ನರಗುಂದ: ಟ್ರೇಲರ್ನ ಹುಕ್ಕು ತುಂಡಾದ ಪರಿಣಾಮ ಟ್ರ್ಯಾಕ್ಟರ್ವೊಂದು ರಸ್ತೆಯಲ್ಲೇ ಪಲ್ಟಿಯಾಗಿ ಬಿದ್ದು ಸಂಪೂರ್ಣ ನಜ್ಜುಗುಜ್ಜಾದ ಘಟನೆ ಪಟ್ಟಣದ ಮದಗುಣಕಿ ರಸ್ತೆಯ ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜ್ ಬಳಿ ಶನಿವಾರ ನಡೆದಿದೆ. ರೋಣ ತಾಲೂಕಿನ ಯಾವಗಲ್ಲ ಗ್ರಾಮದ ಯಲಿಗಾರ ಎಂಬುವರಿಗೆ ಈ ಟ್ರ್ಯಾಕ್ಟರ್ ಸೇರಿದೆ.
ಶಾಮಿಯಾನದ ಸಾಮಗ್ರಿ ಹಾಗೂ ಕಬ್ಬಿಣದ ಸರಳುಗಳನ್ನು ತುಂಬಿದ್ದ ಟ್ರ್ಯಾಕ್ಟರ್ ನರಗುಂದದಿಂದ ಯಾವಗಲ್ಲ ಗ್ರಾಮಕ್ಕೆ ತೆರಳುತ್ತಿತ್ತು. ಮದಗುಣಕಿ ರಸ್ತೆಯ ಇಂಜಿನಿಯರಿಂಗ್ ಕಾಲೇಜ್ ಬಳಿ ಬರುತ್ತಿದ್ದಂತೆಯೇ ಟ್ರೇಲರ್ನ ಹುಕ್ಕು ಏಕಾಏಕಿ ತುಂಡಾಗಿ ಪಲ್ಟಿಯಾಗಿದೆ. ಅದೃಷ್ಟವಶಾತ್ ಚಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಮಾಹಿತಿ ತಿಳಿದ ಪೊಲೀಸರು ರಸ್ತೆಯಲ್ಲಿ ಬಿದ್ದ ಟ್ರ್ಯಾಕ್ಟರ್ ಅನ್ನು ಜೆಸಿಬಿ ಮೂಲಕ ತೆರವುಗೊಳಿಸಿ ಸಂಚಾರಕ್ಕೆ ಅನುಕೂಲ ಕಲ್ಪಿಸಿದರು.