ವಿಜಯಪುರ: ಭಾರತದ ವೈರಿ ಚೀನಾ ವಿರುದ್ಧ ಗುಮ್ಮಟನಗರಿಯ ಯುವಕರು ಆಕ್ರೋಶ ವ್ಯಕ್ತಪಡಿಸಿದ್ದು, ಚೀನಾ ನಿರ್ಮಿತ ಟಿಕ್ಟಾಕ್ ಆ್ಯಪ್ ಖಾತೆಯನ್ನು ರದ್ದು ಮಾಡಲು ನಿರ್ಧಾರ ಮಾಡಿದ್ದಾರೆ.
ಪ್ರಕಾಶ್ ಆರ್.ಕೆ, ವಿಕಾಸ್ ಕೆ, ಶ್ರೀಶೈಲ್ ಸೇರಿದಂತೆ 15ಕ್ಕೂ ಅಧಿಕ ಯುವಕರು ಇಂದು ಸಂಜೆ ಚೀನಿ ಆ್ಯಪ್ ಅನ್ ಇನ್ಸ್ಟಾಲ್ ಮಾಡಲು ನಿರ್ಧಾರಿಸಿದ್ದು, ಚೀನಾ ಮೂಲದ ಸೋಶಿಯಲ್ ಅಪ್ಲಿಕೇಶನ್ ಬಳಸದಂತೆ ಜಾಗೃತಿ ಮೂಡಿಸುತ್ತಿದ್ದಾರೆ. ವಿಜಯಪುರದ ಗಾನಯೋಗಿ ಕಲಾ ಸಂಘದ ಕಲಾವಿದರು ಇವರಿಗೆ ಸಾಥ್ ನೀಡಿದ್ದಾರೆ.
ಇನ್ಮುಂದೆ ತಮ್ಮ ಕಲೆಯನ್ನು ಭಾರತೀಯ ಸೋಶಿಯಲ್ ಆ್ಯಪ್ಗಳಲ್ಲಿ ಮುಂದುವರೆಸಲು ವಾಗ್ದಾನ ಮಾಡಿರುವ ಕಲಾವಿದರು, ಚೀನಿ ಅಪ್ಲಿಕೇಶನ್ ಹಾಗೂ ಭಾರತೀಯ ಅಪ್ಲಿಕೇಶನ್ ಯಾವುವು ಎನ್ನುವ ಬಗ್ಗೆಯು ಸಾಮಾಜಿಕ ಜಾಲತಾಣಗಳಲ್ಲಿ ಜಾಗೃತಿಗೆ ಮುಂದಾಗಿದ್ದಾರೆ. (ದಿಗ್ವಿಜಯ ನ್ಯೂಸ್) ಇದನ್ನೂ ಓದಿ: ಪ್ರಿಯಕರನಿಗೆ ವಿಡಿಯೋ ವಾಟ್ಸ್ಆ್ಯಪ್ ಮಾಡಿ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾದ ಮಹಿಳೆ