ಬೆಂಗಳೂರು: ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಅವರ ಜೀವನಾಧಾರಿತ ‘ವಿಜಯಾನಂದ’ ಸಿನಿಮಾ ಇಂದಿನಿಂದ ಜಗತ್ತಿನಾದ್ಯಂತ ಬೆಳ್ಳಿತೆರೆಯ ಮೇಲೆ ರಾರಾಜಿಸಲಿದೆ. ಈ ಸಿನಿಮಾ ಯುವ ಮನಸ್ಸುಗಳಿಗೆ ಸ್ಫೂರ್ತಿಯ ಚಿಲುಮೆಯಾಗಿದ್ದು, ಈಗಾಗಲೇ ಪ್ರೀಮಿಯರ್ ಶೋನಲ್ಲಿ ಸಿನಿಮಾ ವೀಕ್ಷಿಸಿದ ಸೆಲೆಬ್ರಿಟಿಗಳು ವಿಜಯ ಸಂಕೇಶ್ವರ ಅವರ ಜೀವನ ಪಯಣವನ್ನು ಕಣ್ತುಂಬಿಕೊಂಡಿದ್ದು, ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸಿನಿಮಾ ವೀಕ್ಷಿಸಿದ ಬಳಿಕ ದಿಗ್ವಿಜಯ ನ್ಯೂಸ್ ಜೊತೆ ಮಾತನಾಡಿದ ನಟಿ ಆಶಿಕಾ ರಂಗನಾಥ್, ನಿಜವಾಗಿಯೂ ವಿಜಯಾನಂದ ಒಂದು ಸ್ಫೂರ್ತಿದಾಯಕ ಕತೆಯಾಗಿದೆ. ಮೊದಲ ಬಾರಿಗೆ ಕನ್ನಡದಲ್ಲಿ ಒಂದು ಬಯೋಪಿಕ್ ಸಿನಿಮಾ ಮಾಡಿದ್ದಾರೆ. ಇದು ನಮಗೆಲ್ಲ ಒಂದು ಹೆಮ್ಮೆಯ ಕ್ಷಣವಾಗಿದೆ. ಕನ್ನಡದಲ್ಲಿ ಒಳ್ಳೊಳ್ಳೆ ಸಿನಿಮಾಗಳು ಬರುತ್ತಿವೆ. ಆ ಪೈಕಿ ವಿಜಯಾನಂದ ಸಿನಿಮಾ ಕೂಡ ಒಂದು. ನಿಜಕ್ಕೂ ಇದು ಒಂದು ಒಳ್ಳೆಯ ಪ್ರಯತ್ನವಾಗಿದೆ ಎಂದರು.
ಸಿನಿಮಾದಲ್ಲಿ ಮೈರೋಮಾಂಚನವಾಗುವ ಅನೇಕ ದೃಶ್ಯಗಳಿವೆ. ಜೀವನದಲ್ಲಿ ಏಳು-ಬೀಳುಗಳು ಸಹಜ. ಯಾವುದೇ ಪರಿಸ್ಥಿತಿಯಲ್ಲಿ ಪ್ರಯತ್ನ ಬಿಡಬಾರದು ಎಂಬ ಪಾಠವಿದೆ. ಇನ್ನೇನು ಜೀವನದಲ್ಲಿ ಸೋಲುತ್ತೇವೆ ಎಂಬ ಹಂತದಲ್ಲೂ ಇನ್ನೊಂದು ಅವಕಾಶಕ್ಕಾಗಿ ಹುಡುಕಾಡಿ ಮತ್ತೆ ಪುಟಿದೇಳಬೇಕು ಎಂಬ ಜೀವನದ ಪಾಠ ಈ ಸಿನಿಮಾದಲ್ಲಿದ್ದು, ಯುವ ಮನಸ್ಸುಗಳಿಗೆ ಈ ಸಿನಿಮಾ ಸ್ಫೂರ್ತಿ ನೀಡುವುದಂತೂ ಖಂಡಿತ ಎಂದು ಹೇಳಿದರು.
ವಿಜಯ ಸಂಕೇಶ್ವರ ಅವರ ಸ್ಫೂರ್ತಿದಾಯಕ ಜೀವನವನ್ನು ಕಣ್ತುಂಬಿಕೊಳ್ಳಲು ಎಲ್ಲರಿಗು ಒಂದು ಅವಕಾಶ ಸಿಕ್ಕಿದೆ. ಇಂತಹ ಸಿನಿಮಾ ಮಾಡಿದ್ದಕ್ಕೆ ಇಡೀ ಚಿತ್ರತಂಡಕ್ಕೆ ಧನ್ಯವಾದಗಳು. ಎಲ್ಲರು ಬಂದು ಈ ಸಿನಿಮಾವನ್ನು ನೋಡಿ ಎಂದು ನಟಿ ಆಶಿಕಾ ರಂಗನಾಥ್ ಕರೆ ನೀಡಿದರು. (ದಿಗ್ವಿಜಯ ನ್ಯೂಸ್)
ಇಂದಿನಿಂದ ವಿಜಯಾನಂದ ಹಬ್ಬ; ವಿಶ್ವಾದ್ಯಂತ 1300ಕ್ಕೂ ಹೆಚ್ಚು ಸ್ಕ್ರೀನ್ಗಳಲ್ಲಿ ಬಿಡುಗಡೆ
‘ಸಿರಿ’ ಸಂಭ್ರಮದ ವಿಜಯಾನಂದ; ಶ್ರೀಮತಿ ಲಲಿತಾ ಸಂಕೇಶ್ವರ ಪಾತ್ರದಲ್ಲಿ ಸಿರಿ ಪ್ರಹ್ಲಾದ್
ಎಲ್ಲೆಲ್ಲೂ ವೈರಲ್ ವಿಜಯಾನಂದ; ಪ್ಯಾನ್ ಇಂಡಿಯಾ ಪ್ರಚಾರ ಹೊಸತನಗಳ ಮಹಾಪೂರ