ಲಂಡನ್: ಹೊಸ ಮಾದರಿಯ ಕೋವಿಡ್ 19 ವೈರಸ್ ಸೋಂಕು ಹರಡತೊಡಗಿದ್ದು, ಬ್ರಿಟನ್ ತಲ್ಲಣಗೊಂಡಿದೆ. ನಿನ್ನೆ ಒಂದೇ ದಿನ 35,928 ಹೊಸ ಕೇಸ್ಗಳು ದಾಖಲಾಗಿದ್ದು, 326 ಜನ ಮೃತಪಟ್ಟಿದ್ದಾರೆ. ಪ್ರಧಾನಿ ಬೋರಿಸ್ ಜಾನ್ಸನ್ ಶನಿವಾರವಷ್ಟೇ ರಾಷ್ಟ್ರದ ಜನರನ್ನು ಎಚ್ಚರಿಸಿದ್ದು, ಕ್ರಿಸ್ಮಸ್ ಆಚರಣೆಗೆಂದು ಸಾವಿರಾರು ಜನ ಒಂದೆಡೆ ಸೇರಬೇಡಿ ಎಂದು ಆಗ್ರಹಿಸಿದ್ದರು. ಲಂಡನ್ ಮತ್ತು ಸದರ್ನ್ ಇಂಗ್ಲೆಂಡ್ನ ಅಂಗಡಿ ಮುಂಗಟ್ಟೆಗಳನ್ನು ಮುಚ್ಚುವಂತೆಯೂ ಸೂಚಿಸಿದ್ದರು.
ಕ್ರಿಸ್ಮಸ್ ಹಬ್ಬಕ್ಕೆ ಕೆಲವೇ ದಿನ ಬಾಕಿ ಉಳಿದಿರುವಂತೆ ಹೊಸ ಮಾದರಿಯ ಕೋವಿಡ್ 19 ವೈರಸ್ ಸೋಂಕಿಗೆ ಬ್ರಿಟನ್ ತಲ್ಲಣಗೊಂಡಿದೆ. ಲಂಡನ್ ಮತ್ತು ಸದರ್ನ್ ಇಂಗ್ಲೆಂಡ್ ಪ್ರದೇಶಗಳಲ್ಲಿ ಹೈ ಅಲರ್ಟ್ ಘೋಷಿಸಿದ್ದು, ಮೂರು ಸ್ತರದ ಕರೊನಾ ವೈರಸ್ ಅಲರ್ಟ್ ಸಿಸ್ಟಮ್ ಜಾರಿಗೊಳಿಸಲಾಗಿದೆ. ಶನಿವಾರದಿಂದಲೇ ಅಗತ್ಯ ವಸ್ತು ಹೊರತುಪಡಿಸಿದ ಉಳಿದೆಲ್ಲ ಅಂಗಡಿ ಮುಂಗಟ್ಟೆಗಳನ್ನು ಮುಚ್ಚುವಂತೆ ಸರ್ಕಾರ ಆದೇಶಿಸಿದೆ. ಆದಾಗ್ಯೂ, ಭಾನುವಾರ ಒಂದೇ ದಿನ ಹೊಸದಾಗಿ 35,928 ಕೋವಿಡ್ 19 ಕೇಸ್ ಹಾಗೂ 326 ಸಾವು ಸಂಭವಿಸಿದೆ. ಇದರೊಂದಿಗೆ ಬ್ರಿಟನ್ನಲ್ಲಿ ಕರೊನಾ ಸಾವಿನ ಸಂಖ್ಯೆ 67,401ಕ್ಕೆ ತಲುಪಿದೆ. ಕಳೆದ ಭಾನುವಾರ ಕೋವಿಡ್ 19 ಹೊಸ ಕೇಸ್ಗಳ ಸಂಖ್ಯೆ 18,447 ಮತ್ತು ಮರಣ ಪ್ರಮಾಣ 144 ಇತ್ತಷ್ಟೆ.
ಇದನ್ನೂ ಓದಿ: ಐದೇ ದಿನದಲ್ಲಿ ಎರಡು ಮದುವೆಯಾಗಿ ಟೆಕ್ಕಿ ಪರಾರಿ: ರಹಸ್ಯ ಮದ್ವೆ ಬಯಲಾದ ಕತೆಯೇ ರೋಚಕ!
ಹೊಸ ಮಾದರಿಯ ಕೋವಿಡ್ 19 ವೈರಸ್ ರೂಪಾಂತರಗೊಂಡಿದ್ದು, ಶೇಕಡ 70ರಷ್ಟು ಅಪಾಯಕಾರಿಯಾಗಿ ಸೋಂಕು ಹರಡುತ್ತಿದೆ. ಈ ಕುರಿತು ವಿಶ್ವ ಆರೋಗ್ಯ ಸಂಸ್ಥೆಗೆ ನಾವು ಮಾಹಿತಿ ನೀಡಿದ್ದೇವೆ. ಈ ಕುರಿತಾಗಿ ನಮ್ಮಲ್ಲಿ ಲಭ್ಯವಿರುವ ಡೇಟಾವನ್ನು ಸಂಗ್ರಹಿಸಿ ವಿಶ್ಲೇಷಣೆಗೊಳಪಡಿಸುವ ಕೆಲಸ ಮುಂದುವರಿಸಿದ್ದೇವೆ ಎಂದು ಇಂಗ್ಲೆಂಡ್ನ ಮುಖ್ಯ ವೈದ್ಯಾಧಿಕಾರಿ ಪ್ರೊಫೆಸರ್ ಕ್ರಿಸ್ ವಿಟ್ಟಿ ತಿಳಿಸಿದ್ದಾಗಿ ಬ್ರಿಟನ್ನ ಡೇಲಿಮೇಲ್ ವರದಿ ಮಾಡಿದೆ.
ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್ಗಾಗಿ ನಮ್ಮ ಫೇಸ್ಬುಕ್ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ..
ಬಂಗಾಳದಲ್ಲಿ ಬಿಜೆಪಿ ಎರಡಂಕಿ ದಾಟಿದ್ರೆ ಟ್ವಿಟರ್ನಿಂದ ದೂರಾಗುತ್ತಾರಂತೆ ಚುನಾವಣಾ ತಂತ್ರಗಾರ ಪಿಕೆ !