ಬೆಂಗಳೂರು: ಬೆವರುವುದು ತುಂಬಾ ಸಾಮಾನ್ಯವಾಗಿದೆ. ಏಕೆಂದರೆ ದೈಹಿಕ ಪರಿಶ್ರಮದಿಂದ ಎಲ್ಲರೂ ಬೆವರುತ್ತಾರೆ. ವಿಶೇಷವಾಗಿ ಬೇಸಿಗೆಯಲ್ಲಿ ಇದು ಹೆಚ್ಚು. ಆದರೆ ಕೆಲವರು ವಿಪರೀತವಾಗಿ ಬೆವರುತ್ತಾರೆ.
ಅತಿಯಾಗಿ ಬೆವರುವುದು ಅನೇಕ ಪ್ರಮುಖ ಕಾಯಿಲೆಗಳ ಆರಂಭಿ ಲಕ್ಷಣವಾಗಿದೆ. ಆದ್ದರಿಂದ, ಅತಿಯಾದ ಬೆವರುವಿಕೆಯ ಲಕ್ಷಣಗಳ ಬಗ್ಗೆ ಗಮನ ಹರಿಸದಿದ್ದರೆ, ನೀವು ಅನಾರೋಗ್ಯಕ್ಕೆ ತುತ್ತಾಗ ಬೇಕಾಗುತ್ತದೆ. ಈ ಕುರಿತಾಗಿ ಎಚ್ಚರಿಕೆಯಿಂದ ಇರುವುದು ಅಗತ್ಯವಾಗಿದೆ. ಕೆಲವರು ಕೂತ್ರು, ನಿಂತ್ರು ಕಾರಣವಿಲ್ಲದೆ ಇದ್ದಕ್ಕಿದ್ದಂತೆ ಬೆವರುತ್ತಾರೆ. ಇದನ್ನು ತುಂಬಾ ಸಾಮಾನ್ಯವೆಂದು ತಳ್ಳಿಹಾಕಬಾರದು. ಇದು ಭವಿಷ್ಯದಲ್ಲಿ ಮಾರಣಾಂತಿಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಆರೋಗ್ಯ ತಜ್ಞರು ಎಚ್ಚರಿಸಿದ್ದಾರೆ.
ದೇಹದಲ್ಲಿನ ಯಾವುದೇ ಒತ್ತಡ, ಉದ್ವೇಗ ಅಥವಾ ಭಯದಿಂದಾಗಿ, ಅಡ್ರಿನಾಲಿನ್ ನಾನ್-ಅಡ್ರಿನಾಲಿನ್ ಹಾರ್ಮೋನುಗಳ ಸ್ರವಿಸುವಿಕೆಯು ತೀವ್ರವಾಗಿ ಹೆಚ್ಚಾಗುತ್ತದೆ. ಸ್ವನಿಯಂತ್ರಿತ ನರಮಂಡಲವು ಸಕ್ರಿಯಗೊಳ್ಳುತ್ತದೆ. ಇದು ಬೆವರುವಿಕೆಗೆ ಕಾರಣವಾಗುತ್ತದೆ. ಪರಿಣಾಮವಾಗಿ, ದೇಹಕ್ಕೆ ಕೆಟ್ಟದಾಗುತ್ತದೆ.
ಹೈಪರ್ಹೈಡ್ರೋಸಿಸ್ ಒಂದು ಕಾಯಿಲೆಯಾಗಿದ್ದು, ಇದು ಇರುವ ಜನರು ಅತಿಯಾಗಿ ಕಾರ್ಯನಿರ್ವಹಿಸುವ ಬೆವರು ಗ್ರಂಥಿಗಳನ್ನು ಹೊಂದಿರುತ್ತಾರೆ. ಇದು ಶಾಖವಿಲ್ಲದೆ ವಿಪರೀತ ಬೆವರುವಿಕೆಯನ್ನು ಉಂಟುಮಾಡುತ್ತದೆ. ಥೈರಾಯ್ಡ್ ಗ್ರಂಥಿಯು ಹಾರ್ಮೋನ್ ಅನ್ನು ಕಡಿಮೆ ಪ್ರಮಾಣದಲ್ಲಿ ಉತ್ಪಾದಿಸಿದಾಗ, ದೇಹದ ಚಯಾಪಚಯ ಕ್ರಿಯೆಯು ಪರಿಣಾಮ ಬೀರುತ್ತದೆ. ಇದು ಅತಿಯಾದ ಬೆವರುವಿಕೆಗೆ ಕಾರಣವಾಗುತ್ತದೆ.
ಮಧುಮೇಹಿಗಳು ಅತಿಯಾದ ಬೆವರುವಿಕೆಯಿಂದ ಬಳಲುತ್ತಿದ್ದಾರೆ. ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಅಸಹಜವಾಗಿ ಹೆಚ್ಚಾದಾಗ ಅಥವಾ ಕಡಿಮೆಯಾದಾಗ, ದೇಹವು ವಿಪರೀತವಾಗಿ ಬೆವರು ಮಾಡಲು ಪ್ರಾರಂಭಿಸುತ್ತದೆ.
ಅತಿಯಾಗಿ ಬೆವರುವುದು ಕೂಡ ಹೃದ್ರೋಗಕ್ಕೆ ಕಾರಣವಾಗಬಹುದು. ಹಠಾತ್ ಬೆವರುವುದು ವಿಶೇಷವಾಗಿ ಹೃದಯಾಘಾತದ ಸಾಮಾನ್ಯ ಲಕ್ಷಣವಾಗಿದೆ.
ಥೈರಾಯ್ಡ್ ಅಸಮತೋಲನದಿಂದಾಗಿ ಅನೇಕ ಮಂದಿ ಅತಿಯಾಗಿ ಬೆವರುತ್ತಾರೆ. ವೈದ್ಯರ ಪ್ರಕಾರ, ಹೈಪರ್ ಥೈರಾಯ್ಡಿಸಮ್ ಮಾನವ ದೇಹದಲ್ಲಿ ಥೈರಾಯ್ಡ್ ಹಾರ್ಮೋನ್ನ ಅತಿಯಾದ ಸ್ರವಿಸುವಿಕೆಯಿಂದ ಉಂಟಾಗುತ್ತದೆ. ಪರಿಣಾಮವಾಗಿ, ರೋಗಿಯಲ್ಲಿ ಹಸಿವು ಹೆಚ್ಚಾಗುತ್ತದೆ. ತೂಕ ನಷ್ಟವು ವೇಗವಾಗಿರುತ್ತದೆ. ಅತಿಯಾದ ಬೆವರುವಿಕೆಯನ್ನು ಸಹ ಗಮನಿಸಬಹುದು.