ಮುಂಬೈ: ನಟ ಸೋನು ಸೂದ್ ಮತ್ತೆ ಸಹಾಯಕ್ಕೆ ಸಿದ್ಧರಾಗಿದ್ದಾರೆ. ಕಳೆದ ವರ್ಷ ನೂರಾರು ಕೆಲಸ ಮಾಡಿದ್ದ ಅವರು, ಎರಡನೇ ಅಲೆಯ ಸಂದರ್ಭದಲ್ಲಿಯೂ ತಮ್ಮ ಮಾನವೀಯ ಗುಣವನ್ನು ಚಾಚಿದ್ದಾರೆ. ಬೆಡ್ ವ್ಯವಸ್ಥೆ ಮತ್ತು ಆಕ್ಸಿಜನ್ ವ್ಯವಸ್ಥೆ ಸಿಗದ ಕೋವಿಡ್ ಸೋಂಕಿತರಿಗೆ ಕೈಲಾದ ಮಟ್ಟಿಗೆ ಬೆಡ್ ಮತ್ತು ಆಕ್ಸಿಜನ್ ಪೂರೈಕೆ ಮಾಡುವ ಕೆಲಸದಲ್ಲಿ ತೊಡಗಿದ್ದಾರೆ.
ಇದನ್ನೂ ಓದಿ: ಅಲ್ಲು ಅರ್ಜುನ್ಗೆ ಕರೊನಾ ಪಾಸಿಟಿವ್: ನನ್ನ ಬಗ್ಗೆ ಚಿಂತಿಸದಿರಿ ಎಂದ ಟಾಲಿವುಡ್ ನಟ
ಹೌದು, ಕೋವಿಡ್ ಸೋಂಕಿನಿಂದ ಸೋನು ಗುಣಮುಖರಾಗಿ ಬಂದಿದ್ದಾರೆ. ಆ ನೋವನ್ನು, ಯಾತನೆಯನ್ನು ಅನುಭವಿಸಿದ್ದಾರೆ. ಹೀಗಾಗಿ ಇದೀಗ ಕೋವಿಡ್ ರೋಗಿಗಳ ಆರೈಕೆಗೆ ನಿಂತಿದ್ದಾರೆ. ಮುಂಬೈ ಸೇರಿ ವಿವಿಧ ರಾಜ್ಯಗಳಿಗೆ ಆಕ್ಸಿಜನ್ ಸೇರಿ ಹಲವು ಮೆಡಿಕಲ್ ಸಹಾಯಕ್ಕೆ ಧಾವಿಸಿದ್ದಾರೆ. ಇಂಥ ಕೆಲಸ ಮಾಡುವುದು 100 ಕೋಟಿ ಬಜೆಟ್ನ ಸಿನಿಮಾದಲ್ಲಿ ನಟಿಸುವುದಕ್ಕಿಂತ ಮೇಲು ಎಂದಿದ್ದಾರೆ.
ಇದನ್ನೂ ಓದಿ: ಕರೊನಾ ನಡುವೆಯೂ ಚಿತ್ರೀಕರಣ ಮುಂದುವರೆಸಿದ ರಜನಿಕಾಂತ್
ಈ ಬಗ್ಗೆ ಟ್ವಿಟ್ ಮಾಡಿರುವ ಅವರು, ‘ಮಧ್ಯರಾತ್ರಿಯಲ್ಲಿ ಸಾಕಷ್ಟು ಕರೆಗಳನ್ನು ಮಾಡಿದ ನಂತರ ಅವಶ್ಯವಿರುವವರಿಗೆ ಬೆಡ್ ವ್ಯವಸ್ಥೆ, ಆಕ್ಸಿಜನ್ ಒದಗಿಸಿ ಜೀವ ಉಳಿಸುವುದು 100 ಕೋಟಿ ರೂ ವೆಚ್ಚದ ಬಜೆಟ್ನ ಚಿತ್ರದಲ್ಲಿ ಅಭಿನಯಿಸುವುದಕ್ಕಿಂತಲೂ ಸಾವಿರ ಪಟ್ಟು ಹೆಚ್ಚು ತೃಪ್ತಿ ನೀಡುತ್ತದೆ. ಆಸ್ಪತ್ರೆಗಳ ಮುಂದೆ ಬೆಡ್ಗಾಗಿ ಸೋಮಕಿತರು ಕ್ಯೂನಲ್ಲಿ ನಿಂತಿರುವದನ್ನು ನೋಡಿದರೆ ನಮಗೆ ನಿದ್ದೆ ಬರುತ್ತಿಲ್ಲ ಎಂದು ಬರೆದುಕೊಂಡಿದ್ದಾರೆ. ಹೀಗೆ ನಿತ್ಯ ಸಾಕಷ್ಟು ಜನ ಕರೆ ಮಾಡಿ ಬೆಡ್ಮತ್ತು ಆಕ್ಸಿಜನ್ ಬೇಡಿಕೆ ಇಡುತ್ತಿದ್ದು, ಕೈಲಾದ ಮಟ್ಟಿಗೆ ತಮ್ಮ ಫೌಂಡೇಷನ್ನಿಂದ ಈಡೇರಿಸುತ್ತಿದ್ದಾರೆ.