ಟೋಕ್ಯೊ: ಇಲ್ಲಿ ಕಾಣಿಸುವ ಅಂದದ, ಹೊಳೆಯುವ ಪಾತ್ರೆಗಳು ಪ್ಲಾಸ್ಟಿಕ್ನಿಂದ ಮಾಡಿದ್ದು! ಸದಾ ಹೊಸ ಟೆಕ್ನಾಲಜಿಯ ವಿಚಾರದಲ್ಲಿ ಮುಂದಿರುವ ಜಪಾನ್ ದೇಶದಲ್ಲಿ ಈ ಮಹತ್ವದ ಸಂಶೋಧನೆ ನಡೆದಿದೆ.
ಈ ಪ್ಲಾಸ್ಟಿಕ್ಅನ್ನು ಜಪಾನ್ನ ಟೋಕ್ಯೋ ನಗರಾಡಳಿತ ಮತ್ತು ಸ್ಥಳೀಯ ಕಂಪೆನಿ ಜೊತೆಗೂಡಿ ಅಭಿವೃದ್ಧಿ ಪಡಿಸಿದ್ದು ವಿಭಿನ್ನ ರೀತಿಯ ಪಾತ್ರೆಗಳ ವಿನ್ಯಾಸವನ್ನೂ ಮಾಡಿದೆ. ಇವು ಸದ್ಯದಲ್ಲೇ ಮಾರುಕಟ್ಟೆಗೂ ಬರಲಿವೆ.
ಈ ವಸ್ತುವನ್ನು ಮೀರಾಯ್ ವುಡ್ ಎಂಬ ಪ್ರಕಾರದ ಮರ ಹಾಗೂ ಬಯೋಡಿಗ್ರೇಡೆಬಲ್ ಪ್ಲಾಸ್ಟಿಕ್ ಬಳಸಿ ಮಾಡಲಾಗಿದೆ. ಈ ಮೀರಾಯ್ ವುಡ್ಅನ್ನು ಬೇಸ್ಬಾಲ್ ಬ್ಯಾಟ್ಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಇದರ ಅರ್ಥ ಭವಿಷ್ಯದ ಮರ ಎಂದು. ಇದನ್ನು ಭವಿಷ್ಯ ಬದಲಿಸುವ ವಸ್ತುವಿನ ಉತ್ಪಾದನೆಯಲ್ಲಿ ಬಳಸಲಿದ್ದೇವೆ. ಹೀಗಾಗಿ ಇದರ ಹೆಸರು ಸಾರ್ಥಕ ಆಗಿದೆ ಎಂದೇ ಹೇಳಬಹುದು.
ಅಂದ ಹಾಗೆ ಈ ಪ್ಲಾಸ್ಟಿಕ್ಅನ್ನು ತಯಾರಿಸಿದ್ದು ರ್ಯೋಕಾ ಸಾಂಗ್ಯೋ ಎಂಬ ಸಂಸ್ಥೆ. ಇದು 50 ವರ್ಷಕ್ಕೂ ಹೆಚ್ಚಿನ ಸಮಯದಿಂದ ಪ್ಲಾಸ್ಟಿಕ್ ಉತ್ಪಾದನೆಯಲ್ಲಿ ತೊಡಗಿದೆ. ಈಗ ಜಗತ್ತಿನಲ್ಲಿ ಪ್ಲಾಸ್ಟಿಕ್ ಹೆಚ್ಚಾಗುತ್ತಿರುವ ಕಾರಣ ಅದನ್ನು ನಿಯಂತ್ರಿಸುವ ನೈತಕ ಹೊಣೆಗಾರಿಕೆಯನ್ನು ಈ ಕಂಪೆನಿ ಹೊತ್ತುಕೊಂಡಿದೆ ಎಂದೇ ಹೇಳಬಹುದು. (ಏಜೆನ್ಸೀಸ್)