ಬ್ರೆಸಿಲಿಯ: ಜನ್ಮದಿನ, ಮದುವೆ ಮುಂತಾದ ಸಂದರ್ಭಗಳನ್ನು ಅದ್ಧೂರಿಯಾಗಿ ಅಷ್ಟೇ ಅಲ್ಲ ವಿಭಿನ್ನವಾಗಿ ಆಚರಿಸಿಕೊಳ್ಳಬೇಕು ಎಂಬ ಬಯಕೆ ಬಹುತೇಕ ಜನರಲ್ಲಿರುತ್ತದೆ. ಇಂಥದ್ದೇ ಒಂದು ಬಯಕೆಯನ್ನು ಬ್ರೆಜಿಲ್ನ ಬಾಲಕಿಯೊಬ್ಬಳು ಪೂರೈಸಿಕೊಂಡಿದ್ದಾಳೆ. ಅದಕ್ಕಾಗಿ ಭಾರತದಲ್ಲಷ್ಟೇ ಅಲ್ಲ, ವಿವಿಧ ರಾಷ್ಟ್ರಗಳಲ್ಲಿ ಬಳಕೆದಾರರನ್ನು ಹೊಂದಿರುವ ಮಹೀಂದ್ರ ಕಂಪೆನಿಯ ಟ್ರ್ಯಾಕ್ಟರನ್ನು ಬಳಸಿದ್ದಾಳೆ.
The daughter of one of our Brazilian customers decided to have a unique celebration for her 15th Birthday (a big milestone in Brazilian culture). She likes Tractors and she loves the Mahindra brand! So our distributor lent the small tractor for the celebration. 👍🏽👍🏽👍🏽 pic.twitter.com/pwpyrkttgs
— anand mahindra (@anandmahindra) November 25, 2021
ಮಹೀಂದ್ರ ಗ್ರೂಪ್ನ ಚೇರ್ಮನ್ ಆನಂದ ಮಹೀಂದ್ರ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಬಾಲಕಿಯೊಬ್ಬಳು ತನ್ನ ಹುಟ್ಟಿದಹಬ್ಬದ ಪಾರ್ಟಿಗೆ ಟ್ರ್ಯಾಕ್ಟರ್ ಚಲಾಯಿಸಿಕೊಂಡು ಎಂಟ್ರಿ ಕೊಟ್ಟಿರುವ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ಕಂಪೆನಿಯ ಬ್ರೆಜಿಲ್ ಗ್ರಾಹಕರೊಬ್ಬರ ಮಗಳಿಗೆ ಟ್ರ್ಯಾಕ್ಟರ್ಗಳೆಂದರೆ ಪ್ರೀತಿ! ಆದ್ದರಿಂದ ಬ್ರೆಜಿಲ್ ಸಂಸ್ಕೃತಿಯಲ್ಲಿ ಮಹತ್ವದ ಮೈಲಿಗಲ್ಲು ಎಂದು ಭಾವಿಸಲಾಗುವ 15ನೇ ವರ್ಷದ ಜನ್ಮದಿನಕ್ಕೆ ತಮ್ಮ ಬ್ರಾಂಡ್ನ ಪುಟ್ಟ ಟ್ರ್ಯಾಕ್ಟರ್ಅನ್ನು ವಿತರಕರಿಂದ ಪಡೆದುಕೊಂಡಿದ್ದರೆಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
ಕತ್ರೀನಾ – ವಿಕಿ ವಿವಾಹಕ್ಕೆ ಸರ್ಕಾರಿ ಮೊಹರು? ಮುಂಬೈನಲ್ಲಿ ಮುಂದಿನ ವಾರ!