ಸುಶಾಂತ್ ಸಿಂಗ್ ರಜಪೂತ್ ಆತ್ಮಹತ್ಯೆ ಪ್ರಕರಣ ಸಿಬಿಐ ಕೈಗೆತ್ತಿಕೊಳ್ಳುತ್ತಿದ್ದಂತೆ ಆರು ಮಂದಿಯ ವಿರುದ್ಧ ಎಫ್ಐಆರ್ ದಾಖಲಿಸಿದೆ. ಆ ಪೈಕಿ ಸೆಲೆಬ್ರಿಟಿ ಮ್ಯಾನೇಜರ್ ಆಗಿ ಹಲವು ಸಿನಿಮಾದವರ ಜತೆ ಕೆಲಸ ಮಾಡಿದ್ದ ಶ್ರುತಿ ಮೋದಿ ವಿರುದ್ಧವೂ ದೂರು ದಾಖಲಾಗಿದೆ. ಹಾಗಾದರೆ ಯಾರು ಈ ಶ್ರುತಿ ಮೋದಿ? ಸುಶಾಂತ್ ಪ್ರಕರಣದಲ್ಲಿ ಶ್ರುತಿ ಪಾತ್ರ ಇದೆಯೇ? ಅವರ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ.
ಶ್ರುತಿ ಮೋದಿ ಗುಜರಾತಿ ಮೂಲದವರಾದರೂ ಹುಟ್ಟಿ, ಬೆಳೆದಿದ್ದು ಮುಂಬೈನಲ್ಲಿ. 1993ರಲ್ಲಿ ಸಾಮಾನ್ಯ ಕುಟುಂಬದಲ್ಲಿ ಜನಿಸಿದ ಶ್ರುತಿಗೆ ಚಿಕ್ಕಂದಿನಿಂದ ಸಿನಿಮಾ ಹುಚ್ಚು. ಸ್ಟಾರ್ಗಳ ಜತೆ ಗುರುತಿಸಿಕೊಳ್ಳಬೇಕು ಅವರೊಟ್ಟಿಗೆ ಕೆಲಸ ಮಾಡಬೇಕು ಎಂಬ ಆಸೆ. ಅದರಂತೆ ಮುಂಬೈ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದು ಸೆಲೆಬ್ರಿಟಿ ಮ್ಯಾನೇಜರ್ ಕೋರ್ಸ್ ಮಾಡಿದ್ದ ಶ್ರುತಿ ಆರಂಭದಲ್ಲಿ ಅವರಿವರ ಜತೆ ಕೆಲಸ ಮಾಡಿ, ಸುಶಾಂತ್ ಸಿಂಗ್ ಮ್ಯಾನೇಜರ್ ಆಗಿ ಸೇರಿಕೊಂಡಿದ್ದರು. 2019ರ ಜುಲೈನಿಂದ 2020ರ ಫೆಬ್ರವರಿ ವರೆಗೂ ಸುಶಾಂತ್ ಮ್ಯಾನೇಜರ್ ಆಗಿದ್ದರು. ಅಷ್ಟೇ ಅಲ್ಲ ರಿಯಾ ಚಕ್ರವರ್ತಿ ಸಹೋದರ ಶೋವಿಕ್ ಚಕ್ರವರ್ತಿ ಅವರಿಗೂ ಮ್ಯಾನೇಜರ್ ಆಗಿದ್ದರು ಶ್ರುತಿ.
ಇದನ್ನೂ ಓದಿ: ಸುಶಾಂತ್ ಪ್ರಕರಣಕ್ಕೆ ಹೊಸ ತಿರುವು
ಅಚ್ಚರಿ ವಿಚಾರ ಏನೆಂದರೆ, ಸುಶಾಂತ್ ಸಾವಿಗೂ ಮುನ್ನ ಆತ್ಮಹತ್ಯೆ ಮಾಡಿಕೊಂಡಿದ್ದ ಎಕ್ಸ್ ಮ್ಯಾನೇಜರ್ ದಿಶಾ ಸಾಲಿಯಾನ್ ಮತ್ತು ಶ್ರುತಿ ಮೋದಿ ಒಂದೇ ಏಜೆನ್ಸಿಯಲ್ಲಿದ್ದವರು. ಅದಾದ ಬಳಿಕ ಕೆಲ ಬದಲಾವಣೆಗಳಾಗಿ ಶ್ರುತಿ ಸ್ಥಾನಕ್ಕೆ ದಿಶಾ ಸಾಲಿಯಾನ್ ಸುಶಾಂತ್ಗೆ ಮ್ಯಾನೇಜರ್ ಆಗಿ ಸೇರಿಕೊಂಡರು. ಈ ಬೆಳವಣಿಗೆಯೂ ಪ್ರಕರಣದಲ್ಲಿ ಮಹತ್ವದ ಪಾತ್ರ ವಹಿಸಿದೆ ಎಂದು ಪೊಲೀಸರು ಅಭಿಪ್ರಾಯ ಪಟ್ಟಿದ್ದಾರೆ.
