ಹೈದರಾಬಾದ್: ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರು ಎಂಥಾ ವರ್ಸಟೈಲ್ ಆದ ಗಾಯಕರಾಗಿದ್ದರು ಎಂದರೆ, ಸುಮಾರು ಮೂರು ದಶಕಗಳ ಕಾಲ, ಮೂರು ತಲೆಮಾರಿನ 150ಕ್ಕೂ ಹೆಚ್ಚು ಹೀರೋಗಳಿಗೆ ಹಾಡಿದ್ದರು. ಬರೀ ಹಾಡುವುದಷ್ಟೇ ಅಲ್ಲ, ಪ್ರತಿಯೊಬ್ಬ ಕಲಾವಿದರಿಗೂ ಮ್ಯಾಚ್ ಆಗುವಂತೆ ಹಾಡುತ್ತಿದ್ದುದು ಅವರ ವಿಶೇಷತೆಯಾಗಿತ್ತು.
ಇದನ್ನೂ ಓದಿ: ಯಾರೂ ಮಾಡದ ಒಂದು ದಾಖಲೆ ಮಾಡಿದ್ದಾರೆ ಎಸ್ಪಿಬಿ … ಏನದು?
ಈ ವಿಷಯದಲ್ಲಿ ಇಡೀ ಭಾರತೀಯ ಚಿತ್ರರಂಗದಲ್ಲೇ ಯಾರೂ ಮಾಡದ ಒಂದು ಅಪರೂಪದ ದಾಖಲೆಯನ್ನು ಅವರು ಮಾಡಿ ಹೋಗಿದ್ದಾರೆ. ಒಂದೇ ಕುಟುಂಬದ ಮೂರು ತಲೆಮಾರಿನ ನಟರಿಗೆ ಅವರು ಹಾಡುವ ಮೂಲಕ ಅವರು ದಾಖಲೆ ಮಾಡಿದ್ದಾರೆ.
ಆ ಒಂದೇ ಕುಟುಂಬದ ಮೂರು ತಲೆಮಾರಿನ ನಾಯಕನಟರು ಯಾರು ಗೊತ್ತಾ? ಎನ್.ಟಿ. ರಾಮರಾವ್, ಬಾಲಕೃಷ್ಣ ಮತ್ತು ಜ್ಯೂನಿಯರ್ ಎನ್ಟಿಆರ್ … 60ರ ದಶಕದ ಕೊನೆಯಲ್ಲಿ ಎನ್.ಟಿ. ರಾಮರಾವ್ ಅವರಿಗೆ ಮೊದಲ ಬಾರಿಗೆ ಹಾಡಿದ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರು ನಂತರ 80ರ ದಶಕದಲ್ಲಿ ಮಗ ಬಾಲಕೃಷ್ಣ ಮತ್ತು 2000ರ ನಂತರ ಜ್ಯೂನಿಯರ್ ಎನ್.ಟಿ.ಆರ್ ಅವರಿಗೆ ಹಾಡಿದ ಖ್ಯಾತಿ ಬಾಲು ಅವರಿಗಿದೆ.
ಇದನ್ನೂ ಓದಿ: ಅಮಿತಾಭ್ಗೆ ಧ್ವನಿ ನೀಡುವುದಕ್ಕೆ ಎಸ್ಪಿಬಿಗೆ ಕೊನೆಯವರೆಗೂ ಸಾಧ್ಯವಾಗಲೇ ಇಲ್ಲ …
ಇನ್ನು ಅದೆಷ್ಟು ಅಪ್ಪ-ಮಕ್ಕಳಿಗೆ ಅವರು ಹಾಡಿದ್ದಾರೋ ಲೆಕ್ಕ ಹಾಕುವುದು ಕಷ್ಟ. ತೆಲುಗಿನಲ್ಲಿ ಅಕ್ಕಿನೇನಿ ನಾಗೇಶ್ವರ ರಾವ್ ಮತ್ತು ಅವರ ಮಗ ನಾಗಾರ್ಜುನ ಅವರಿಗೆ ಬಾಲಸುಬ್ರಹ್ಮಣ್ಯಂ ಹಾಡಿದ್ದರು. ಕನ್ನಡದಲ್ಲಿ ಡಾ. ರಾಜಕುಮಾರ್ ಮತ್ತು ಶಿವರಾಜಕುಮಾರ್, ಕೃಷ್ಣ ಮತ್ತು ಮಹೇಶ್ ಬಾಬು, ಶಿವಾಜಿ ಗಣೇಶನ್ ಮತ್ತು ಪ್ರಭು … ಹೀಗೆ ಪಟ್ಟಿ ದೊಡ್ಡದಿದೆ.
ಕನ್ನಡದಲ್ಲಿ ಪ್ರಶಸ್ತಿ ಪಡೆಯುವುದಕ್ಕೆ 30 ವರ್ಷ ಕಾಯಬೇಕಾಯಿತು ಎಸ್ಪಿಬಿ …