ಶಿಮ್ಲಾ: ಕರೊನಾದ ಹೊಸ ರೂಪಾಂತರಿ ಒಮಿಕ್ರಾನ್ ಹುಟ್ಟಿಸಿರುವ ಭೀತಿಯ ನಡುವೆ ಆದಷ್ಟು ಜನರಿಗೆ ಆದಷ್ಟು ಬೇಗ ಕರೊನಾ ಲಸಿಕೆಯ ಎರಡೂ ಡೋಸ್ಗಳನ್ನು ನೀಡುವ ಪ್ರಯತ್ನ ಮಾಡಲು ಕೇಂದ್ರ ಸರ್ಕಾರ ಸೂಚಿಸಿದೆ. ಈ ಸಂದರ್ಭದಲ್ಲಿ, ಹಿಮಾಚಲ ಪ್ರದೇಶವು, ತನ್ನ ರಾಜ್ಯದ ಎಲ್ಲಾ ಅರ್ಹ ವಯೋಮಾನದ ಜನರಿಗೆ ನೂರಕ್ಕೆ ನೂರರಷ್ಟು ಲಸಿಕೀಕರಣ ಮಾಡಿದ ರಾಜ್ಯವಾಗಿ ಹೊರಹೊಮ್ಮಿದೆ.
ಸುಮಾರು 70 ಲಕ್ಷ ಜನಸಂಖ್ಯೆ ಹೊಂದಿರುವ ಈ ಪುಟ್ಟ ರಾಜ್ಯದಲ್ಲಿ 53,86,393 ಜನ ವಯಸ್ಕರಿಗೆ ಎರಡನೇ ಡೋಸ್ ಲಸಿಕೆಯನ್ನೂ ನೀಡಿ ಲಸಿಕಾ ಅಭಿಯಾನದಲ್ಲಿ ಶೇಕಡ 100 ರಷ್ಟು ಯಶಸ್ಸು ಗಳಿಸಿರುವುದಾಗಿ ರಾಜ್ಯ ಸರ್ಕಾರದ ವಕ್ತಾರರು ತಿಳಿಸಿದ್ದಾರೆ. ಮೊದಲ ಡೋಸ್ ಲಸಿಕೆಗಳನ್ನು ನೀಡುವಲ್ಲೂ ಶೇಕಡ 100 ರ ಗುರಿಯನ್ನು ಸಾಧಿಸಿದ ಮೊದಲ ರಾಜ್ಯ ಹಿಮಾಚಲವೇ ಆಗಿತ್ತು. (ಏಜೆನ್ಸೀಸ್)
ಭಾರತದ ಈ ಭಾಗದಲ್ಲಿ ಕರೊನಾ ಲಸಿಕೆ ಕಡ್ಡಾಯ! ಒಲ್ಲೆ ಎನ್ನುವವರಿಗೆ ಶಿಕ್ಷೆ