ಬ್ರಾಸಿಲಿಯಾ: ನಮ್ಮ ಕಣ್ಣುಗಳಿಗೆ ಸವಾಲು ಎಸೆಯುವಂತಹ ಚಿತ್ರಗಳು ಹಾಗೂ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ಕಾಣ ಸಿಗುತ್ತವೆ. ಅದು ಪ್ರಾಣಿ-ಪಕ್ಷಿಗಳಾಗಿರಬಹುದು ಅಥವಾ ವಸ್ತುಗಳನ್ನು ಪತ್ತೆ ಹಚ್ಚುವುದಾಗಿರಬಹುದು. ಆದರೆ, ನೆಟ್ಟಿಗರ ತಲೆಗೆ ಹುಳ ಬಿಡುವುದಂತೂ ನಿಜ. ಅಂಥದ್ದೇ ಮತ್ತೊಂದು ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪಕ್ಷಿಯೊಂದು ಮರದ ಬೇಲಿಯ ಮೇಲೆ ಕುಳಿತಿರುವ ಚಿತ್ರದಲ್ಲಿ ಪಕ್ಷಿಯೂ ನೋಡಲು ಥೇಟ್ ಕತ್ತರಿಸಿದ ಮರದ ತುಂಡಿನಂತೆ ಕಾಣುತ್ತಿದ್ದು, ಜಾಲತಾಣದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ಈ ಚಿತ್ರವನ್ನೂ ಬ್ರೆಜಿಲ್ನಲ್ಲಿ ಸೆರೆಹಿಡಿಯಲಾಗಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಹ ಇದ್ದು, ಭಾರಿ ವೈರಲ್ ಆಗಿದೆ.
ವಿಡಿಯೋ ಮತ್ತು ಫೋಟೋವನ್ನು ವಾಂಡೇರ್ಲಿ ಬೆನಿಟ್ಸ್ ಎಂಬುವರು ಸೆರೆಹಿಡಿದಿದ್ದಾರೆ. “ಪೊಟೋ ಪಕ್ಷಿ”ಯ ಚಿತ್ರವಾಗಿದ್ದು, ಮರದ ಬೇಲಿಯ ಮೇಲೆ ಥೇಟ್ ಮರದಂತೆ ನಿಂತಿರುವ ಪಕ್ಷಿಯು ಕೊನೆಯಲ್ಲಿ ಮೊಟ್ಟೆ ಇಟ್ಟು ಹಾರಿಹೋಗುವುದು ವಿಡಿಯೋದಲ್ಲಿದೆ.
ಇನ್ನು ಈ ವಿಡಿಯೋವನ್ನು 2015 ಜನವರಿ 16ರಂದು ಪೋಸ್ಟ್ ಮಾಡಲಾಗಿದ್ದು, ಇದೀಗ ಮತ್ತೊಮ್ಮೆ ಜಾಲತಾಣದಲ್ಲಿ ಕಾಣಿಸಿಕೊಂಡಿದೆ. ಇನ್ನು ಪೊಟೊ ಪಕ್ಷಿಯು ರಾತ್ರಿ ಚಟುವಟಿಕೆಯ ಪ್ರಭೇದಕ್ಕೆ ಸೇರಿದ್ದರು, ದಕ್ಷಿಣ ಗೋಳಾರ್ಧದಲ್ಲಿ ಇವು ಹೆಚ್ಚಾಗಿ ಕಂಡುಬರುತ್ತವೆ. ಇದೀಗ ಫೋಟೋ ಮತ್ತು ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಹುಬ್ಬೇರಿಸಿದೆ. (ಏಜೆನ್ಸೀಸ್)
(ವಿಡಿಯೋ ಕೃಪೆ: ಡೈಲಿ ಮೇಲ್)