ಅಮೃತಸರ(ಪಂಜಾಬ್): ಪಂಚ ನದಿಗಳ ನಾಡು ಪಂಜಾಬ್ನ ಅಮೃತಸರದ ಚಿನ್ನದ ದೇವಾಲಯ (ಗೋಲ್ಡನ್ ಟೆಂಪಲ್) ಆವರಣದಲ್ಲಿ ಟಿಕ್ಟಾಕ್ ವಿಡಿಯೋ ಮಾಡುವುದು ಅಥವಾ ಸೆಲ್ಫಿ ಕ್ಲಿಕ್ಕಿಸುವುದನ್ನು ನಿಷೇಧಿಸಲಾಗಿದೆ.
ಕೆಲವು ಪ್ರವಾಸಿಗರು ವಿಡಿಯೋ ತೆಗೆದುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಿದ ಬೆನ್ನಲ್ಲೇ ದೇವಸ್ಥಾನ ಆಡಳಿತ ಮಂಡಳಿ ಈ ನಿರ್ಧಾರಕ್ಕೆ ಬಂದಿದೆ. ಗೋಲ್ಡನ್ ಟೆಂಪಲ್ ಆಡಳಿತ ವಹಿಸಿಕೊಂಡಿರುವ ಶಿರೋಮಣಿ ಗುರುದ್ವಾರ ಪರ್ಬಂಧಕ್ ಸಮಿತಿ(ಎಸ್ಜಿಪಿಸಿ) ನೋಟಿಸ್ ಅಂಟಿಸಿದ್ದು, ಪ್ರವಾಸಿಗರು ವಿಡಿಯೋ ಮತ್ತು ಸೆಲ್ಫಿ ತೆಗೆಯುವಂತಿಲ್ಲ ಎಂದು ಸೂಚಿಸಿದೆ.
ನಿಯಮ ಮೀರಿಯು ವಿಡಿಯೋ ಮತ್ತು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುವವರನ್ನು ನಿಯಂತ್ರಿಸಲು ಸ್ವಯಂಸೇವಕರನ್ನು ದೇವಸ್ಥಾನದಲ್ಲಿ ನಿಯೋಜಿಸಲಾಗಿದೆ.
ಈ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಮ್ಯಾನೇಜರ್ ಜಸ್ವಿಂದರ್ ಸಿಂಗ್, ಇಲ್ಇಗೆ ಬಂದಾಗ ಟಿಕ್ಟಾಕ್ ಮತ್ತು ಸೆಲ್ಫಿಯಂತಹ ಚಟುವಟಿಕೆಗಳಿಂದ ದೂರವಿಡಿ. ಇದು ಪೂಜಾ ಕಾರ್ಯ ಸಲ್ಲಿಸುವ ಪವಿತ್ರ ಸ್ಥಳವಾಗಿದೆ ಎಂದು ಮನವಿ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್)