ನವದೆಹಲಿ: ದೇಶದ ರೈತರ ಹೋರಾಟದ ವಿಚಾರದಲ್ಲಿ ಮಧ್ಯೆ ಬಂದ ಗ್ರೇಟಾ ಥನ್ ಬರ್ಗ್ ಅವರ ಟೂಲ್ಕಿಟ್ ಟ್ವೀಟ್ ಪ್ರಕರಣದಲ್ಲಿ ಕರ್ನಾಟಕದ ಹೋರಾಟಗಾರ್ತಿ ದಿಶಾ ರವಿ ಕೈವಾಡವಿದೆ ಎಂದು ದೆಹಲಿ ಪೊಲೀಸರು ಆರೋಪಿಸಿದ್ದಾರೆ. ಆ ಟೂಲ್ಕಿಟ್ಗೆ ದಿಶಾ ಎಡಿಟರ್ ಆಗಿ ಕೆಲಸ ಮಾಡಿದ್ದು, ಇದೀಗ ಆಕೆಯನ್ನು ದೆಹಲಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಬೆಂಗಳೂರಿನ ಸೋಲದೇವನಹಳ್ಳಿಯ ಮನೆಯಿಂದ ದಿಶಾಳನ್ನು ಶನಿವಾರದಂದು ದೆಹಲಿ ಪೊಲೀಸರು ರಾಷ್ಟ್ರ ರಾಜಧಾನಿಗೆ ಕರೆದೊಯ್ದಿದ್ದಾರೆ. ಅಲ್ಲಿನ ಪಟಿಯಾಲ ಹೌಸ್ ಕೋರ್ಟ್ ಎದುರು ಭಾನುವಾರದಂದು ಆಕೆಯನ್ನು ಹಾಜರುಪಡಿಸಲಾಗಿದೆ. ದಿಶಾ ಟೂಲ್ಕಿಟ್ನಲ್ಲಿ ಭಾಗವಹಿಸಿದ್ದಳು ಎನ್ನುವ ಆರೋಪವನ್ನು ದೆಹಲಿ ಪೊಲೀಸರು ಮಾಡಿದ್ದಾರೆ. ನಾನು ಪೂರ್ತಿ ಟೂಲ್ಕಿಟ್ ಮಾಡಿಲ್ಲ. ಬದಲಾಗಿ ಎರಡು ಮೂರು ಸಾಲು ಎಡಿಟ್ ಮಾಡಿಕೊಟ್ಟಿದ್ದೇನೆ ಎಂದು ದಿಶಾ ನ್ಯಾಯಾಲಯದಲ್ಲಿ ಒಪ್ಪಿಕೊಂಡಿರುವುದಾಗಿ ಹೇಳಲಾಗಿದೆ.
21 ವರ್ಷದ ದಿಶಾ ಗೂಗಲ್ ಟೂಲ್ಕಿಟ್ನ ಸಂಪಾದಕರಾಗಿ ಕೆಲಸ ಮಾಡಿದ್ದಾಳೆ. ಟೂಲ್ಕಿಟ್ ಹಂಚಿಕೆ ಮತ್ತು ಪ್ರಸಾರದಲ್ಲಿ ಆಕೆ ಪ್ರಮುಖ ಪಾತ್ರ ನಿರ್ವಹಿಸಿದ್ದಾಳೆ. ಈ ಸಂಬಂಧ ವಾಟ್ಸ್ಆ್ಯಪ್ ಗ್ರೂಪ್ ಒಂದನ್ನು ಪ್ರಾರಂಭಿಸಿದ್ದರು. ಅದರಲ್ಲಿ ಸಂವಹನ ನಡೆಸಿಕೊಂಡು ಟೂಲ್ಕಿಟ್ ತಯಾರಿಸಲಾಗಿದೆ ಎಂದು ದೆಹಲಿ ಪೊಲೀಸರು ಮಾಧ್ಯಮದವರಿಗೆ ಮಾಹಿತಿ ನೀಡಿದ್ದಾರೆ.
ಯಾರು ಈ ದಿಶಾ?
