ಕರೊನಾ ಮಹಾಮಾರಿಯ ಹಾವಳಿಯಿಂದ ಲಾಕ್ಡೌನ್ ಹೆಸರಲ್ಲಿ ಇಡೀ ರಾಜ್ಯವೇ ಸ್ಥಬ್ಧವಾಗಿದೆ. ಎಲ್ಲರ ಮನಸಲ್ಲೂ ಭಯದ ವಾತಾವರಣ ಸೃಷ್ಟಿಯಾಗಿದೆ. ಇಂತಹ ಸಂಕಷ್ಟದ ಸಮಯದಲ್ಲಿ ಜೀ಼ ಕನ್ನಡ ವಾಹಿನಿ ಅನಿಯಮಿತ ಮನರಂಜನೆಯ ನೀಡಲು ಸಜ್ಜಾಗಿದೆ. ಅನ್ಲಿಮಿಟೆಡ್ ಮನರಂಜನೆ ಎನ್ನುವ ಪರಿಕಲ್ಪನೆಯ ಮೂಲಕ ಭರಪೂರ ಮನರಂಜನೆ ನೀಡಲು ಜೀ಼ ಕನ್ನಡ ವಾಹಿನಿ ಸಿದ್ಧವಾಗಿದ್ದು, ಸೋಮವಾರದಿಂದ – ಶನಿವಾರದವರೆಗೆ ಎಲ್ಲ ಧಾರಾವಾಹಿಗಳು ರಂಜಿಸಲಿವೆ.
ರಿಷಬ್ ಹೀರೋ ಆಗಮನ: ಕಿರುತೆರೆಯಲ್ಲಿ ಪ್ರಪ್ರಥಮ ಬಾರಿಗೆ ರಿಷಬ್ ಶೆಟ್ಟಿ ನಟನೆಯ ‘ಹೀರೋ’ ಚಿತ್ರ ವರ್ಲ್ಡ್ ಟೆಲಿವಿಷನ್ ಪ್ರೀಮಿಯರ್ ಆಗುತ್ತಿದೆ. ಇತ್ತೀಚೆಗಷ್ಟೆ ಬಿಡುಗಡೆಯಾಗಿ ಸಿನಿಪ್ರಿಯರಿಂದ ಮೆಚ್ಚುಗೆ ಪಡೆದ ಈ ಚಿತ್ರ ಭಾನುವಾರ ರಾತ್ರಿ 7ಕ್ಕೆ ಜೀ಼ ಕನ್ನಡ ಹಾಗೂ ಜೀ಼ ಕನ್ನಡ ಹೆಚ್ಡಿ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
ಮಧ್ಯಾಹ್ನ ಮನೆಗೆ ಬರ್ತಾಳೆ ಸೊಸೆ: ಮಧ್ಯಾಹ್ನ ಮನೆ ಮಂದಿಗೆಲ್ಲ ಮನರಂಜನೆ ನೀಡುವುದಕ್ಕೆ ‘ಸೊಸೆ ನಂಬರ್ 1’ ಧಾರಾವಾಹಿ ಪ್ರಸಾರವಾಗಲಿದೆ. ಎಲ್ಲದರಲ್ಲೂ ನಂಬರ್ 1 ಆಗಿರಬೇಕು ಎನ್ನುವ ಶ್ರೀಮಂತ ಮನೆತನದ ಯಜಮಾನಿ ವಾಗ್ದೇವಿಯ ಮನೆಗೆ ಅನಕ್ಷರಸ್ಥ ಹುಡುಗಿ ಸೊಸೆಯಾಗಿ ಬರುವ ರೋಚಕ ತಿರುವುಗಳ ಈ ಧಾರಾವಾಹಿ ಮೇ 10 ರಿಂದ ಮಧ್ಯಾಹ್ನ 1 ಗಂಟೆಗೆ ಜೀ಼ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.