ಬೆಂಗಳೂರು: ಸ್ಯಾಂಡಲ್ವುಡ್ ನಟ ನಟ ಮತ್ತು ಅಂಬರೀಷ್ ಅವರ ಮಗ ಅಭಿಷೇಕ್ ಅಂಬರೀಷ್ ಭಾನುವಾರವಷ್ಟೇ ತಮ್ಮ ಬಹುಕಾಲದ ಗೆಳತಿ ಅವಿವಾ ಬಿದ್ದಪ್ಪ ಅವರ ಜತೆಗೆ ನಿಶ್ಚಿತಾರ್ಥ ಮಾಡಿಕೊಂಡಿರುವುದು ಗೊತ್ತಿರುವ ವಿಷಯವೇ. ಈ ಮಧ್ಯೆ, ಅವಿವಾಗೆ ಅಭಿಷೇಕ್ ತೊಡಿಸಿದ ಉಂಗುರದ ಬೆಲೆ ಎಷ್ಟು?
ಇದನ್ನೂ ಓದಿ: ಹಿರಿಯ ನಟ ನಂದಮೂರಿ ಬಾಲಕೃಷ್ಣಗೆ ಕನ್ನಡದ ಶ್ರೀಲೀಲಾ ನಾಯಕಿ! ಯಾವ ಚಿತ್ರ ಗೊತ್ತಾ?
ಹೌದು, ಅವಿವಾಗೆ ಅಭಿಷೇಕ್ ತೊಡಿಸಿದ ಉಂಗುರದ ಬೆಲೆ ಎಷ್ಟು ಎಂಬ ವಿಷಯ ಇದೀಗ ಚರ್ಚೆಯಾಗುತ್ತಿದ್ದು ಇದಕ್ಕೆ ಉತ್ತರ ಸಿಕ್ಕಿದೆ. ಇದೊಂದು ವಜ್ರದ ಉಂಗುರವಾಗಿದ್ದು, ಪೂಣೆಯಲ್ಲಿ ವಿಶೇಷವಾಗಿ ಈ ಉಂಗುರುವನ್ನು ಡಿಸೈನ್ ಮಾಡಿಸಿ ತಂದಿದ್ದಾರೆ ಅಭಿಷೇಕ್. ವಜ್ರದ ಉಂಗುರ ಎಂದ ಮೇಲೆ ಸಾಕಷ್ಟು ಖರ್ಚಾಗಿರಬಹುದು ಎಂಬ ನಿಮ್ಮ ಊಹೆ ಸರಿ. ಆದರೆ, ಎಷ್ಟು? ಮೂಲಗಳ ಪ್ರಕಾರ ಈ ಉಂಗುರಕ್ಕೆ 37 ಲಕ್ಷ ರೂ.ಗಳಂತೆ.
ಅಭಿಷೇಕ್ ಮತ್ತು ಅವಿವಾ ಕೆಲವು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು ಮತ್ತು ಈ ವಿಷಯ ಅಂಬರೀಷ್ ಅವರಿಗೂ ತಿಳಿದಿತ್ತು ಎಂದು ಹೇಳಲಾಗುತ್ತದೆ. ಅವಿವಾ, ಖ್ಯಾತ ಫ್ಯಾಶನ್ ಡಿಸೈನರ್ ಪ್ರಸಾದ್ ಬಿದ್ದಪ್ಪ ಅವರ ಮಗಳಾಗಿದ್ದು, ಫ್ಯಾಶನ್ ಉದ್ಯಮದಲ್ಲಿ ಗುರುತಿಸಿಕೊಂಡಿದ್ದಾರೆ. ಅಂಬರೀಷ್ ಮತ್ತು ಪ್ರಸಾದ್ ಬಿದ್ದಪ್ಪ ಕುಟುಂಬಗಳ ನಡುವೆ ಒಳ್ಳೆಯ ಗೆಳೆತನ ಇದೆ. ಈಗ ಈ ಗೆಳತನ ನೆಂಟಸ್ತಿಕೆಯಾಗಿ ಬದಲಾಗಿದೆ.
ಇದನ್ನೂ ಓದಿ: ಅಭಿಷೇಕ್ಗಿಂತ ಮೊದಲೇ ಅವಿವಾ ಸಿನಿಮಾದಲ್ಲಿ ನಟಿಸಿದ್ದರು ಗೊತ್ತಾ?
ಅಂದಹಾಗೆ, ಆರ್.ಟಿ. ನಗರದ ಫೋರ್ ಸೀಸನ್ಸ್ ಹೋಟೆಲ್ನಲ್ಲಿ ನಿಶ್ಚಿತಾರ್ಥ ಎರಡೂ ಕುಟುಂಬದವರ ಸಮ್ಮುಖದಲ್ಲಿ ನಡೆದ್ದಿದ್ದು, ಈ ಕಾರ್ಯಕ್ರಮದಲ್ಲಿ ಯಶ್, ರಾಧಿಕಾ ಪಂಡಿತ್, ರಾಕ್ಲೈನ್ ವೆಂಕಟೇಶ್, ಪ್ರಜ್ವಲ್ ದೇವರಾಜ್, ಸಂಗೀತ ನಿರ್ದೇಶಕ ಗುರುಕಿರಣ್, ಸಚಿವರಾದ ಡಾ. ಅಶ್ವತ್ಥ್ನಾರಾಯಣ್, ಆರ್. ಅಶೋಕ್, ಶಾಸಕ ಸತೀಶ್ ರೆಡ್ಡಿ ಮುಂತಾದವರು ಈ ನಿಶ್ಚಿತಾರ್ಥದಲ್ಲಿ ಭಾಗವಹಿಸಿ, ಅಭಿಷೇಕ್ ಮತ್ತು ಅವಿವಾ ಅವರಿಗೆ ಶುಭ ಹಾರೈಸಿದ್ದಾರೆ.