ಟೋಕಿಯೊ: ಹೆಚ್ಚಿನ ಶ್ರಮವಹಿಸದೇ ಹಣ ಸಂಪಾದಿಸಬೇಕೆಂಬುದು ಹಲವರ ಆಸೆಯಾಗಿದ್ದು, ಅಂತಹವರಿಗೆ ಈ ಸ್ಟೋರಿ ಇಷ್ಟವಾಗದೇ ಇರದು. ಏಕೆಂದರೆ ಜಪಾನ್ನ ಬಿಲಿಯನೇರ್ ಟ್ವಿಟರ್ಗಾಗಿಯೇ ಬರೋಬ್ಬರಿ 9 ಮಿಲಿಯನ್ ಡಾಲರ್ ಖರ್ಚು ಮಾಡುತ್ತಿದ್ದಾರೆ. ಭಾರತೀಯ ಕರೆನ್ಸಿ ಪ್ರಕಾರ ಬರೋಬ್ಬರಿ 63 ಕೋಟಿ ರೂ. ಆಗಿದೆ. ಈ ಹಣದಲ್ಲಿ ನೀವೂ ಪಾಲುದಾರರಾಗಬೇಕೆ ಹಾಗದರೆ ನೀವು ಮಾಡಬೇಕಾಗಿರುವುದಿಷ್ಟೇ…
ಜಪಾನಿಸ್ ಬಿಲಿಯನೇರ್ ಯುಸಾಕು ಮೀಜಾವಾ, ಜನರಲ್ಲಿನ ಸಂತೋಷಕ್ಕೆ ಇದು ಕಾರಣವಾಗಲಿದೆಯೇ ಎಂಬ ‘ಸಾಮಾಜಿಕ ಪ್ರಯೋಗ’ದ ಒಂದು ಭಾಗವಾಗಿ ತನ್ನ ಟ್ವಿಟರ್ ಫಾಲೋವರ್ಸ್ಗಳಿಗೆ 9 ಮಿಲಿಯನ್ ಡಾಲರ್ ನೀಡುವುದಾಗಿ ಘೋಷಿಸಿದ್ದಾರೆ.
ಉಚಿತವಾಗಿ ಹಣವನ್ನು ಸಂಪಾದಿಸಲು ಜನರು ಮಾಡಬೇಕಾಗಿರುವುದಿಷ್ಟೇ ಹೊಸ ವರ್ಷದ ಸಂದರ್ಭದಲ್ಲಿ ಮೀಜಾವಾ ಮಾಡುವ ಟ್ವೀಟ್ಗಳನ್ನು ರೀಟ್ವೀಟ್ ಮಾಡಬೇಕು. ಈ ಕಾರ್ಯವನ್ನು ಮೀಜಾವ ಪ್ರತಿ ವರ್ಷವೂ ಮಾಡುತ್ತಾರೆ. ಅದರಂತೆ ಈ ವರ್ಷವೂ ಮಾಡಿದ್ದು, ಜನವರಿ 7ರವರೆಗೆ ಗಡುವು ನೀಡಲಾಗಿತ್ತು. ಈ ಚಟುವಟಿಕೆಯಲ್ಲಿ ಸುಮಾರು 40 ಲಕ್ಷ ಮಂದಿ ಭಾಗಿಯಾಗಿದ್ದರು. ಅದರಲ್ಲಿ 1000 ಅದೃಷ್ಟಶಾಲಿಗಳನ್ನು ಲಾಟರಿ ಮೂಲಕ ಆಯ್ಕೆ ಮಾಡಲಿದ್ದು, ಪ್ರತಿಯೊಬ್ಬರಿಗೂ ತಲಾ 9000 (6,38,919 ರೂ.) ಡಾಲರ್ ನೀಡಲಾಗುವುದು.
2019ರ ಜನವರಿಯಲ್ಲೂ ಮಿಜಾವಾ ಇದೇ ಚಟುವಟಿಕೆ ಮಾಡಿದ್ದರು. 100 ಟ್ವಿಟರ್ ಬಳಕೆದಾರರಿಗೆ 9,14,000 ಡಾಲರ್ ನೀಡಿದ್ದರು. ಮೀಜಾವಾ ಅವರ ಟ್ವೀಟ್ 4.68 ಮಿಲಿಯನ್ಸ್ ಬಾರಿ ರೀಟ್ವೀಟ್ ಆಗಿ, ದಾಖಲೆ ಬರೆದಿತ್ತು.
ಇದನ್ನು ಹೊರತು ಪಡಿಸಿದರೆ ಮೀಜಾವಾ ಅವರು ಚಂದ್ರನಲ್ಲಿಗೆ ಪ್ರವಾಸ ಹೋಗಲು ಎಲಾನ್ ಮಸ್ಕ್ ಸ್ಪೇಎಕ್ಸ್ನಲ್ಲಿ ಸೀಟ್ ಒಂದನ್ನು ಕಾಯ್ದಿರಿಸಿದ್ದಾರೆ. (ಏಜೆನ್ಸೀಸ್)