ಮುಂಬೈ: ಹಿಂದೆ ಒಂದು ಕಾಲವಿತ್ತು ಮದುವೆಯೆಂದರೆ ವಧು ನಾಚಿ ನೀರಾಗುತ್ತಿದ್ದಳು. ಆದರೆ, ಈಗ ಕಾಲ ಬದಲಾಗಿದೆ. ನಾಚಿಕೆಯನ್ನು ಪಕ್ಕಕ್ಕಿಟ್ಟು ಮದುವೆ ಮಂಟಪದಲ್ಲಿ ಡ್ಯಾನ್ಸ್ ಮಾಡುವ ಮೂಲಕವೇ ವರನೇ ನಾಚಿಕೊಳ್ಳುವಂತೆ ಮಾಡುತ್ತಿದ್ದಾಳೆ.
ಹೌದು, ಇದೇ ಪ್ರಸಂಗ ಮಹಾರಾಷ್ಟ್ರದಲ್ಲಿ ಜರುಗಿದೆ. ವಧುವೊಬ್ಬಳು ಬಾಲಿವುಡ್ ಮಾದಕ ನಟಿ ಸನ್ನಿ ಲಿಯೋನ್ ಹಾಡಿಗೆ ಡ್ಯಾನ್ಸ್ ಮಾಡುತ್ತಲೇ ಮಂಟಪಕ್ಕೆ ಭರ್ಜರಿ ಎಂಟ್ರಿ ಕೊಡುವ ಮೂಲಕ ಮದುವೆಗೆ ಬಂದಿದ್ದ ಅತಿಥಿಗಳು ಹುಬ್ಬೇರುವಂತೆ ಮಾಡಿದ್ದಾಳೆ.
ಇದನ್ನೂ ಓದಿ: VIDEO| ಸುರಕ್ಷತಾ ಕ್ರಮ ಬಳಸದೇ ಬರಿಗೈಯಲ್ಲಿ 690 ಅಡಿ ಎತ್ತರದ ಕಟ್ಟಡವೇರಿದ ಸಾಹಸಿಗನಿಗೆ ಬಹುಪರಾಕ್!
ಸನ್ನಿ ಲಿಯೋನ್ ಅವರ ಮೇರೆ ಸಿಯಾನ್ ಸೂಪರ್ಸ್ಟಾರ್ ಕ್ರೇಜಿ ಹಾಡಿಗೆ ವಧು ಹೆಜ್ಜೆ ಹಾಕಿರುವ ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿದೆ. ಮರಾಠಿ ಸಂಪ್ರದಾಯದಂತೆ ನಡೆದ ಮದುವೆಯಲ್ಲಿ ಭರ್ಜರಿಯಾಗಿ ಸಿಂಗಾರ ಮಾಡಿಕೊಂಡು, ಕಣ್ಣಿಗೆ ಸನ್ಗ್ಲಾಸ್ ಧರಿಸಿ ಮಂಟಪಕ್ಕೆ ಆಗಮಿಸಿದ ವಧು, ವರ ನಿಂತಿದ್ದ ವೇದಿಕೆಯತ್ತ ಸನ್ನಿ ಲಿಯೋನ್ ಹಾಡಿಗೆ ಸೊಂಟ ಬಳುಕಿಸುತ್ತಾ ಸಾಗಿದಳು. ಕೊನೆಗೆ ವರನ ಬಳಿ ತೆರಳಿ ಆತನ ಕೈಗೆ ಮುತ್ತು ನೀಡಿ ವೇದಿಕೆ ಏರಿದಳು.
ವಧುವಿನ ನೃತ್ಯವನ್ನು ರಪ್ಪೆ ಬಡಿಯದೇ ಅತಿಥಿಗಳು ಕಣ್ತುಂಬಿಕೊಂಡರು. ಇನ್ನು ಕೆಲವರು ತಮ್ಮ ಮೊಬೈಲ್ ಕ್ಯಾಮೆರಾ ಕಣ್ಣಲ್ಲಿ ವಧುವಿನ ಡ್ಯಾನ್ಸ್ ಸೆರೆಹಿಡಿದುಕೊಂಡರು. ವೇದಿಕೆಯಲ್ಲೇ ತನ್ನ ಭಾವಿ ಪತ್ನಿಯ ಡ್ಯಾನ್ಸ್ ನೋಡುತ್ತಾ ನಿಂತಿದ್ದ ವರನೇ ನಾಚಿ ನೀರಾದನು. ಸದ್ಯ ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿದ್ದು, ವಧುವಿನ ನೃತ್ಯಕ್ಕೆ ಫಿದಾ ಆಗಿದ್ದಾರೆ. (ಏಜೆನ್ಸೀಸ್)
आवडलेलं ❤️ pic.twitter.com/AeziuDdiu6
— Praveen Gavit (@praveengavit10) December 2, 2020