ಹೇಳುವ ರೀತಿ ಬಹಳ ಮುಖ್ಯ: ಪುನೀತ್ ಮತ್ತು ಸಂತೋಷ್ ಕಾಂಬಿನೇಷನ್ನ ‘ರಾಜ್ಕುಮಾರ’ ಜನರಲ್ಲಿ ಜಾಗೃತಿ ಮೂಡಿಸಿತ್ತು. ‘ಯುವರತ್ನ’ ಸಹ ಅದೇ ರೀತಿ ಸಾಗುತ್ತದಾ? ಇದಕ್ಕೆ ಪುನೀತ್ ಉತ್ತರ ಹೀಗಿದೆ. ‘ಸಿನಿಮಾದಿಂದ ಜಾಗೃತಿ ಮೂಡಿಸಬಹುದು ಎಂಬ ಮಾತನ್ನು ನಾನು ಮೊದಲು ಒಪು್ಪತ್ತಿರಲಿಲ್ಲ. ಅಪ್ಪಾಜಿ ಕಾಲದಲ್ಲಿ ಹಾಗಿತ್ತು. ಆದರೆ, ಈಗ ಸಿನಿಮಾ ಒಂದು ಪಕ್ಕಾ ಮನರಂಜನಾ ಮಾಧ್ಯಮ. ಯಾಕೆ ಅಷ್ಟೊಂದು ಸೀರಿಯಸ್ ಆಗಿ ತೆಗೆದುಕೊಳ್ಳಬೇಕು ಎಂದು ಅನಿಸುತ್ತಿತ್ತು. ಆದರೆ, ‘ರಾಜ್ಕುಮಾರ’ ಚಿತ್ರದ ನಂತರ ಕೆಲವರು ಅದರ ಬಗ್ಗೆ ಮಾತನಾಡಿದ್ದು ನೋಡಿ, ಜನ ಇಷ್ಟೊಂದು ಗಂಭೀರವಾಗಿ ತೆಗೆದುಕೊಳ್ಳುತ್ತಾರಾ ಎಂದನಿಸಿತು. ಯಾವುದೇ ಕಥೆ ಇರಲಿ, ಹೇಳುವ ರೀತಿ ಬಹಳ ಮುಖ್ಯ. ಈ ಕಥೆಯನ್ನು ಸಂತೋಷ್ ಬಹಳ ಚೆನ್ನಾಗಿ ಹೇಳಿದ್ದಾರೆ’ ಎನ್ನುತ್ತಾರೆ ಪುನೀತ್.
