ತಮಿಳುನಾಡು: ಅಪಘಾತವನ್ನು ತಡೆಯುವ ನಿಟ್ಟಿನಲ್ಲಿ ಮದ್ಯಪಾನ ಮಾಡಿ ವಾಹನ ಚಲಾಯಿಸಬಾರದು ಎಂದು ಕಾನೂನೇ ಇದೆ. ಆದರೆ ಇಲ್ಲೊಂದು ಕಡೆ ಮದ್ಯವನ್ನು ತುಂಬಿದ್ದ ವಾಹನವೇ ಪಲ್ಟಿಯಾಗಿದ್ದು, ಜನರು ಆಲ್ಕೋಹಾಲ್ಗಾಗಿ ಮುಗಿಬಿದ್ದ ಪ್ರಕರಣವೂ ನಡೆದಿದೆ.
ಹೀಗೆ ಅಪಘಾತಕ್ಕೆ ಒಳಗಾದ ವಾಹನದಲ್ಲಿ ಸುಮಾರು ಹತ್ತು ಲಕ್ಷ ರೂಪಾಯಿ ಮೌಲ್ಯದ ಮದ್ಯದ ಬಾಟಲ್ಗಳು ಇದ್ದವು. ತಮಿಳುನಾಡಿನ ಮದುರೈ ಪ್ರದೇಶದ ವಿರಗನೂರು ಎಂಬಲ್ಲಿ ಈ ಅಪಘಾತ ಸಂಭವಿಸಿದೆ.
ಕೇರಳದ ಮನಲೂರ್ ಎಂಬಲ್ಲಿ ಆಲ್ಕೋಹಾಲ್ ಲೋಡ್ ಮಾಡಿಸಲಾಗಿದ್ದು, ಅಲ್ಲಿಂದ ಹೊರಟಿದ್ದ ವಾಹನ ಮದುರೈ ಬಳಿ ಚಾಲಕನ ನಿಯಂತ್ರಣ ತಪ್ಪಿ ಅಪಘಾತಕ್ಕೀಡಾಗಿದ್ದು, ಮಗುಚಿ ಬಿದ್ದಿದೆ. ಈ ವೇಳೆ ವಾಹನದಲ್ಲಿದ್ದ ಮದ್ಯದ ಬಾಟಲ್ಗಳು ಬಿದ್ದು ರಸ್ತೆಯಲ್ಲಿ ಚೆಲ್ಲಾಪಿಲ್ಲಿ ಆಗಿವೆ.
ಹೆದ್ದಾರಿ ತುಂಬಾ ಚೆಲ್ಲಾಪಿಲ್ಲಿ ಆಗಿದ್ದ ಮದ್ಯದ ಬಾಟಲ್ಗಳನ್ನು ಎತ್ತಿಕೊಳ್ಳಲು ಜನರು ಮುಗಿಬಿದ್ದ ಪರಿಣಾಮವಾಗಿ ಸ್ಥಳದಲ್ಲಿ ಕೆಲಕಾಲ ಜನಜಂಗುಳಿ ಜತೆಗೆ ತಳ್ಳಾಟವೂ ನಡೆಯಿತು. ಅಲ್ಲದೆ ಕೆಲವು ಸಮಯ ಸಂಚಾರಕ್ಕೆ ಅಡ್ಡಿ ಕೂಡ ಉಂಟಾಯಿತು.