ಲಂಡನ್: ಜಗತ್ತಿನ ಮೊದಲ ಅಂಚೆ ಚೀಟಿ ಎನ್ನಲಾದ ‘ಪೆನ್ನಿ ಬ್ಲ್ಯಾಕ್’ನ ಒಂದು ಪ್ರತಿಯ ಹರಾಜಿಗೆ ಅಮೆರಿಕದ ಬಹುರಾಷ್ಟ್ರೀಯ ಸೊತೆಬೀಸ್ ಫೈನ್ ಆರ್ಟ್ಸ್ ಕಂಪೆನಿ ಮುಂದಾಗಿದೆ. ಹರಾಜಿಗೆ ಒಡ್ಡುವುದಕ್ಕೂ ಮುನ್ನ ಅ.19 ರಂದು ಲಂಡನ್ನಲ್ಲಿ ಪ್ರದರ್ಶನಗೊಂಡ ಈ ಪೋಸ್ಟೇಜ್ ಸ್ಟ್ಯಾಂಪ್ನ ಬೆಲೆ ಸುಮಾರು 8.25 ಮಿಲಿಯನ್ ಡಾಲರ್ಗಳು(62 ಕೋಟಿ ರೂಪಾಯಿ) ಎನ್ನಲಾಗಿದೆ.
ಡಿಸೆಂಬರ್ 7 ಕ್ಕೆ ಸೊತೆಬೀಸ್ ಆಯೋಜಿಸಿರುವ ಟ್ರೆಷರ್ಸ್ ಸೇಲ್ನಲ್ಲಿ ಈ 1840ನೇ ಇಸವಿಯ ಸ್ಟ್ಯಾಂಪ್ ಕೂಡ ಒಂದಾಗಿದೆ. ಬ್ರಿಟೀಷ್ ರಾಣಿ ವಿಕ್ಟೋರಿಯಾರ ಚಿತ್ರವಿರುವ ಈ ಪೋಸ್ಟೇಜ್ ಸ್ಟ್ಯಾಂಪನ್ನು ಜಾರಿಗೆ ತರುವ ಮುನ್ನ ಕಾಗದ ಪಡೆಯುವವರೇ ಅಂಚೆ ವೆಚ್ಚವನ್ನು ಭರಿಸುವ ಪದ್ಧತಿ ಇತ್ತು ಎನ್ನಲಾಗಿದೆ.
ಇದನ್ನೂ ಓದಿ: ಅಮಾನ್ಯೀಕರಣ ನೋಟುಗಳನ್ನು ಕಲರ್ ಜೆರಾಕ್ಸ್ ಮಾಡಿ ಬದಲಾವಣೆ ಮಾಡ್ತಿದ್ದ ಖತರ್ನಾಕ್ ಗ್ಯಾಂಗ್ ಬಂಧನ
ಈ ಸ್ಟ್ಯಾಂಪ್ ಸ್ಕಾಟಿಶ್ ರಾಜಕಾರಣಿ ರಾಬರ್ಟ್ ವಾಲೇಸ್ರ ಹಳೆಯ ದಾಖಲಾತಿಯೊಂದಕ್ಕೆ ಲಗತ್ತಿಸಲ್ಪಟ್ಟಿದೆ. ವಿಶೇಷವಾಗಿ ಅಂಚೆಚೀಟಿಗಳನ್ನು ಸಂಗ್ರಹಿಸುವವರಿಗೆ ಬಹು ಅಮೂಲ್ಯವಾದ ಸಂಗ್ರಹವಾಗಬಲ್ಲ ಪೆನ್ನಿ ಬ್ಲ್ಯಾಕ್, ಅಂಚೆ ಚೀಟಿಗಳ ಇತಿಹಾಸದ ಬಹುಮಹತ್ವದ ಭಾಗವಾಗಿದೆ ಎಂದು ಸೊತೆಬೀಸ್ನ ಮಾರಾಟ ಮುಖ್ಯಸ್ಥ ಹೆನ್ರಿ ಹೌಸ್ ಹೇಳಿದ್ದಾರೆ. (ಏಜೆನ್ಸೀಸ್)
ಕ್ರಿಕೆಟ್ ಬೆಟ್ಟಿಂಗ್, ಜೂಜಿನಲ್ಲಿ ಹಣ ಕಳೆದ; ಸಾಲಬಾಧೆ ತಾಳದೆ ಸಾವಿಗೆ ಶರಣಾದ
ಆರ್ಯನ್ ಖಾನ್ ಕೇಸಲ್ಲಿ 25 ಕೋಟಿ ರೂ. ವಸೂಲಿ ಆರೋಪ; ಎನ್ಸಿಬಿ ಅಧಿಕಾರಿ ವಿರುದ್ಧ ತನಿಖೆ ಆರಂಭ