ದಿಶಾ ಬೆಂಗಳೂರಿನ ಮೌಂಟ್ ಕಾರ್ಮಲ್ ಕಾಲೇಜಿನಲ್ಲಿ ಬಿಬಿಎ ಪದವಿ ಮುಗಿಸಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾಳೆ. ಕರೊನಾ ಹಿನ್ನೆಲೆಯಲ್ಲಿ ಮನೆಯಿಂದಲೇ ಕೆಲಸ ಮಾಡುತ್ತಿದ್ದಾಳೆ. ಈಕೆಯ ತಂದೆ ಅಥ್ಲೆಟಿಕ್ ಕೋಚ್. ದಿಶಾ ಮೊದಲಿನಿಂದಲೂ ಪರಿಸರದ ಬಗ್ಗೆ ಹೆಚ್ಚಿನ ಕಾಳಜಿ ಹೊಂದಿದ್ದು, ಅನೇಕ ಹೋರಾಟಗಳನ್ನು ಮಾಡುತ್ತಾ ಬಂದಿದ್ದಾಳೆ. 2018ರಲ್ಲಿ ಜಾಗತಿಕ ಮಟ್ಟದಲ್ಲಿ ಹವಾಮಾನ ಬದಲಾವಣೆ ಕುರಿತು ಬಹುದೊಡ್ಡ ಹೋರಾಟವನ್ನು ಫ್ರೈಡೇ ಫರ್ ಫ್ಯೂಚರ್ ಸಂಸ್ಥೆ ಹುಟ್ಟುಹಾಕಿತ್ತು. ಆ ಸಂಸ್ಥೆಯ ಸಹ ಸಂಸ್ಥಾಪಕಿ ಈ ದಿಶಾ. ಅಂದ ಹಾಗೆ ಹವಾಮಾನ ಬದಲಾವಣೆ ಕುರಿತು ಜಾಗತಿಕ ಹೋರಾಟಕ್ಕೆ ಸ್ವೀಡನ್ನ ಗ್ರೇಟಾ ಬೆಂಗಳೂರಿನಲ್ಲಿ ಚಾಲನೆ ನೀಡಿದ್ದಳು. ಅಂದಿನಿಂದ ಗ್ರೇಟಾ ಮತ್ತು ದಿಶಾ ಸಂಪರ್ಕದಲ್ಲಿದ್ದಾರೆ.
ಏನಿದು ಟೂಲ್ಕಿಟ್?
ರೈತರ ಹೋರಾಟಕ್ಕೆ ಸಂಬಂಧ ಪಟ್ಟಂತೆ ಟೂಲ್ಕಿಟ್ನ್ನು ಪರಸಿರ ಕಾರ್ಯಕರ್ತೆ ಗ್ರೇಟಾ ಥನ್ ಬರ್ಗ್ ಟ್ವೀಟ್ ಮಾಡಿದ್ದರು. ಜನವರಿ 26ರಂದು ನವದೆಹಲಿಯಲ್ಲಿ ನಡೆದ ಹೋರಾಟ ಪೂರ್ವ ನಿಯೋಜಿತ ಎನ್ನಲಾಗಿದ್ದು, ಅದಕ್ಕೆ ಈ ಟೂಲ್ಕಿಟ್ ಕೂಡ ಉತ್ತೇಜನ ನೀಡಿತ್ತು ಎನ್ನಲಾಗಿದೆ. ಆಗಂತುಕ ಕೆಲಸ ಮಾಡುವ ನಿಟ್ಟಿನಲ್ಲಿ ಟೂಲ್ಕಿಟ್ ತಯಾರಿಸಿದ್ದಾಗಿ ಆರೋಪವಿದ್ದು, ಟೂಲ್ಕಿಟ್ ಸೃಷ್ಟಿಕರ್ತರ ಮಾಹಿತಿಯನ್ನು ಕೋರಿ ಪೊಲೀಸರು ಗೂಗಲ್ಗೆ ಮನವಿ ಸಲ್ಲಿಸಿದ್ದರು. ದೆಹಲಿ ಸೈಬರ್ ಪೊಲೀಸರು ಖಲಿಸ್ತಾನ ಪರ ಹೋರಾಟಗಾರರು ಮತ್ತು ಟೂಲ್ಕಿಟ್ ಸೃಷ್ಟಿಕರ್ತರ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ. (ಏಜೆನ್ಸೀಸ್)
ರಣ್ಬೀರ್ – ದೀಪಿಕಾ ಮ್ಯಾಚಿಂಗ್ ಮಾಸ್ಕ್; ಈ ಮಾಸ್ಕ್ ಬೆಲೆ ಕೇಳಿದರೇ ತಲೆ ತಿರುಗತ್ತೆ!
ಹೆಂಡತಿ ನೋಡಲು ದೂರದ ಊರಿಂದ ಬಂದ ಗಂಡನಿಗೆ ಕಾದಿತ್ತು ಬಿಗ್ ಶಾಕ್! ಹಿಂಬದಿ ಬಾಗಿಲಿಂದ ಬಂದವ ಹೀಗೇಕೆ ಮಾಡಿದ?