ಮುಂಬೈ: ಬಾಲಿವುಡ್ ನಟ ಟೈಗರ್ ಶ್ರಾಫ್ ಮತ್ತು ನಟಿ ಶ್ರದ್ಧಾ ಕಪೂರ್ ಅಭಿನಯದ ಬಾಗಿ- 3 ಚಿತ್ರ ಮುಂದಿನ ಶುಕ್ರವಾರ ತೆರೆಗೆ ಅಪ್ಪಳಿಸಲಿದೆ. ಚಿತ್ರರಂಗದಲ್ಲಿ ಬೆಳವಣಿಗೆ ಕಾಣುತ್ತಿರುವ ಟೈಗರ್ ಶ್ರಾಫ್ ಕುರಿತು ತಾಯಿ ಆಯೇಶಾ ಮಗನ ಬಗ್ಗೆ ಹೆಮ್ಮೆಯ ಮಾತುಗಳನ್ನಾಡಿದ್ದಾರೆ. ವಿಶೇಷವಾಗಿ ಮಗನ ಬಾಲ್ಯದ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದಾರೆ.
ಬಾಗಿ ಚಿತ್ರಕ್ಕೆ ದೇವರು ಆಶೀರ್ವದಿಸಲಿ. ಬಾಗಿ-3ನಲ್ಲಿನ ಅತ್ಯದ್ಭುತ ಪಾತ್ರವರ್ಗ ಮತ್ತು ಸಿಬ್ಬಂದಿಯನ್ನು ನೀವು ಹೇಗೆ ಆಶೀರ್ವದಿಸುತ್ತಿದ್ದೀರಿ ಎಂದು ಹೇಳಲು ನನ್ನಲ್ಲಿ ಯಾವುದೇ ಪದಗಳಿಲ್ಲ. ಟೈಗರ್ ಅಭಿಮಾನಿಗಳು ಮತ್ತು ಸಾಹಸ ಪ್ರಿಯರು ಹೋಗಿ ಸಿನಿಮಾ ನೋಡಿ. ಚಿತ್ರ ಖಂಡಿತ ಖುಷಿ ಕೊಡುತ್ತದೆ ಎಂದು ಆಯೇಶಾ ಅವರು ಸಾಕಷ್ಟು ಹೃದಯ ಎಮೋಜಿಯೊಂದಿಗೆ ಮಗನ ಬಾಲ್ಯದ ಫೋಟೋ ಹಾಕಿ ಟ್ವೀಟ್ ಮಾಡಿದ್ದಾರೆ.
ಆಯೇಶಾ ಅವರ ಟ್ವೀಟ್ಗೆ ಟೈಗರ್ ಶ್ರಾಫ್ ಅವರ ಅಸಂಖ್ಯಾತ ಅಭಿಮಾನಿಗಳು ಸಮ್ಮತಿ ಸೂಚಿಸಿದ್ದು, ಟೈಗರ್ ಶ್ರಾಫ್ ಕುರಿತು ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ. (ಏಜೆನ್ಸೀಸ್)