ಸಿಡ್ನಿ: ವಿಷಕಾರಿ ಹಾವುಗಳ ಬಗ್ಗೆ ಮಾತನಾಡುವಾಗ ನಮ್ಮ ತಲೆಗೆ ಮೊದಲಿಗೆ ಬರುವುದು ನಾಗರಹಾವು, ಕಾಳಿಂಗ ಸರ್ಪ ಹಾಗೂ ಕೊಳಕ ಮಂಡಲ ಮಾತ್ರ. ಆದರೆ, ಇವುಗಳಿಗಿಂತಲೂ ಅತ್ಯಂತ ಅಪಾಯಕಾರಿ ಹಾವಿನ ಬಗ್ಗೆ ನೀವು ಎಂದಾದರು ಕೇಳಿದ್ದೀರಾ? ಜಗತ್ತಿನಲ್ಲಿ ಎಷ್ಟೊಂದು ಡೇಂಜರಸ್ ಹಾವಿದೆ ಗೊತ್ತಾ? ಒಂದೇ ಕಡಿತದಲ್ಲಿ 100 ಮಂದಿಯನ್ನು ಕೊಲ್ಲುವ ಶಕ್ತಿ ಇದೆ ಎಂದರೆ ನೀವು ನಂಬುತ್ತೀರಾ? ಈ ಸ್ಟೋರಿ ಓದಿದ ಮೇಲೆ ನೀವು ನಂಬಲೇಬೇಕು.
‘ಇನ್ಲ್ಯಾಂಡ್ ತೈಪಾನ್’ ಇದನ್ನು ಜಗತ್ತಿನ ಅತ್ಯಂತ ವಿಷಕಾರಿ ಹಾಗೂ ಅಪಾಯಕಾರಿ ಹಾವು ಎಂದು ಗುರುತಿಸಲಾಗಿದೆ. ಇದು ಕೇವಲ ಆಸ್ಟ್ರೇಲಿಯಾದಲ್ಲಿ ಮಾತ್ರ ಕಂಡು ಬರುತ್ತದೆ. ಈ ಹಾವು ಇಷ್ಟೊಂದು ಡೇಂಜರಸ್ ಏಕೆಂದರೆ, ಒಂದು ಬಾರಿ ಕಚ್ಚಿದರೆ, 110 ಮಿಲಿಗ್ರಾಂ ವಿಷ ಹೊರ ಬರುತ್ತದೆ. ಬ್ರಿಸ್ಟೋಲ್ ವಿಶ್ವವಿದ್ಯಾಲಯದ ಸಂಶೋಧಕರ ಪ್ರಕಾರ ಇನ್ಲ್ಯಾಂಡ್ ತೈಪಾನ್ ಒಮ್ಮೆ ಕಡಿದರೆ, ಬರೋಬ್ಬರಿ 100 ಮಂದಿ ಅಥವಾ 2.5 ಮಿಲಿಯನ್ ಇಲಿಗಳು ಸಾಯುವಷ್ಟು ಶಕ್ತಿ ಅದರ ವಿಷದಲ್ಲಿದೆ.
ಸಂಶೋಧಕರ ಪ್ರಕಾರ ಈ ಹಾವು ಜಗತ್ತಿನ ಎಲ್ಲ ಕಡೆಗಳಲ್ಲಿಯೂ ಕಂಡು ಬರುವುದಿಲ್ಲ. ಕೇವಲ ಆಸ್ಟ್ರೇಲಿಯಾ ನೆಲದಲ್ಲಿ ಮಾತ್ರ ಇವು ವಾಸಿಸುತ್ತವೆ. ದಟ್ಟ ಕಾಡಿನ ನಡುವೆ ಇವು ಸಂಚರಿಸುತ್ತಿರುತ್ತವೆ. ಆದರೆ, ಇವು ಹಗಲು ವೇಳೆಯಲ್ಲಿ ಹೆಚ್ಚು ಕಾಣಿಸಿಕೊಳ್ಳುವುದಿಲ್ಲ. ಇದು ಸುಮಾರು 1.8 ಮೀಟರ್ ಉದ್ದ ಬೆಳೆಯುತ್ತದೆ. ಹಾವಿನ ವಿಷದ ಕೊಂಡಿಗಳು 3.5 ರಿಂದ 6.2 ಮಿಲಿ ಮೀಟರ್ ಉದ್ದ ಇರಲಿವೆ.
ಕಾಲಕ್ಕೆ ತಕ್ಕಂತೆ ಅಥವಾ ಆಯಾ ಋತುಗಳಲ್ಲಿ ಇನ್ಲ್ಯಾಂಡ್ ತೈಪಾನ್ ಹಾವು ತನ್ನ ಚರ್ಮದ ಬಣ್ಣವನ್ನು ಬದಲಾಯಿಸುತ್ತದೆ. ಚಳಿಗಾದಲ್ಲಿ ಕಡು ಕಂದು ಬಣ್ಣದಲ್ಲಿದ್ದರೆ, ಬೇಸಿಗೆಯಲ್ಲಿ ತಿಳಿ ಕಂದು ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತವೆ. ಈ ಹಾವಿನ ಪ್ರಮುಖ ಆಹಾರ ಯಾವುವೆಂದರೆ, ಕಪ್ಪೆಗಳು ಮತ್ತು ಕೋಳಿಗಳು.
ಬೆಳಗಿನ ಜಾವದಲ್ಲಿ ಈ ಹಾವು ತುಂಬಾ ಚಟುವಟಿಕೆಯಿಂದ ಕೂಡಿರುತ್ತದೆಯಂತೆ. ಈ ಹಾವು ಆಳವಾದ ಮಣ್ಣಿನ ಬಿರುಕುಗಳು ಮತ್ತು ಪ್ರಾಣಿಗಳ ಬಿಲಗಳಲ್ಲಿ ಇರುತ್ತದೆ. ಜಗತ್ತಿನಲ್ಲಿ 600 ವಿಷಕಾರಿ ಹಾವುಗಳ ಜಾತಿಗಳಿದ್ದರೆ, ಅವುಗಳಲ್ಲಿ ಕೇವಲ 200 ಹಾವುಗಳು ಮಾತ್ರ ಮನುಷ್ಯರನ್ನು ಕೊಲ್ಲುತ್ತವೆ ಅಥವಾ ಗಂಭೀರವಾಗಿ ಗಾಯಗೊಳಿಸುತ್ತವೆ. (ಏಜೆನ್ಸೀಸ್)
ಅಂಬಿಕಾ ಟು ಪ್ರಿಯಾ ಭವಾನಿ ಶಂಕರ್… ಏನಿದು ಫಾರ್ಮ್ಹೌಸ್ ರಹಸ್ಯ? ಸಂಚಲನ ಸೃಷ್ಟಿಸಿದ ನಟನ ಹೇಳಿಕೆ
ಬೇರೆಯವರ ಜತೆ ಮಲಗಿ ಸಂಪಾದಿಸುವ ಪತ್ನಿ, ಅದೇ ದುಡ್ಡಿಂದ ಬದುಕು ನಡೆಸುವ ಗಂಡ! ಭಾರತದಲ್ಲಿದೆ ಈ ವಿಚಿತ್ರ ಆಚರಣೆ