ಗಾಂಧಿನಗರ: ದೇಶದ ಪ್ರಪ್ರಥಮ ಸೀಪ್ಲೇನ್ಗೆ ನಾಳೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಚಾಲನೆ ನೀಡಲಿದ್ದಾರೆ. ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರ 145ನೇ ಜನ್ಮದಿನಾಚರಣೆ ಸಂದರ್ಭದಲ್ಲಿ ಅವರು ಈ ಮೂಲಕ ಗೌರವ ಸಲ್ಲಿಸಲಿದ್ದಾರೆ.
ದೇಶದ ಪ್ರಪ್ರಥಮ ಸೀಪ್ಲೇನ್ ಸ್ಟ್ಯಾಚ್ಯೂ ಆಫ್ ಯುನಿಟಿ ಸ್ಥಳದಿಂದ ಅಹಮದಾಬಾದ್ನ ಸಬರಮತಿ ನಡುವೆ ಸಂಚರಿಸಲಿದೆ. ಅವರು ಶನಿವಾರ ಸಂಜೆ ಸರ್ದಾರ್ ಸರೋವರ್ ಡ್ಯಾಮ್ ಬಳಿ ಮೂರನೇ ಸರೋವರದ ಬಳಿ ತೆರಳಲಿದ್ದು, ಅಲ್ಲಿ ಸೀಪ್ಲೇನ್ಗೆ ಚಾಲನೆ ನೀಡಲಿದ್ದಾರೆ.
ಏನಿದು ಸೀಪ್ಲೇನ್?: ನೀರಿನ ಮೇಲೆ ಟೇಕಾಫ್ ಹಾಗೂ ಲ್ಯಾಂಡಿಂಗ್ ಆಗುವಂಥ ಏರೋಪ್ಲೇನ್ ಥರದ ವಾಹನಕ್ಕೆ ಸೀಪ್ಲೇನ್ ಎನ್ನುತ್ತಾರೆ. ಸದ್ಯ ಸ್ಪೈಸ್ಜೆಟ್ ಕಂಪನಿ ಈ ಸೀಪ್ಲೇನ್ ಸರ್ವೀಸ್ ನೀಡಲಿದೆ. ಕೇಂದ್ರ ಸರ್ಕಾರದ ಉಡಾನ್ ಯೋಜನೆಯಡಿ ಈ ಸೇವೆ ನೀಡಲಾಗುತ್ತಿದೆ. (ಏಜೆನ್ಸೀಸ್)