ನವದೆಹಲಿ: ಸೋಷಿಯಲ್ ಮೀಡಿಯಾ ದಿಗ್ಗಜ ಫೇಸ್ಬುಕ್ನ ಮಾತೃ ಕಂಪನಿ ಆಗಿರುವ ಮೆಟಾ ನಿನ್ನೆ ತನ್ನ ಇನ್ಸ್ಟಾಗ್ರಾಂ ಮೂಲಕ ಥ್ರೆಡ್ಸ್ ಆ್ಯಪ್ ಅನಾವರಣಗೊಳಿಸಿದೆ. ಟ್ವಿಟರ್ಗೆ ಪರ್ಯಾಯ ಎನ್ನಲಾಗಿರುವ ಇದು ಬಿಡುಗಡೆ ಆಗುತ್ತಿದ್ದಂತೆ ಭರ್ಜರಿ ಡೌನ್ಲೋಡ್ಗಳನ್ನು ಕಂಡಿದೆ. ಇದೀಗ ಥ್ರೆಡ್ಸ್ಗೆ ಸಂಬಂಧಿಸಿದಂತೆ ಮಾರ್ಕ್ ಜುಕರ್ಬರ್ಗ್ಗೆ ಟ್ವಿಟರ್ ಕಡೆಯಿಂದ ಕಾನೂನುಕ್ರಮದ ಎಚ್ಚರಿಕೆ ನೀಡಲಾಗಿದೆ.
ಟ್ವಿಟರ್ನ ಆಯಕಟ್ಟಿನ ಸ್ಥಾನದಲ್ಲಿದ್ದ ಕೆಲವು ಮಾಜಿ ಉದ್ಯೋಗಿಗಳನ್ನು ಮೆಟಾ ಕೆಲಸಕ್ಕೆ ತೆಗೆದುಕೊಂಡು ಟ್ವಿಟರ್ನ ಒಳಗುಟ್ಟುಗಳನ್ನು ತಿಳಿಯಲು ಮುಂದಾಗಿದೆ ಎಂಬುದಾಗಿ ಮೆಟಾ ವಿರುದ್ಧ ಟ್ವಿಟರ್ ಆರೋಪ ಮಾಡಿದ್ದು, ಈ ಕುರಿತಂತೆ ಕಾನೂನುಕ್ರಮ ಜರುಗಿಸುವುದಾಗಿ ಮಾರ್ಕ್ ಜುಕರ್ಬರ್ಗ್ಗೆ ಪತ್ರವನ್ನು ಬರೆದು ಎಚ್ಚರಿಕೆಯನ್ನು ನೀಡಿದೆ.
ಟ್ವಿಟರ್ ವ್ಯಾಪಾರ ರಹಸ್ಯಗಳು ಮತ್ತು ಐಪಿಗೆ ಪ್ರವೇಶ ಹೊಂದಿರುವ ಡಜನ್ಗಟ್ಟೆ ಮಾಜಿ ಟ್ವಿಟರ್ ಉದ್ಯೋಗಿಗಳನ್ನು ಮೆಟಾ ನೇಮಿಸಿಕೊಂಡಿದ್ದು, ಇವರನ್ನು ಥ್ರೆಡ್ಸ್ ಆ್ಯಪ್ ಅಭಿವೃದ್ಧಿಪಡಿಸುವಲ್ಲಿ ಮೆಟಾ ತನ್ನ ಅನುಕೂಲಕ್ಕಾಗಿ ಬಳಸಿಕೊಂಡಿದೆ ಎಂದು ಟ್ವಿಟರ್ ಆರೋಪಿಸಿದೆ.
ಇದನ್ನೂ ಓದಿ: ಪ್ರೀತಿಸಿ ಮನೆ ಬಿಟ್ಟು ಹೋಗಿ ಮದ್ವೆಯಾದ ಮಗಳು; ನೊಂದು ಪ್ರಾಣ ಕಳ್ಕೊಂಡ ತಾಯಿ!
ಥ್ರೆಡ್ಸ್ ಆ್ಯಪ್ ಟ್ವಿಟರ್ನ ನಕಲು ಆಗಿದ್ದು, ಟ್ವಿಟರ್ನ ವ್ಯಾಪಾರ ರಹಸ್ಯಗಳು ಮತ್ತು ಇತರ ಗೌಪ್ಯ ಮಾಹಿತಿಗಳನ್ನು ಬಳಸುವುದನ್ನು ಮೆಟಾ ನಿಲ್ಲಿಸಬೇಕು, ಇದು ಕಾನೂನಿಗೆ ವಿರುದ್ಧವಾದುದು ಎಂದು ಟ್ವಿಟರ್ ಎಚ್ಚರಿಸಿದೆ. ಮತ್ತೊಂದೆಡೆ ಟ್ವಿಟರ್ ಆರೋಪವನ್ನು ಮೆಟಾ ನಿರಾಕರಿಸಿದೆ. ಈ ಹಿಂದೆ ಟ್ವಿಟರ್ನಲ್ಲಿ ಕೆಲಸ ಮಾಡಿದ್ದ ಯಾರೂ ಥ್ರೆಡ್ಸ್ನ ಇಂಜಿನಿಯರಿಂಗ್ ಟೀಮ್ನಲ್ಲಿಲ್ಲ ಎಂದು ಮೆಟಾ ಸ್ಪಷ್ಟನೆ ನೀಡಿದೆ.
ಬಸದಿಯಿಂದ ಇದ್ದಕ್ಕಿದ್ದಂತೆ ಜೈನಮುನಿ ನಾಪತ್ತೆ; ಭಕ್ತರಲ್ಲಿ ಆತಂಕ