ಶ್ರುತಿ ಮೋದಿ ಸುಶಾಂತ್ ಮತ್ತು ರಿಯಾ ಚಕ್ರವರ್ತಿಗೆ ಆಪ್ತೆ. ಶ್ರುತಿ ಇನ್ಸ್ಟಾಗ್ರಾಂ ಖಾತೆಯನ್ನು ಸ್ವತಃ ಸುಶಾಂತ್ ಮತ್ತು ರಿಯಾ ಫಾಲೋ ಮಾಡುತ್ತಿದ್ದರು. ಇದೆಲ್ಲವನ್ನು ಪರಿಗಣಿಸಿ, ಪ್ರಕರಣದಲ್ಲಿ ಇವರ ಸಹಭಾಗಿತ್ವ ಇರಬಹುದು ಎಂಬ ಶಂಕೆ ಮೇಲೆ ಹಲವು ಪ್ರಕರಣಗಳ ಅಡಿಯಲ್ಲಿ ದೂರು ದಾಖಲಿಸಲಾಗಿದೆ.
ಇದನ್ನೂ ಓದಿ: ತಿಂಗಳ ಕೊನೆಗೆ ಮಜಾ ವರ್ಷದ ಕೊನೆಗೆ ಬಿಗ್ ಬಾಸ್ ಶುರು ಹೌದು ಸ್ವಾಮಿ…
ಈ ಮೊದಲು ಮುಂಬೈ ಪೊಲೀಸ್ ಶ್ರುತಿ ಅವರನ್ನು ವಿಚಾರಣೆಗೆ ಒಳಪಡಿಸಿತ್ತು. ಆಗ ಅವರ ಆದಾಯ ಹಣಕಾಸಿನ ಸ್ಥಿತಿಗತಿ ಹೇಗಿತ್ತು ಎಂಬುದರ ಬಗ್ಗೆ ಅವರು ಮಾಹಿತಿ ನೀಡಿದ್ದರು. ‘ಸುಶಾಂತ್ ಹಣಕಾಸು ಸ್ಥಿತಿ ಚೆನ್ನಾಗಿತ್ತು. ಒಂದು ತಿಂಗಳಿಗೆ 10 ಲಕ್ಷ ಖರ್ಚು ಮಾಡುತ್ತಿದ್ದರು. ಬಾಂದ್ರಾದಲ್ಲಿನ ಮನೆಗೆ ಬಾಡಿಗೆ ರೂಪದಲ್ಲಿ 4.5 ಲಕ್ಷ ಹಣ ಪಾವತಿಸುತ್ತಿದ್ದರು. ಲೋನಾವಾಲಾದಲ್ಲಿನ ಫಾರ್ಮ್ಹೌಸ್ಗೂ ಲಕ್ಷಾಂತರ ರೂ. ಬಾಡಿಗೆ ನೀಡುತ್ತಿದ್ದರು’ ಎಂಬ ಮಾಹಿತಿ ನೀಡಿದ್ದರು.
ಇದೀಗ ಇದೇ ಸುಶಾಂತ್ ಸಿಂಗ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಿಯಾ ಚಕ್ರವರ್ತಿ ಸೇರಿ ಸಹೋದರ ಶೋವಿಕ್ ಚಕ್ರವರ್ತಿ, ತಾಯಿ ಸಂಧ್ಯಾ ಚಕ್ರವರ್ತಿ, ತಂದೆ ಇಂದ್ರಜಿತ್ ಚಕ್ರವರ್ತಿ, ಸುಶಾಂತ್ ಮನೆ ಮ್ಯಾನೇಜರ್ ಸ್ಯಾಮ್ಯೂಲ್ ಚಕ್ರವರ್ತಿ ಮತ್ತು ಮಾಜಿ ಮ್ಯಾನೇಜರ್ ಶ್ರುತಿ ಮೋದಿ ವಿರುದ್ಧ ಸಿಬಿಐ ಎಫ್ಐಆರ್ ದಾಖಲಿಸಿದೆ. (ಏಜೆನ್ಸೀಸ್)
VIDEO: 10 ಸಾವಿರ ರೂ. ನೀಡಲಿಲ್ಲ ಎಂಬ ಕಾರಣಕ್ಕೆ ಫೇಸ್ಬುಕ್ ಲೈವ್ ಬಂದು ಆತ್ಮಹತ್ಯೆಗೆ ಶರಣಾದ ನಟಿ!