ಸೊರಬ: ಕರೊನಾ ಸೋಂಕು ಹರಡುವಿಕೆ ನಿಯಂತ್ರಿಸಲು ಮಾಸ್ಕ್ ಧರಿಸಬೇಕು ಎಂದು ವೈದ್ಯಲೋಕ ಹೇಳುತ್ತಿದ್ದಂತೆ ಮುಖಗವಸಿಗೆ ಎಲ್ಲಿಲ್ಲದ ಡಿಮಾಂಡ್ ಬಂದಿದೆ. ಮನೆಯಲ್ಲೇ ಮೊಬೈಲ್ ಬಿಟ್ಟು ಹೊರಬಂದರೂ ಸರಿಯೇ ಮಾಸ್ಕ್ ಇಲ್ಲದೆ ಆಚೆ ಕಾಲಿಡೋಕು ಜನ ಭಯ ಪಡುತ್ತಿದ್ದಾರೆ.
ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ಮಾರುಕಟ್ಟೆಗೆ ತರಹೇವಾರಿ ಮಾಸ್ಕ್ಗಳೂ ಲಗ್ಗೆ ಇಟ್ಟಿವೆ. ಕಾಸಿಗೆ ತಕ್ಕಂತೆ ಕಜ್ಜಾಯ ಎಂಬಂತೆ ತ್ರೀ ಫೋಲ್ಡೆಡ್, ಎನ್ ಮತ್ತು 95 ಮಾಸ್ಕ್ಗಳ ಜತೆಗೆ ಮ್ಯಾಚಿಂಗ್ ಮಾಸ್ಕ್ಗಳೂ ಇವೆ. ಅನೂಕೂಲಕ್ಕೆ ತಕ್ಕಂತೆ ಮುಖಗವಸು ಖರೀದಿಯ ಭರಾಟೆ ಜೋರಾಗಿದೆ. ಬಹುಶಃ ಈಗ ನೀವು ನೋಡುತ್ತಿರುವ ಮಾಸ್ಕ್ ವಿಶ್ವದಲ್ಲೇ ಬಂದಿರಲಿಕ್ಕಿಲ್ಲ! ಇದು ತೆಂಗಿನ ಕರಟದ(ಚಿಪ್ಪಿನ) ಮಾಸ್ಕ್.
ಇದನ್ನೂ ಓದಿರಿ ಕಂಡವರ ಹೆಂಡ್ತಿ ಜತೆ ಅವಿವಾಹಿತನ ಲವ್ವಿ ಡವ್ವಿ… ಆಕೆಯ ಮನೆಯವರಿಗೆ ತಾನೇ ಫೋಟೋ ಕಳಿಸಿ ಗುಟ್ಟನ್ನು ರಟ್ಟು ಮಾಡಿದ!
ಸೊರಬ ಪಟ್ಟಣದಲ್ಲಿ ನಾಗರಾಜ್ ಎಂಬುವವರು ತೆಂಗಿನಕಾಯಿ ಚಿಪ್ಪಿನಿಂದ ಮಾಸ್ಕ್ ಮಾಡಿಕೊಂಡಿದ್ದಾರೆ. ಬುಧವಾರ ಸೊರಬ ಮಾರುಕಟ್ಟೆಯಲ್ಲಿ ತೆಂಗಿನಚಿಪ್ಪಿಗೆ ಮಾಸ್ಕ್ನಂತೆ ವ್ಯವಸ್ಥಿತವಾಗಿ ದಾರದಿಂದ ಕಟ್ಟಿ ಮುಖಕ್ಕೆ ಧರಿಸಿ ಛತ್ರಿ ಹಿಡಿದು ಮಳೆಯಲ್ಲಿ ಓಡಾಡುತ್ತಿದ್ದರು. ಅವರನ್ನು ನೋಡಿದ ಜನರಿಗೆಲ್ಲ ಅಚ್ಚರಿಯೋ ಅಚ್ಚರಿ.
ಇತ್ತೀಚೆಗಷ್ಟೇ ಭೋಪಾಲ್ನಲ್ಲಿ ನರೇಂದ್ರ ಮೋದಿ ಅವರ ಮುಖ ಮುದ್ರಿತವಾಗಿರುವ ಮಾಸ್ಕ್ ಕೂಡ ಮಾರುಕಟ್ಟೆಗೆ ಬಂದಿದ್ದು, ಮಾರಾಟ ಜೋರಾಗಿದೆ.
ಇದನ್ನೂ ಓದಿರಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ ಮೋದಿ ಮಾಸ್ಕ್: ಭರ್ಜರಿ ಮಾರಾಟ
ಲೈಂಗಿಕವಾಗಿ ಬಳಸಿಕೊಂಡು ಸಾಲ ಕೊಟ್ಟ, ಆಕೆ ಹಣ ಹಿಂತಿರುಗಿಸಿದರೂ ಮತ್ತೆ ಬರುವಂತೆ ಪೀಡಿಸಿದ…