ಬೆಂಗಳೂರು: ನೀವು ಗಣಿತದಲ್ಲಿ ವೀಕಾ?, ನಿಮ್ಮ ಮಗುವಿಗೆ ಗಣಿತವನ್ನು ಕಲಿಸಲು ಕಷ್ಟಪಡುತ್ತಿದ್ದೀರಾ?, ಹೌದು…ಎಂದಾದರೆ ನಿಮ್ಮ ಸಮಸ್ಯೆಗೆ ಇಲ್ಲಿ ಪರಿಹಾರವನ್ನು ಹೇಳಲಿದ್ದೇವೆ. Google Play Store ನಲ್ಲಿ ಕೆಲವು ಅಪ್ಲಿಕೇಶನ್‌ಗಳಿವೆ. ಅದು ಗಣಿತವನ್ನು ಹೆಚ್ಚು ಸುಲಭಗೊಳಿಸುತ್ತದೆ. ಈ ಅಪ್ಲಿಕೇಶನ್‌ಗಳ ಮೂಲಕ ಯಾವುದೇ ಸಮಸ್ಯೆಯನ್ನು ಪರಿಹರಿಸಬಹುದು. ತಮ್ಮ ಮಗು ಗಣಿತದಲ್ಲಿ ವೀಕ್ ಎಂದು ಕಲಿಸುವ ಪೋಷಕರಿಗೂ ಈ ಅಪ್ಲಿಕೇಶನ್‌ಗಳು ಒಳ್ಳೆಯದು. ವಿಶೇಷವಾಗಿ ಗಣಿತವನ್ನು ಉತ್ತಮವಾಗಿ ಕಲಿಯಲು ಬಯಸುವ ವಿದ್ಯಾರ್ಥಿಗಳಿಗೆ ಇದು ಒಳ್ಳೆಯದು. ಏಕೆಂದರೆ ಈ ಹಲವು ಆ್ಯಪ್‌ಗಳು ಸಮಸ್ಯೆಯನ್ನು ಹೇಗೆ ಪರಿಹರಿಸಲಾಗಿದೆ ಎಂಬುದನ್ನು ಸಹ ಹೇಳುತ್ತವೆ. ಬನ್ನಿ ಹಾಗಾದರೆ ಆ ಅಪ್ಲಿಕೇಶನ್ ಬಗ್ಗೆ ತಿಳಿದುಕೊಳ್ಳೋಣ.
ಫೋಟೋಮ್ಯಾಥ್ (Photomath)
ಈ ಅಪ್ಲಿಕೇಶನ್ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿದೆ. ನೀವು ಅದನ್ನು ಉಚಿತವಾಗಿ ಡೌನ್‌ಲೋಡ್ ಮಾಡಬಹುದು. ಇದರ ನಂತರ ಅದು ಕ್ಯಾಮರಾ ಪ್ರವೇಶವನ್ನು ಕೇಳುತ್ತದೆ, ಅದನ್ನು ಅನುಮತಿಸಿ. ನಂತರ ಗಣಿತದ ಸಮಸ್ಯೆಯ ಫೋಟೋ ತೆಗೆಯಬೇಕು. ಫೋಟೋ ಕ್ಲಿಕ್ ಮಾಡಿದ ತಕ್ಷಣ ಎರಡು-ಮೂರು ಸೆಕೆಂಡುಗಳಲ್ಲಿ ಉತ್ತರ ಸಿಗುತ್ತದೆ. ಇನ್ನು ವಿಶೇಷವೆಂದರೆ ಅದು ಹೇಗೆ ಪರಿಹಾರವಾಯಿತು ಎಂಬುದನ್ನು ಸಹ ತಿಳಿಸುತ್ತದೆ. ಇದರಿಂದ ಮಕ್ಕಳು ಉತ್ತಮವಾಗಿ ಕಲಿಯಲು ಸಾಧ್ಯವಾಗುತ್ತದೆ.
ಮೈಕ್ರೋಸಾಫ್ಟ್ ಮ್ಯಾಥ್ಸ್ ಸಾಲ್ವರ್ (Microsoft Maths Solver)
ಈ ಅಪ್ಲಿಕೇಶನ್ ಅನ್ನು ಉಚಿತವಾಗಿ ಡೌನ್‌ಲೋಡ್ ಮಾಡಬಹುದು. ಅದನ್ನು ಡೌನ್‌ಲೋಡ್ ಮಾಡಿದ ನಂತರ, ಸ್ಟಾರ್ಟ್ ಕ್ಲಿಕ್ ಮಾಡಿ. ಇದರ ನಂತರ ಕ್ಯಾಮರಾ ಪ್ರವೇಶವನ್ನು ನೀಡಿ. ನಂತರ ಗಣಿತ ಸಮಸ್ಯೆಯ ಫೋಟೋ ತೆಗೆದುಕೊಳ್ಳಿ. ಹೀಗೆ ಮಾಡುವುದರಿಂದ ನಿಮ್ಮ ಪ್ರಶ್ನೆಗೆ ಉತ್ತರ ಸಿಗುತ್ತದೆ. ಅದನ್ನು ಹೇಗೆ ಪರಿಹರಿಸಲಾಗಿದೆ ಎಂಬುದನ್ನು ಸಹ ಇಲ್ಲಿಂದ ಕಂಡುಹಿಡಿಯಬಹುದು.
ಮ್ಯಾಥ್ ಸ್ಕ್ಯಾನರ್- ಮ್ಯಾಥ್ ಸಲ್ಯೂಷನ್ಸ್ (Math Scanner- Math Solutions)
ನೀವು ಇದನ್ನು ಉಚಿತವಾಗಿ ಡೌನ್‌ಲೋಡ್ ಮಾಡಬಹುದು. ಇದನ್ನು ಡೌನ್‌ಲೋಡ್ ಮಾಡಿದ ನಂತರ, ಅದನ್ನು ಓಪನ್ ಮಾಡಿ. ಕ್ಯಾಮೆರ ಪ್ರವೇಶಕ್ಕಾಗಿ ನಿಮ್ಮನ್ನು ಕೇಳಲಾಗುತ್ತದೆ. ಪ್ರವೇಶವನ್ನು ನೀಡಿದ ನಂತರ, ಗಣಿತದ ಸಮಸ್ಯೆಯ ಫೋಟೋ ತೆಗೆದುಕೊಳ್ಳಿ. ಆಗ ನಿಮ್ಮ ಪ್ರಶ್ನೆಗೆ ಉತ್ತರ ಸಿಗುತ್ತದೆ. ಇಲ್ಲಿ ಗೂಗಲ್ ಮತ್ತು ಯೂಟ್ಯೂಬ್‌ನ ಹುಡುಕಾಟ ಫಲಿತಾಂಶಗಳು ಸಹ ತಿಳಿಯಲ್ಪಡುತ್ತವೆ.