ. ಸಾರ್ವಜನಿಕ ನೈರ್ಮಲ್ಯ ಮತ್ತು ಸಂಸ್ಕೃತಿಗೆ ಸಂಬಂಧಿಸಿದ ಸ್ಟೀರಿಯೊಟೈಪ್ಗಳನ್ನು ಉತ್ತೇಜಿಸಲು ಪ್ರಾರಂಭಿಸುವ ಇಂತಹ ಪೋಸ್ಟ್ಗಳು ಕಾಣಿಸಿಕೊಂಡಾಗ, ಭಾರತದಲ್ಲಿನ ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು ಈ ಪೋಸ್ಟ್ಗಳು ಅನಗತ್ಯವಾದ ಉತ್ತೇಜನವನ್ನು ಪಡೆಯುತ್ತಿವೆ ಎಂದು X ನ ಅಲ್ಗಾರಿದಮ್ ಅನ್ನು ದೂಷಿಸಿದರು.
ಕುತೂಹಲಕಾರಿ ಟ್ವಿಸ್ಟ್
ಇದೀಗ ಪೋಸ್ಟ್ಗಳಿಗೆ ಸಂಬಂಧಿಸಿದಂತೆ ಕೆಲವು ಬದಲಾವಣೆಯಾಗಿದೆ. ಭಾರತದಲ್ಲಿನ ಹಲವು X ಬಳಕೆದಾರರು ‘What’s wrong with India’ ಬಳಸಿ ಪೋಸ್ಟ್ಗಳನ್ನು ಹಂಚಿಕೊಂಡಿದ್ದು, ಇದು ವಿಭಿನ್ನ ತಿರುವನ್ನು ಕಂಡಿದೆ. ಇತರ ದೇಶಗಳಲ್ಲಿ ಸಂಭವಿಸುವ ಇದೇ ರೀತಿಯ ಘಟನೆಗಳ ಫೋಟೋಗಳು ಮತ್ತು ವಿಡಿಯೋಗಳನ್ನು ಬಳಕೆದಾರರು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ‘What’s wrong with India’ ಎಂಬ ಶೀರ್ಷಿಕೆಯನ್ನು ಪುನಃ ಬರೆಯಲಾಗಿದೆ. X ನ ಅಲ್ಗಾರಿದಮ್ ಭಾರತ ವಿರೋಧಿ ವಿಷಯವನ್ನು ಹಂಚಿಕೊಳ್ಳುವ ಪೋಸ್ಟ್ಗಳನ್ನು ಪ್ರಚಾರ ಮಾಡುತ್ತಿದೆ ಎಂದು ಸಾಬೀತುಪಡಿಸುವುದು ಇದರ ಉದ್ದೇಶವಾಗಿತ್ತು.
WHAT'S WRONG WITH INDIA
Why India is so Wonderful? pic.twitter.com/KRf9tRqffY— जय जुमनानी (@jay_jumnani) March 13, 2024
WHAT'S WRONG WITH INDIA 🇮🇳
Why did they build roads, bridges, and tunnels close to the Indo- Tibetan border ?
Ladki Chala Rahi Hai 🏍️
📍 Umling La, 19024 ft. World's Highest Motorable Road (Eastern Ladakh) pic.twitter.com/nk531mKX7E
— Kanchan Ugursandi 🇮🇳 (@BikerGirlkancha) March 13, 2024
WHAT'S WRONG WITH INDIA / INDIANS pic.twitter.com/QIOcOYeZcJ
— Mini Razdan (@mini_razdan10) March 13, 2024
ಭಾರತೀಯ ಟ್ವಿಟರ್ ಬಳಕೆದಾರರು ಹಾಕಿರುವ ಈ ಕೆಲವು ಪೋಸ್ಟ್ ಗಳನ್ನು ಲಕ್ಷಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿದ್ದಾರೆ. ಭಾರತೀಯ ಬಳಕೆದಾರರು ಶೇರ್ ಮಾಡಿರುವ ಇಂತಹ ಕೆಲವು ಫೋಟೋಗಳು ದೇಶದ ಪ್ರಗತಿಯ ಕಥೆಯನ್ನು ಹೇಳುತ್ತವೆ. ಬಳಕೆದಾರರು ಮಾತ್ರವಲ್ಲದೆ ಭಾರತ ಸರ್ಕಾರದ ಸಾಮಾಜಿಕ ಮಾಧ್ಯಮ ವೇದಿಕೆ MyGovIndia ಕೂಡ ಈ ಅಭಿಯಾನದ ಭಾಗವಾಯಿತು. ಅವರು ಸಹ ಭಾರತದ ಯಶೋಗಾಥೆಯನ್ನು ಹಂಚಿಕೊಂಡರು.
VIDEO | ರಸ್ತೆ ಬದಿಯಲ್ಲಿ ಗ್ರಾಹಕರಿಗೆ ಐಸ್ ಗೋಲಾ ವಿತರಿಸಿದ ಆಯೇಶಾ; ವೀಕ್ಷಿಸಲು ಹರಿದು ಬಂದ ಜನರ ದಂಡು