ಭಾರತೀಯ ಮೂಲದ ಇಬ್ಬರು ಬ್ಯಾಟ್ಸ್​ಮನ್​ಗಳಿಂದ ಅಮೆರಿಕ ಪರ ಭರ್ಜರಿ ಶತಕ: ಸೆಹ್ವಾಗ್​ ದಾಖಲೆ ಉಡೀಸ್​! Indian batsmen

Indian batsmen : ಐಸಿಸಿ ಕ್ರಿಕೆಟ್ ವಿಶ್ವಕಪ್ ಲೀಗ್-2 2023-27ರ ಅಂಗವಾಗಿ ನಿನ್ನೆ (ಮೇ 17) ಕೆನಡಾ ವಿರುದ್ಧ ನಡೆದ ಏಕದಿನ ಪಂದ್ಯದಲ್ಲಿ ಅಮೆರಿಕ ತಂಡವನ್ನು ಪ್ರತಿನಿಧಿಸುತ್ತಿರುವ ಭಾರತೀಯ ಮೂಲದ ಕ್ರಿಕೆಟಿಗರಾದ ಸ್ಮಿತ್ ಪಟೇಲ್ ಮತ್ತು ಮಿಲಿಂದ್ ಕುಮಾರ್ ಭರ್ಜರಿ ಶತಕ ಬಾರಿಸಿದರು.

ಫ್ಲೋರಿಡಾದಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಅಮೆರಿಕ, ನಿಗದಿತ 50 ಓವರ್​ಗಳಲ್ಲಿ 3 ವಿಕೆಟ್​ ನಷ್ಟಕ್ಕೆ 361 ರನ್​ಗಳ ಬೃಹತ್​ ಗುರಿಯನ್ನು ನೀಡಿತು. ಅಮೆರಿಕ ಪರ ಆರಂಭಿಕ ಆಟಗಾರ ಸ್ಮಿತ್ ಪಟೇಲ್ (ಅಜೇಯ 152 ರನ್​, 137 ಎಸೆತ, 12 ಬೌಂಡರಿ, 4 ಸಿಕ್ಸರ್) ಮತ್ತು ಐದನೇ ಆಟಗಾರ ಮಿಲಿಂದ್​ ಕುಮಾರ್ (ಅಜೇಯ 115 ರನ್​, 67 ಎಸೆತ, 12 ಬೌಂಡರಿ, 5 ಸಿಕ್ಸರ್) ಅಜೇಯ ಶತಕಗಳೊಂದಿಗೆ ಭರ್ಜರಿ ಪ್ರದರ್ಶನ ನೀಡಿದರು.

ಅಮೆರಿಕ ನೀಡಿದ ಬೃಹತ್ ಗುರಿ ಬೆನ್ನತ್ತಿದ ಕೆನಡಾ ತಂಡಕ್ಕೆ ಅಮೆರಿಕದ ಬೌಲರ್​ಗಳಾದ ಸಂಜಯ್ ಕೃಷ್ಣಮೂರ್ತಿ (3.2-0-10-3), ಕೆಂಜಿಗೆ (10-0-41-2), ಮಿಲಿಂದ್ ಕುಮಾರ್ (9-0-40-2), ಹರ್ಮೀತ್ ಸಿಂಗ್ (10-1-38-2) ಮತ್ತು ಜಸ್​ದೀಪ್​ ಸಿಂಗ್ (7-0-35-1) ಆಘಾತ ನೀಡಿದರು. 46.2 ಓವರ್‌ಗಳಲ್ಲಿ 192 ರನ್‌ಗಳಿಗೆ ಕೆನಡಾ ಆಲೌಟ್ ಆಯಿತು. ಪರಿಣಾಮವಾಗಿ, ಯುಎಸ್ಎ 169 ರನ್‌ಗಳ ಬೃಹತ್ ಅಂತರದಿಂದ ಗೆದ್ದಿತು.

