ಮಥುರಾ : ಎರಡು ಆಸನಗಳ ಚಿಕ್ಕ ತರಬೇತಿ ವಿಮಾನವೊಂದು ಹೆದ್ದಾರಿಯಲ್ಲಿ ವಾಹನಗಳ ಸಂಚಾರದ ನಡುವೆ ಎಮರ್ಜೆನ್ಸಿ ಲ್ಯಾಂಡಿಂಗ್ ಮಾಡಿರುವ ಘಟನೆ ನಿನ್ನೆ ಉತ್ತರಪ್ರದೇಶದಲ್ಲಿ ನಡೆದಿದೆ. ಟ್ರೈನೀ ಪೈಲಟ್ ಮತ್ತು ಇನ್ಸ್ಟ್ರಕ್ಟರ್ ಇಬ್ಬರೂ ಸುರಕ್ಷಿತವಾಗಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಅಲಿಗಡಕ್ಕೆ ಹೋಗುತ್ತಿದ್ದ ಸೆಸ್ನಾ-152 ಟ್ರೈನಿಂಗ್ ಏರ್ಕ್ರ್ಯಾಫ್ಟ್ ತಾಂತ್ರಿಕ ತೊಂದರೆ ಕಂಡುಬಂದ ಹಿನ್ನೆಲೆಯಲ್ಲಿ ಮಥುರಾ ಬಳಿಯ ಯಮುನಾ ಎಕ್ಸ್ಪ್ರೆಸ್ವೇ ಮೇಲೆ ಸುರಕ್ಷಿತವಾಗಿ ನೆಲಕ್ಕಿಳಿದಿದೆ. ಅಲಿಗಡದ ಖಾಸಗಿ ಫ್ಲೈಯಿಂಗ್ ಅಕಾಡೆಮಿಯೊಂದಕ್ಕೆ ಸೇರಿದ ಈ ಚಿಕ್ಕ ವಿಮಾನವು ಹರಿಯಾಣದ ನಾರ್ನೌಲ್ಗೆ ಹೋಗಿ ಹಿಂತಿರುಗುತ್ತಿತ್ತು ಎನ್ನಲಾಗಿದೆ.
ಇದನ್ನೂ ಓದಿ: ಹಾವನ್ನು ಕೊಂದು ತಿಂದ ವಿಡಿಯೋ ವೈರಲ್: ಬಂಧಿತ ಆರೋಪಿ ಕೊಟ್ಟ ಹೇಳಿಕೆಗೆ ಪೊಲೀಸರೇ ಶಾಕ್!
“ಟು ಸೀಟರ್ ಏರ್ಕ್ರ್ಯಾಫ್ಟ್ನ ಇಬ್ಬರು ಪೈಲೆಟ್ಗಳು ಯಮುನಾ ಎಕ್ಸ್ಪ್ರೆಸ್ವೇನ 72ನೇ ಮೈಲಿಗಲ್ಲಿನ ಬಳಿ ಮಧ್ಯಾಹ್ನ 1.15 ರ ವೇಳೆಗೆ ತುರ್ತು ಲ್ಯಾಂಡಿಂಗ್ ಮಾಡಿದರು. ಮಥುರಾದ ನೌಝಿಲ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ” ಎಂದು ಮಥುರಾ ಗ್ರಾಮಾಂತರ ಎಸ್ಪಿ ಶ್ರೀಶ್ ಚಂದ್ರ ಹೇಳಿದ್ದಾರೆ.
ಹೀಗೆ ಅಚಾನಕ್ಕಾಗಿ ಬಂದಿಳಿದ ವಿಮಾನವನ್ನು ನೋಡಲು ಜನರು ಜಮಾಯಿಸಿದರು. ಅವರನ್ನು ಚದುರಿಸಲು ಪೊಲೀಸ್ ಸಿಬ್ಬಂದಿಯನ್ನು ಬಳಸಲಾಯಿತು. ಈ ಘಟನೆಯಿಂದ ಹೆದ್ದಾರಿಯ ಒಂದು ಭಾಗದಲ್ಲಿ ಸ್ವಲ್ಪ ಮಟ್ಟಿಗೆ ಟ್ರಾಫಿಕ್ ಸಮಸ್ಯೆ ಕೂಡ ಉಂಟಾಯಿತು. ಬಹುಕಾಲ ಹೆದ್ದಾರಿಯಲ್ಲೇ ನಿಲುಗಡೆಯಾಗಿದ್ದ ಈ ವಿಮಾನದ ದೋಷವನ್ನು ನಿವಾರಿಸಲು ನಂತರದಲ್ಲಿ ಫ್ಲೈಯಿಂಗ್ ಅಕಾಡೆಮಿಯ ತಾಂತ್ರಿಕ ನಿರ್ವಹಣಾ ತಂಡ ಸ್ಥಳಕ್ಕೆ ಆಗಮಿಸಿತು ಎನ್ನಲಾಗಿದೆ.
ಇದನ್ನೂ ಓದಿ: ಹುಟ್ಟಿದ ಹಸುಗೂಸಿನ ಗಾತ್ರ ನೋಡಿ ದಿಗಿಲುಗೊಂಡ ವೈದ್ಯರು- ತಲೆತಿರುಗಿಬಿದ್ದ ಅಮ್ಮ!
ಈ ಮುನ್ನವೂ ವಿಮಾನ ನಿಲ್ದಾಣಗಳನ್ನು ಬಳಸಲಾಗದ ಸಂದರ್ಭದಲ್ಲಿ ಭಾರತೀಯ ವಾಯುಪಡೆಯ ಮಿಲಿಟರಿ ಜೆಟ್ಗಳು ಯಮುನಾ ಎಕ್ಸ್ಪ್ರೆಸ್ವೇ ಮೇಲೆ ಲ್ಯಾಂಡ್ ಆಗಿವೆ ಎನ್ನಲಾಗಿದೆ. (ಏಜೆನ್ಸೀಸ್)
ಕೋವಿಡ್ ಹೆಚ್ಚಿರುವ ಜಿಲ್ಲೆಗಳಿಗೆ ಸಿಎಂ ಭೇಟಿ; ಇಂದು ತುಮಕೂರಿಗೆ ಬಿಎಸ್ವೈ
ಒಂದು ಡೋಸ್ ಕೋವಿಶೀಲ್ಡ್, ಇನ್ನೊಂದು ಡೋಸ್ ಕೋವಾಕ್ಸಿನ್ ! ಸರ್ಕಾರ ಹೇಳಿದ್ದೇನು ?
‘ಫ್ರೆಂಡ್ಸ್’ ಪುನರ್ಮಿಲನ ! 17 ವರ್ಷಗಳ ನಂತರ ಅದೇ ಸೆಟ್ನಲ್ಲಿ ತಾರೆಗಳು !