ಹೇರೂರ ಗ್ರಾಮದಲ್ಲಿ ನಾಲ್ಕೈದು ಮಂದಿಗೆ ಕಚ್ಚಿದ ಕಪ್ಪು ಮಂಗ : ಗ್ರಾಮಸ್ಥರಲ್ಲಿ ಆತಂಕ

ಇಳಕಲ್ಲ: ಇಲ್ಲಿಯ ಸಮೀಪದ ಹೇರೂರ ಗ್ರಾಮದಲ್ಲಿ ಕಪ್ಪು ಮಂಗದ ಹಾವಳಿ ಹೆಚ್ಚಾಗಿದ್ದು, ದಿನಕ್ಕೆ 4-5 ಮಂದಿಗೆ ಕಡಿದು ಭಯದ ವಾತಾವರಣ ಮೂಡಿಸಿದೆ.

ಚಿಕ್ಕ ಮಕ್ಕಳಿಂದ ಹಿಡಿದು, ದೊಡ್ಡವರಿಗೂ ಈ ಮಂಗ ಕಡಿಯುತ್ತಿದೆ. ಇದರಿಂದ ಹೇರೂರು ಗ್ರಾಮಸ್ಥರು ಭಯಭೀತಿಯಲ್ಲಿ ಜೀವನ ಸಾಗಿಸುತ್ತಿದ್ದಾರೆ.

ಅರಣ್ಯ ಅಧಿಕಾರಿಗಳು ಮಂಗನನ್ನು ಸೆರೆ ಹಿಡಿಯಲು ಬಂದಿದ್ದರಾದರೂ ಇನ್ನೂ ಕಾರ್ಯಾಚರಣೆ ಕೈಗೊಳ್ಳದ ಕಾರಣ ಮಂಗನ ಉಪಟಳ ಮುಂದುವರಿದಿದೆ. ಆದಷ್ಟು ಬೇಗ ಮಂಗನಿಂದ ಜನರನ್ನು ರಕ್ಷಿಸುವ ಕಾರ್ಯ ಮಾಡಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.