ಇದನ್ನೂ ಓದಿ: ಮದುವೆಯಾದ ಒಂದೇ ವಾರದಲ್ಲಿ ಪತ್ನಿಯನ್ನು ಬರ್ಬರವಾಗಿ ಕೊಂದ ಗಂಡ! ಕಾರಣ ಹೀಗಿದೆ…Husband Kills Wife

ಈ ಪಂದ್ಯದಲ್ಲಿ, ಮಿಲಿಂದ್ ಮತ್ತು ಸ್ಮಿತ್ ಪಟೇಲ್ ದಾಖಲೆಯ ಶತಕಗಳನ್ನು ಗಳಿಸಿದ್ದರಿಂದ ಯುಎಸ್ಎ ಏಕದಿನ ಪಂದ್ಯಗಳಲ್ಲಿ ತಮ್ಮ ಅತ್ಯಧಿಕ ಸ್ಕೋರ್ (361) ದಾಖಲಿಸಿತು. ಈ ಪಂದ್ಯದಲ್ಲಿ 60 ಎಸೆತಗಳಲ್ಲಿ ಶತಕ ಪೂರೈಸಿದ ಮಿಲಿಂದ್, ಏಕದಿನ ಪಂದ್ಯಗಳಲ್ಲಿ ಯುಎಸ್ಎ ಪರ ಅತ್ಯಂತ ವೇಗದ ಶತಕ ದಾಖಲಿಸಿದರು. ಅಲ್ಲದೆ, ಮಾಜಿ ಭಾರತೀಯ ಬ್ಯಾಟ್ಸ್‌ಮನ್ ವೀರೇಂದ್ರ ಸೆಹ್ವಾಗ್ ಅವರ ದಾಖಲೆಯನ್ನು ಸರಿಗಟ್ಟಿದರು. ಏಕದಿನ ಪಂದ್ಯಗಳಲ್ಲಿ ವೇಗದ ಶತಕ ಗಳಿಸಿದ ಭಾರತೀಯ ಮೂಲದ ಎರಡನೇ ಬ್ಯಾಟ್ಸ್‌ಮನ್ ಆದರು. 2009ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೆಹ್ವಾಗ್ 60 ಎಸೆತಗಳಲ್ಲಿ ಶತಕ ಗಳಿಸಿದರು. ಏಕದಿನ ಪಂದ್ಯಗಳಲ್ಲಿ ಅಂತ್ಯಂತ ವೇಗದ ಶತಕ ಗಳಿಸಿದ ಭಾರತೀಯ ಆಟಗಾರನ ದಾಖಲೆ ವಿರಾಟ್ ಕೊಹ್ಲಿ (52 ಎಸೆತಗಳು) ಹೆಸರಿನಲ್ಲಿದೆ.

ಈ ಪಂದ್ಯದಲ್ಲಿ ಅರ್ಧಶತಕ ಪೂರೈಸಲು 44 ಎಸೆತಗಳನ್ನು ತೆಗೆದುಕೊಂಡ ಮಿಲಿಂದ್, ನಂತರ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಈ ವೇಳೆ ಮಿಲಿಂದ್ ಅವರು ಒಂದು ಓವರ್‌ನಲ್ಲಿ (48 ನೇ ಓವರ್‌ನಲ್ಲಿ) 4 ಸಿಕ್ಸರ್‌ಗಳು ಮತ್ತು 2 ಬೌಂಡರಿಗಳನ್ನು ಒಳಗೊಂಡಂತೆ 30 ರನ್‌ಗಳನ್ನು ಗಳಿಸಿದರು. ಇನ್ನು ಸ್ಮಿತ್‌ಗೆ ಸಂಬಂಧಿಸಿದಂತೆ, ಈ ಪಂದ್ಯದಲ್ಲಿ ಅವರ ಅಜೇಯ 152 ರನ್‌ಗಳ ಪ್ರದರ್ಶನವೂ ಕ್ರಿಕೆಟ್ ವಿಶ್ವಕಪ್ ಲೀಗ್ -2 ರ ಇತಿಹಾಸದಲ್ಲಿ ಎರಡನೇ ಅತ್ಯುತ್ತಮ ಸ್ಕೋರ್ ಆಗಿದೆ. (ಏಜೆನ್ಸೀಸ್​)

https://www.vijayavani.net/avoid-ice-in-street-juices-are-you-drinking-juice-with-ice-tasmat-be-careful

https://www.vijayavani.net/director-asked-if-she-could-actually-pee-in-front-of-the-camera-during-shooting-prominent-actress-janki-bodiwala-reveals