ಭೋಪಾಲ್: ಚಲಿಸುತ್ತಿರುವ ಟ್ರಕ್ ಬಾಗಿಲನ್ನು ಮುರಿದು ಒಳಗೆ ನುಸುಳಿ ವಸ್ತುಗಳ ಕಳ್ಳತನ ಮಾಡುವುದನ್ನು ನಾವು ಹೆಚ್ಚಾಗಿ ಹಾಲಿವುಡ್ ಸಿನಿಮಾಗಳನ್ನು ನೋಡಿರುತ್ತೇವೆ. ಇದೇ ರೀತಿ ನಿಜ ಜೀವನದಲ್ಲಿ ನಡೆಯಲು ಸಾಧ್ಯವೇ ಎಂದು ಮಾತೂ ಸಹ ಆಡಿರುತ್ತೇವೆ. ಆದರೆ, ಅದು ನಿಜವಾಗಿದೆ.
ಹಾಡಹಗಲಲ್ಲೇ ಮೂವರು ಯುವಕರು ಬೈಕ್ ಮೇಲೆ ತೆರಳಿ ಟ್ರಕ್ನಲ್ಲಿರುವ ವಸ್ತುಗಳನ್ನು ಕದ್ದಿದ್ದಾರೆ. ಟ್ರಕ್ ಮತ್ತು ಯುವಕರ ಬೈಕ್ ಹಿಂಬದಿಯಲ್ಲಿ ಬರುತ್ತಿದ್ದ ಕಾರು ಚಾಲಕ ವಿಡಿಯೋ ಮಾಡಿ ತಮ್ಮ ಯೂಟ್ಯೂಬ್ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದು, ಭಾರಿ ವೈರಲ್ ಆಗಿದೆ.
ಅಂದಹಾಗೆ ಈ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಇಲ್ಲಿನ ನಿರ್ಜನ ರಸ್ತೆಯೊಂದರಲ್ಲಿ ಬೈಕ್ ಮೇಲೆ ಬಂದ ಮೂವರು ಖಾಲಿ ರಸ್ತೆಯ ಮಧ್ಯದಲ್ಲಿ ಚಲಿಸುತ್ತಿದ್ದ ಟ್ರಕ್ ಮೇಲೇರಿದ್ದಾರೆ. ಯಂತ್ರದ ಮೂಲಕ ಟ್ರಕ್ ಬಾಗಿಲ ಬೋಲ್ಟ್ ಅನ್ನು ಕಟ್ ಮಾಡಿ ಒಳಗಿದ್ದ ವಸ್ತುಗಳನ್ನು ಕಳುವು ಮಾಡಿದ್ದಾರೆ.
ಇದನ್ನೂ ಓದಿರಿ: ಗಂಡನ ಒಪ್ಪಿಗೆ ಪಡೆದು ಎರಡನೇ ಪತ್ನಿಯನ್ನು ಮದ್ವೆಯಾದ ಮೊದಲ ಪತ್ನಿ: ಕಾರಣ ಕೇಳಿದ್ರೆ ಬೆಚ್ಚಿಬೀಳ್ತೀರಾ!
ವಿಡಿಯೋ ಮಾಡಿಕೊಂಡ ಕಾರು ಚಾಲಕ ಕಾರನ್ನು ವೇಗವಾಗಿ ಚಲಾಯಿಸಿಕೊಂಡು ಹೋಗಿ ಟ್ರಕ್ ಚಾಲಕರಿಗೆ ತಿಳಿಸಿದ್ದಾರೆ. ಖದೀಮರನ್ನು ಹಿಡಿಯುವಂತೆಯೂ ಎಚ್ಚರಿಸಿದ್ದಾರೆ. ವಿಡಿಯೋ ಮಾಡಿದ ಕಾರು ಚಾಲಕನ ಪ್ರಕಾರ ಟ್ರಕ್ನಲ್ಲಿ ಕೆಲವು ಎಣ್ಣೆ ಪದಾರ್ಥಗಳನ್ನು ಕಳುವು ಮಾಡಿದ್ದಾರೆ.
ಪೊಲೀಸ್ ಸೋಗಿನಲ್ಲಿ ಅಥವಾ ಕಲ್ಲುಗಳನ್ನು ಅಡ್ಡಲಾಗಿ ಇಟ್ಟು ಹೆದರಿಸಿ ದರೋಡೆ ಮಾಡುವುದನ್ನು ನೋಡಿದ್ದೇವೆ. ಆದರೆ, ಈ ರೀತಿಯ ಕಳ್ಳತನ ಪ್ರಕರಣ ಇದೇ ಮೊದಲು ಎಂದು ಕಾರು ಚಾಲಕ ಹೇಳಿಕೊಂಡಿದ್ದಾನೆ. ಇದೀಗ ವಿಡಿಯೋ ವೈರಲ್ ಆಗಿದ್ದು, ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. (ಏಜೆನ್ಸೀಸ್)
(ವಿಡಿಯೋ ಕೃಪೆ: ಟ್ರಾನ್ಸ್ಪೋರ್ಟ್ ಲೈವ್)
ಸತತ ವೈಫಲ್ಯದ ಬಳಿಕ ಆರ್ಸಿಬಿಯಲ್ಲಿನ ತನ್ನ ಯಶಸ್ಸಿನ ಗುಟ್ಟನ್ನು ರಟ್ಟು ಮಾಡಿದ ಗ್ಲೇನ್ ಮ್ಯಾಕ್ಸ್ವೆಲ್!